¹ Phra' Yésu leem 'mook tiin dah dah bwb tha' lé twmbo' ah gôn gw' pa' è' yo' kwnvér Ge. Ge ga dah c-long hôôc dén. Gôn gw' twnglôôc ni' dwn dah bwb tha'lé. ² Ge'mook tiin no maak nèèv dah hrlo' twngkal, dah hrlo' 'mook dé' Ge lav yo' no sah, ³ " Hmñèèng em! Ah cwmbro' tèèng thin môôy gôn yo' twr smlah pwnswm dé' ge. ⁴ Nam ge twrni' ah kloong khruk dah yér ngoor, go' ah siim gaay tôk. ⁵ Kloong me' bang khruk dah glaang, ah p'té' dék.c''man gni' pwnswm go' riñ khwan ñoon am ah p'té' maak. ⁶ Nam vaar sntal séh pnswm ni' go' srôñ haan, ñoon riah ge am jru'. ⁷ Ah kloong yo' ge kruk dah rum cwrla'.hôôc cwrla' go' riñ khwan pwnggup tèèng an ge am riñ. ⁸ Ah kloong yo' ge kruk dah p'té' le', tèèng an ge riñ khwan, hôôc ket raang ket plé' Gal pé' thôp, Gal tool thôp, pa' Môôôy rooy thôp. ⁹ Hôôc ge lav sah, " Me' ah hrmeey go' an méc"! ¹⁰ Nam Phra' Yésu yat bub dé, no yo' ge yat kwnvér Ge pa' savôk gal baar gôn go' maañ Ge dah hrlo' twngkal gni'. ¹¹ Phra' Ông go' lav yo' no sah, " krlo' jru' dah p'té' savan 'moon ykwat dé' Phra' Cav go' bwan an bo neeng. 'Nai gôn 'nook jwm nèèv ci lav dah hrlo' twngkal, ¹² Dwng ni' nam no yèèng kwndri', 'nam me' go' am guuñ, nam no hmñèèng kwndri', go' am gud dah hrñwam, rwh no gaay Phra' Cav go' ci yeh thôd no dé'." ¹³ Phra' Ông lav yo' no sah, bo am neeng hrlo' twng gi ? Tèèng nèèv me' bo tang ci neeng ri' dah hrlo' twngkal p'twng lôôc? ¹⁴ Gôn ge twr hrlo' Phra' Cav. ¹⁵ Gi meh kloong yo' ge kruk yér ngoor, meh krloh yo' bang twr. nam no méc, dah c''man gni' hrôôy go' gaay mod hrlo' yo' bang twr thrni' ar du'. ¹⁶ Kloong yo' bang twr kruk dah p'té' glaang, dah c''man gni' nam no méc no go' rap hôôc nêêm. ¹⁷ No am ah riah ci dwn, 'nai no go' dwn am reeng. yat dèk banha go' rod bang 'miip krloh gni', hôôc c''man ni' no go' tiing. ¹⁸ Hnoong ah kloong yo' ge kruk dah rum cwrla'.no meh gôn yo' ge méc krlo' Phra' Cav. ¹⁹ Hôôc no hnoong s'naay dah lôôk, hrlo' cu' ah cu' rwmaang,ah hrñwam cu' dé' maak nèèv, thrni' ci gaay s'ngwad krlo' Phra' Cav hôôc ge ci am ah raang ket plé'. ²⁰ Kloong yo' bang twr dah p'té' le' ni', meh gôn yo' ge méc krloh Phra' Cav, rap dwng hôôc ah raang ked plé', pé' gal thôp, tool thôp, rwh maak lwan môôy rooy thôp." ²¹ Phra' Yésu lav yo' no sah, " Nam bo dwng koong tai gud dah kluang gaang bo go' ci am plah dah knduum khrè' rwh dah kndruum yrab adé ? Bo dwang ar gud le' ci plah ge dah kwrvèh dwn dé' ge. ²² Go' hmwan yo' am ah yo' bang soor uun yo' ge ci am neeng, pa' am ah hmeh yo' bang iad uun ci am pluh plian. ²³ Meh me' ah hrmeey an ge hmñèng, Hôôc an ge méc !" ²⁴ Ge lav yo' no sah, " Hmñèng an ri' meh hmeh yo' bo méc, Bo vaac hmeh an brieng dé' bo go' ci bwan nèèv ni' pwrgaay broom pa' ci twmbo' bo dé' an maak. ²⁵ Ñoon sah, me' ah lèèv Phra' Ông go' ci twmbo' an maak, Hôôc gôn yo' ge am ah, meh hmeh yo' ge ah bang go' ci mod du' caak ge." ²⁶ Phra' Ông go' lav tmbo', " 'Moon yat dé' Phra' Cav hmwan cwmbro' môôy gôn twr kloong pnswm dé' ge dah p'té'. ²⁷ Yo' p'swm ge sih Yo' bah ge reh, hôôc kloong pnswm ni' oon riñ khwan nèèv me' ge go' am neeng. ²⁸ P'té' tèèng an kloong hngo' hak riñ khwan dé sèd: sn draan plông lôôr, ah pwrlé', hôôc go' ah hngo' kiñ pwrlé'. ²⁹ Nam hngo' hnduum, hôôc go' rod ñaam kiav, ge go' kiev hngo' gni'." ³⁰ Phra' Yésu go' lav twmbo' sah," I'ci twngkal 'moon yat dé' Phra' Cav hmwan hmeh, rwh ci dwng hrlo' twngkal hmeh gaay lav an ri'? ³¹ Ge go' hmwan kloong t'lô', gni' yo' bang twr, ge ñè' lwwn kloong meh bang dah lôôk gi. ³² Meh lèèv nam bang twr, ge go' riñ khwan hnam lwwn brieng dah thin gni', ge plông lông hnam hlian côn siim gaay tèèng hmpuuy dah lông ni' bwan." ³³ Ñaam Ge lav hrlo' twngkal yo' no maak dwa, maak 'naam cu' dé' an no neeng ri'. ³⁴ Ywm dwa nam Ge lav yo' no go' meh lwng hrlo' twngkal . Hôôc nam Ge hak yat dé môôy gôn, Ge go' laar hrlo' srô' jwm nèèv yo' savôk dé' Ge. ³⁵ Nam bri' buar sini', Ge go' lav yo' no " An i' oor yo' khaam yo' bla' hô'." ³⁶ Dwngni' no du' caak gôn gu', hôôc an Phra'Yésu gud c-loong yo' broom no. Ah c-loong me' bang go' yoh broom Phra' Ông. ³⁷ C''man gni' go' Ah Hndreey hwngkuur, tèèng an ôm kwlba' gud c-loong kwab kiñ. ³⁸ Phra' Yésu go' sih looc dah hnta' C-loong. no go' phreh an Ge reh, broom pa' lav sah, " Acaan eey, Mé am twrnèèm i' pè' ci haan lèèv?" ³⁹ Ge go' reh, khwan rôp Hndreey, pa' lav yo' tha'lé sah, " Léd cem !" Hndreey go' ken rwtngat. ⁴⁰ Hôôc Ge go' lav yo' no sah, " Tèèng hmeh bo tang ngo'? Bo hnoong am ah Hrlo' dwwm Ôh?" ⁴¹ No go' twrywyh ngo' pa' lav yo' dé' sah, " Ge gi me' meh rwh, côn hwngkuur pa' tha'lé go' Hmñèng Ge?"