¹ Paulus,Tata ke keleko Rasul Yesus Kristus pa Sostenes lala nene. ² Kelete Tata ba,pake mete Korintus tebapa te mete lata nepara keke,nepara fefe Yesus Kristus keleko teto lala ke pa teba fefe bapo Tatae,bawe pa pa jeng lelepa,Tata batike piteni Yesus Kristus ing,Tata tete pa Tata nene. ³ Tabeja kele kasih karunia pa epipa wa Tata nene pa Yesus Kristus e ing keka wale.

⁴ Janawo niwete Tata nine peanya,hefe epi meme wa Tata hito ke walete bati keke,Yesus Kristus, ⁵ bati keke jelelepa,pa wa piti lelepa wa rito pe te tete ete, ⁶ pe wala,ropo lewa Yesus Kristus  ke teba hupala hefeing makele. ⁷ Peanya ejalele pa ing kaka aloro,epi keke pea ehoko fefe ke kelete Yesus Kristus, ⁸ kera e makele ura,neaja eleko,ku keleko kota ini,noaja pa eleko ku keleko kota ini,noaja pa ehoko ba keke oke Yesus Kristus. ⁹ Tata ekoloko ele elopa ena oke keke Yesus Kristus Tuhan nene keba pepe ba.

Koho Tewe ikoto Tata ba Paake

¹⁰ Kenete jopa lala Tata batike Tuhan nene,Yesus Kristus kelete e bapa ing hupala ali pina ali,eboba ka,mera pepako era hupala aeleko ali pa pina alifa. ¹¹ Peanya jopa lala ni hoho teni nawea teba pai Kloe,hoho tete,ekaking koto jemaat nya. ¹² Pi eleko ko nawea ewo wo keho ewiko elonawea,"Ni kole Paulus kangke nekoto Apolos nelakoto Kefas pa eba kau,nahara elakole Kristus." ¹³ Eka hu ee hoho bapale wo?Koto na?Kristus ing tekote keke?Hana hoho e paehe ing,Paulus bati ke na? ¹⁴ Ni Tata pii ni lee hanara baura ke paa ke,no iwefeka,teba hitufa Krispus tena Gayus, ¹⁵ peanya teba ing tenini kate neni,paa keno kewefe ing,bati nine . ¹⁶ Hanara Stefanus paike,nia paa nile tehe.Teba kau ni leka hanara teba kau ra paa tehena. ¹⁷ Yesus Kristus ni keloko ni la ke ing teba,baptisnikeka,kelo memeTata pi fike,memamama pea hanara hupala meme piti mepa ura merii salib Kristus ing lewawa ka pa langko.

Tata Fefeke pa Neba

¹⁸ Kelona wea salib Yesus tekele ing teba fefe pe ing terija ka,pa feba ing te luhahato,teba hefe ela kete Tata pikete ing,nafe wa Tata. ¹⁹ Tata,ropo keke kelokote teba hohopa api ong fefa ete ing,kelekote lo haha,teba o pa bamua pi teete ing,kejo tekaka." ²⁰ Teba paa,hoho fefe api teja ete tete ne?Tetene  teba pa hoho ropo tete ete hana ahli Taurat tetene  tebapa fito apike teja ete?Peanya fito apike we Tata keleko pe topo humau? ²¹ Fitowe fife koto fitowe Tata tefe jakowe  ketefija wa,pina keke(Injil) ²² Tebapa Yahudi  te pipipa  ja lewa luto pa tewo,tebapa Yunani te ing hupala pa te jaji. ²³ Neba we Tata pifeke ne we nenekote teba Yahudi ing,wuu la teja  pa wakote teba kau Yahudi ka ing,hi topo. ²⁴ Peanya wate teba hanara yedi pa tebapa kau,Yahudi ka ing pe ing Tata,Kristus ke ing nafe,wa Tata pa fefe wa kea Tata. ²⁵ teba roropa  ka ing Tata ing,teba fefe tupa pa wa neba ing  eku  wa Tata nafe fa neba. ²⁶ Pa ehu ee japalala nepara,eeing tenana po eteniko eko ahatete wa nenene,teba nawo hupa pung hefe ka teba nawo teba telaka,teba nawo teba ho teheka, ²⁷ hana jalelepa topo wa fito we,Tata ke kiko teba hupala fefe ing keleko,teba roka,ja hefe fito penu pe Tata kekiko fitowe teba ro kaka. ²⁸ Ja,hefe wa taha meme,fito pefoing,Tata kekiko ja ing fena Tata kekiko jafeing keleto hefeng, ²⁹ ura neba ura ne  mena pupu ka,Tata. ³⁰ Hanara  e mele Yesus Kristus kea pa,nebawe feef lewane.Kea,newe ketepi kelee eteka,pa makele. ³¹ Peanya japa tetemoto,"Ba nepara kewe ete,peing mepenakapa e Tata."