Pasal 2
Paulus ke ri Korintus
1
Poing nelo ebapawe jopa lala ni piti hefe pa pi nafe pa pera ka,Tata pife ke ni laka.
2
Pea nilo pilelepa nileke kale,hanara pea Yesus Kristus kea tekele rii(Salib).
3
Nira e nile nihala,no nuka pa neaja pa,nirafuu pa nenine tete jaketo.
4
Wa pina nine pa wa pife kekepa pe pii hoho nileka,hanara fefe ing nafepa,
5
peanya hanara fefe ing nafe ka,Roh ura hupala meme ing,teba mepekoko ka,pa menafe koko Tata.
Fefe Bamua
6
Bamuafo,fefe keke mepenapu teba huo hanara fefe ing te luhahato.
7
Pa,hanara pife newena nanete we,fefe we Tata pe we koto pa,letekoto,fitowe lewa ka,paTata kelelako,fefe,wa jeng tete teju neba.
8
Teba nafe fitowe te fijika.Hanara tefija ing,to rii Yesus Kristus tekelele kate.
9
Ropo nukoto ja hahafa luto,pefoka ne le pe wate rukana,pe wofa hoa hupa pung nene ing neba kelepa ing,Tata ketepiko pafaa,pea Tata ke tepiko teba hanara telakoto Tata nopara ke."
10
Newe,Tata keleto Roh kenalu peanya Roh ing jalelepa kelafo tupa wako te,jalelepa we moto Tata nepara ke.
11
Neba we teha ri jano mefokote,jalelepa we moto teba neite,peanya Roh neba ing moto kewa nou keke.Peanya,hana ira baura poka ja moto Tata nei,keke Roh Tata kewofa.
12
Neba we roh fito pe ne roh keka Tata ura neroro ja,hefe wa Tata hito neba.
13
Hanara newe japa hefe nenaru te,hupa lang tetewa Tata,Roh,keke.Janenato hoho jalelepa nolelepa,wa neitete,ke ing Tata roh ke.
14
Teba,fitowe ja hefe wa Tata ke ing kelokote king ja ooh,kefola kafa tawo.Jano i pe Tata wa,Tata hohoke.
15
Peanya teba Tata bapake ing ja lelepa kefola,pa kewo ing ke,teba fijaka.
16
Peanya,ba Tata hupala keke kefola ura ke pihenalu?Newe hupala nene moto Kristus.