1
Phra' Ông hlian caak 'moon hni' hôôc gaay dah kung ked dé' Ge, pa' ah savôk gaay hrèc Ge.
2
Nam rod mw Sèbét Ge bwan 'mook soon dah rôông Sala. Maak gôn méc nèèv Ge soon go' oor yo' viir. no lav sah, " Ge bwan krloh 'mook soon gi dah ar me'?" "Sati' pan ña yo' Ge ah ni' meh me' an Ge dé'?" "Ge tèèng nèèv le' ngwd le' viir thwr gi bwan nèèv me'?
3
"Gi am meh gôn tèèng gruam gaang, koon Mèri taay dé' Céém, Côsi, Judas pa' Saaymon? Hèèm cmkun dé' Ge no am yat khi broom i' adé?" No am bo hrñwam yo' Phra' Yésu.
4
Hôôc Phra' Yésu go' lav yo' no sah," bang am 'yam gôn lav phwwn krloh Phra' cav, am lav ci meh taay hèèm koon kung koon gaang dé' ge bang go' am 'yam."
5
Ge ci tèèng work hnam nèèv me' go' am bwan, hrnlwng ci jeh ti' athithaan srnwm no gôn cu' hrwn.
6
Phra' Ông go' viir dah hrlo' am dwwm dé' no. hôôc Ge go' yoh 'mook soon dah kung knvér hni'.
7
Hôôc Ge k' eey savôk galbaar gôn hôôc srông no yoh 'moon baar gôn, pa' an no dé' am nad pwrveey hrôôy sua,
8
'mook gai 'mook mwt hmeh nam no yoh ngoor, hrwnlwng s'nar-am mwt mah pook, dai, pa' k'muul dah srèèv-
9
An séh lwng keb hôôc ha hwng kô' tèb baar phwwn.
10
Ge lav yo' no sah, "Nam bo gud dah gaang g'me' an bo dwm yat hni' côñ bo ci hlian du' dah hni'.
11
Hak mwang gme' am toon rap rwh am hmñèng bo, nam bo hlian hni' an khwh rwh boh hlian dah kervérh an meh pha' ñaan yo' no.
12
No hlian yoh paav an gôn pic hrñwam hmang ken tèèng 'maap.
13
No va' hôôy sau maak tô hlian, pa' dé' meey da gôn cu' maak gôn hôôc srnwm no.
14
Nam K'sat Hérôd méc lwang gi, ñoon swng meh dé' brè yoh lih. Ah gôn lav sah, "Meh Coon babtis vér gaay caak haan, dwng ni' Ge tang ah rit am nad tèèng nèèv le' ngwd bwan."
15
Gôn me' bang lav sah , "Ge meh Élaayca." hnoong ah gôn me' bang lav sah, "Ge meh gôn lav phwwn krloh Phra' Cav, hmwan gôn lav phwwn keloh' Phra' Cav dah nam ye'."
16
Nam Hérôd bwan méc , ge lav sah, "Coon gôn yo' ô' kô'h kntuar ni' bwan vér gaay caak haan.
17
Hérôd srông gôn yoh krwb Coon hôôc khrang ge dah khuk ñoon ya' Hérôdias (kmbra' dé' Filiip hèèm dé' ge) ñoon ge de' na.
18
Coon lav yo' Hérôd sah, "am meh taam kôt swng mé ci dé' kmbra' hèèm gaay meh kmbra'."
19
Hôôc ya' Hérôdias kmbluur cu' phaan ge 'nai go' tèèng am bwan.
20
Ñoon Hérôd ngo' Coon; ge neeng le' sah, Coon meh gôn sob tham, gôn Borisut ge tang am hpaan Coon. Hérôd am bo hrñwam dah nèèv Coon 'mook 'nai ge go' bo hrñwam hmyèèng.
21
Nam mw ked dé Hérôd go' gaay rod ge tèèng an meh mu liang cav naay, naay tha' haan dé' Gèli'li.
22
Koon cmkwn dé' ge gud tè' an no dé', na tèèng an Hérôd pa' gôn gw' bo hrñwam. Ka'sat go' lav yo' na sah, an ba maañ ô' " ba cu' dé' hmeh ô' ci an ba dé'."
23
Ge sa'maan hôôc lav yo' na "ba maañ hmeh yo' ô', ô' ci an ba dé' maak 'naam môôy greng dé' Anacak dé' ô'."
24
Hôôc na go' hlian yoh lav yo' ma' dé "ô' le' ci maañ hmeh yo' ge?" na lav sah, "ô' cu' dé' kmpông Coon Bèbtis."
25
Na go' baav vér gaay yoh coro Ka'sat, lav sah, "ô' cu' dé'an mé an ô' dé' kmpông Coon Bèbtis plah dah hwmpiar s-oong kh'ni'."
26
Lwang gi tèèng an K'sat thuk hrñwam, 'nai ge go' pa' ti' séd na am bwan ñoon hrlo' sa'maan dé' ge pa' ge dé' hrñwam gôn gw' dah mw liang dé' ge.
27
Dwng ni' ka'sat tang srông tha'haan pa' cam loh yoh broom pa' sang an kôh kmpông dé' Coon dah khuk.
28
Ge go' dwang kmpông Coon plah dah hwmpiar s-oong gaay an yo' na, hôôc na go' mod yoh yo' ma' dé' dé.
29
Nam savôk dé' ge bwan méc khaav gi, no go' gaay dwang twrloong dé' ge yoh uun dah hntu' tham.
30
Akkha savôk gaay broom Phra' Yésu hôôc 'mook Ge twng lôôc nèèv no tèèng pa' soon.
31
Hôôc Ge lav yo' no sah, " An bo yoh me' yoh dé hrlu' dèk dah 'moon am ah me'." Ñoon ah gôn gw' yoh gaay, côn no kwab ci am ah ñaam be' mah.
32
Dwng ni no tang oor yo' ga c-loong hlian yoh dah 'moon am ah me'.
33
Nam gôn gw' guuñ no phuam hlian ah maak gôn cw no bwan, gôn caak maak mwang oor yo' dar yoh 'moon hni', hôôc no yoh rod dah hni' kaar phra' Yésu pa' savôk.
34
Nam no rod dah bwb, Ge guuñ gôn gw' hôôc ah hrñwam trnèèm no ñoon no hmwan bwwng kè' am ah gôn liang. Dwng ni' Ge go' tang k'naal 'mook soon no maak nèèv.
35
Ge r'ywk lèèv, savôk gaay coro Ge hôôc lav sah, "gi meh 'moon sook liik, ge go' meh ñaam c'kô' lèèv.
36
Lav an no gaay cem an no sook mah sook wk dé eeng hroh khung gaang ta'viing gni'."
37
Hôôc Phra' Ông yé' yo' no lav sah, "An bo an no be'." No lav yo' Ge sah, "I' ah k'muul baar rooy dénnèri hrwn ci lèèk swng mah an no be' bwan nèèv me'?"
38
Ge lav yo' no' sah, yo yèèng "No ah mah pook 'naam me' rwm nôôm? "Hôôc no bwb, no go' yèh, "Hni ah rwnlwng mah pook pwang rwm nôôm pa' ka' baar tô."
39
Ge 'mook no pa'tang lôôc an dén dah cit cwm me' cwm dé.
40
No go' dén juur cwm la' môôy rooy pwang gal gôn.
41
Ge mod mah pook pwang rwm nôôm pa' ka' baar tô ni', Ge swm ngeh yèèng la'vaang hôôc Ge uayphoon pa' vèh mah pook an yo' savôk 'yaay cwm gôn be'. Ge go' pan ka' baar tô ni' yo' no twng lôôc hmwan yo'.
42
No pa' twng lôôc go' oor dè mah bi'.
43
No oor yo' dé rèh mah pook pa' ka' yo' ge s'lah giñ galbaar 'mung.
44
Ah cambro' pwang ban gôn yo' ge be' mah pook ni'.
45
C'man gni' Phra' Ông go' lav yo' Savôk ga c-loong yoh gaal Ge, dah Bétsèda blah hô', nam Ge phuam sroong gôn gaay dah gaag.
46
Nam no du', Ge go' ga dah môk Athithaan.
47
Yo'buar gni', c'loong go' hai yat dah klaang greng ôm tha'lé lèè, hôôc Ge go' yat dah môk dé môôy gôn.
48
Ge guuñ no phuam léév gvaac c'loong, hôôc hwn dreey go' paan no. Ñaam puul moong léh ci bah, Ge ñaang kveey ôm, gaay coro no, Ge cu' ñaang glad no.
49
'Nai no guuñ Ge phuam ñaang kveey ôm tha'lé, no oor yo' twrget hôôc héd sah Ge meh hrôôy.
50
Ñoon no guuñ Ge no go' ngo'. C'man gni', Ge srô' yo' no lav sah, "An ha' wmhrñwam! gi meh Ô'!, Ha' ngo'!"
51
Ge go' ga dah c'loong broom no, hôôc hwn dreey go' ken huur. No go' oor yo' dé viir srme'.
52
Dwng ni' no am neeng ri' krloh lav krloh rwm nôôm sah meh hmeh. Ñoon hrñwam no krang k'dèèl.
53
Nam no khaam gaay blah naay, no tuk c-loong uun dah Mwang Cénnésarét.
54
Dah c''man gni' no go' prneeng Ge, nam Ge hlian dah c-loong,
55
Hôôc no oor yo' daar pha kung ta'viing gni' dwang gôn cu' tak jrap yoh dah me' go' le' 'moon Ge yat.