¹ Niwe po ing jo pa lala ni pi nileka hawa teba fefe naro ete pa ni hanara ni ba fitowe hanara ni bateako lako Kristus. ² Noopea nilele ehu jajo nafe ni ele ka,pea elelekale uara eloloka, ³ E ing elakole neba witowe,hanara hupala fe ekaki ele ing pea no rukuto e ing,eba fitowe,peanya eba mele fito kape. ⁴ Peanya hanara bau leto,niwe ni ha Paulus loke?Ni we ,ni ha Apolos ' loko pea jari penara e ha fitowe Tata loke ka? ⁵ Peanya,Apolos na?Paulus na?Tata bapoke tea etero  tute Yesus e folog te wowo Tata loma kewenulu. ⁶ Ni wawapa,Apolos  me pa mebepe,Tata kewo leko to wiwi. ⁷ Peanya  newawana,pa mepe na peing afia Tata jato ing  keleko towi. ⁸ Hefe keba jawena keba pa keke pe na teing halalafa, tewowo jana pepe tere ing hanara jano kaag pepe tere wowo. ⁹ Tepa ne ing Tata bapoke eba pa ing lehi keke paa Tata.

¹⁰ Hanara hefe fefe wa Tata keweleto niwe hanara niba robe paa jano nileele,ni hanara ahli tota paa ing fulus pepe niwei.Pa teba kau paa ing jano tere pelo weato teba kau tefoe jano ing ke fofo,paa ing kele hohofa,kote etete. ¹¹ Baura kete tukoto fulo hi ing kewei ka,peanya fulo tukolo pepe ing Kristus Yesus. ¹² Kaimpa teba tete paa ing tewe ete jala emas,perak,batu permata,ri tampo hofo. ¹³ ba pepe to ing jano nene wowo,nefofote Tata ke fofole ke teju lah,raa tenanera jano nene wowo kefola raa iang. ¹⁴ Hanara jano meme ing raepa pe nafe,pereto pe baing ja na hefe pewe. ¹⁵ Hanara jana g rae umpa ke jalelepa ka,laha kewo ing ke Tata hefe kewele,pa keing,hanara kemoke raa pa hoo. ¹⁶ Elo kana e ing Tata lupopo pa Roh Tata kemole hipala meme? ¹⁷ Peanya hanara teba lupopo pa tetape ing,Tata kera keka popole Tata paa keke ing.Fefe pa too Tata paa ke ke ing neba. ¹⁸ Baura oo pefa nepepewo hanara bai epa awea mepera no meme ing fefe wa fito wea peanya lopa ura pele wa fefe. ¹⁹ Hanara fefe wa fitowe pe topo wa Tata dea ja po tokoto kea,teba kela po te nafe tete tenaro, ²⁰ Te te ja hi ing Tata kelo pi lelepa tewako,ja fitoka pepewe bamua wo jano lelepa ing heteka fatawo." ²¹ Peanya,baura noo meme mena pupu ka,wa teba kau.Jalelepa ing meme wo. ²² Hanara Paulus,Apolos pa Kefas fitowe kemole  kewa,bang uana bang waeto vaa lelepa ing eefa. ²³ Ebaing Kristus tebaya keke pa Kristus ke Tata bake.