¹ Phra' Yésu gud dah rôông sala twmbo', dah hni' ah cmbro' ti'tak môôy gôn. ² Ah gôn pohy yèèng sah Phra' Ông ci srnwm cmbro' gôn gni' dah mw Sèbat phwa no ci tu Ge bwan. ³ Phra' Yésu lav yo' cmbro' ti'tak sah, "Reh dwn khwan dah twrdi' greng jim gôn." ⁴ Hôôc Ge go' lav yo' no sah, "Go' meh kôt ban yat swng i' ci tèèng nèèv le' rwh am le', ci uun jua rwh ci plooy an haan dah mw Sébat?" hôôc no go' léd. ⁵ Ge yèèng knvér no dah hrlo' raay, pa' thuk hrñwam ñoon hrñwam dé' no, hôôc Ge go' lav yo' cmbro' gni' sah, "Laar ti' dé' mé." ge go' laar ti' hlian, hôôc ti' dé' ge go' le'. ⁶ Fèri'si go' hlian yoh hôôc no go' lôr yo' gôn dé' Hérôd ci tèèng nèèv me' an Ge haan. ⁷ Hôôc Phra' Yésu, broom Savôk dé' Ge, yoh dah tha'le, go' ah gôn gw' yoh hrér Ge no gaay dah Gèli'li pa' dia. ⁸ Caak Cèrusalém, Aaydumiyah, blah ôm Codeen pa' knvér mwang Taayri pa' Saaydén. Nam no méc nèèv Ge phuam tèèng, gôn gw' go' gaay coro Ge. ⁹ Ge 'mook Savôk dé' Ge an haang C-lomg ñé' an Ge dé' ñoon ah gôn gw', phwa am an no smè' Ge. ¹⁰ Ñoon Phra' Ông bwa srwn srnwm maak gôn an le', dwng ni' jmgôn yo' no ah swng cu' go' smè' yo' phwa ci bwan yak Ge. ¹¹ Nam me' ñaam hrôôu ñôôñ guuñ Ge, no go' dén kmnuun hôôy yaam ôôr, no lav, "Mé meh Koon Phra' Cav." ¹² Ge 'mook no lav sah ha' an no neeng Ge meh me'. ¹³ Phra' Yésu khwan dah môk, Ge k-eey gôn yo' Ge cu' bwb hôôc no go' gaay coro Ge. ¹⁴ Ge rèh gal baar gôn ( Ge k-eey no meh Aakkha savôk) phwa an no yat broom Ge pa' Ge gi srông an no yoh laav krlo' Phra' Cav, ¹⁵ Hôôc go' an no ah ritamnad va' hrôôy bwan. ¹⁶ Gôn yo' Ge rèh meh Saaymon, yo' Ge k-eey swng meh meh Phide; ¹⁷ Cèèm koon dé' Zibidi , Coon taay dé' Cèèm, yo' Ge an swng meh meh Baavnecis, meh " koon hwngkwrwyh"; ¹⁸ pa' Èndru, Philip, Bartolômiiv, Mattiev, Thomas, Cèèm koon dé' Èlfais, Tèdias, Saaymon Ziivlat, ( gôn hrñwam vaar ) ¹⁹ Broom pa' Cudas Iskariôt, gôn yo' ge ka'môt Phra' Ông . ²⁰ Nam Phra' Ông gaay dah gaang go' ah gôn gw' gaay rôôm yo' tmbo', côn no kwab am bwan be' mah. ²¹ Nam hmu' gaang Ge mèc nèèv ni', no go' yoh phwa ci khraang Ge uun, hôôc lav sah, "Ge sar dé lèèv". ²² Bwng thammacaan juur caak Jérusalém lav sah, " hrôôy Bélzibul gud Ge", hôôc ''swng Ge vah hrôôy bwan go' ñoon ritamnat dé' naay hrôôy ni' ''. ²³ Hôôc Phra' Yésu go' k-eey no gaay coro Ge pa' lav hrlo' twngkal yo' no sah, " sataan ci va' sataan hlian bwan nèèv me'? ²⁴ An p'théd g'me' twnlah yo' lèèv, pthéd g'ni' go' yat broom yo' am bwan. ²⁵ An gaang g'me' twnlah yo' lèèv, gaang gni' go' yat bai bwan. ²⁶ An sataan reh khwan tosu loh dé ééng ge go' dwn bai bwan, hôôc go' sut 'naam ni'. ²⁷ Am ah me' ci samad gud lec khrwang gaang gôn kéng an am tuk ge uun kaal hôôc tang gud mod bwan. ²⁸ Ô' lav yo' bo srme' sah, hrlo' 'maap pa' hrlo' srô' thw'map pa'twng lôôc dé' gôn go' ci yeh thôd an bwan. ²⁹ 'Nai an me' srô' thw'map tosu Phra' Hwmaal Borisut ci yôk thôd an am bwan, go' ci meh 'maap tak yoh dwngni' ". ³⁰ Phra' Yésu lav nèèv gi, go' ñoon no lav sah, "Ge ah Hmmaal hrôôy sua". ³¹ Hôôc ma' pa' taay hèèm dé' Ge go' gaay coro dwn dah nook. no an gôn yoh 'mook Ge, ³² Gôn gw' phuam dén kwnvér no lav yo' Ge sah, " ma' pa' taay hèèm dé' mé no dwn go' dah nook no phuam sook Mé". ³³ Ge yèh no sah," meh me' meh ma' pa' taay hèèm dé' Ô'?'' ³⁴ Ge yèèng gôn yo' no dén kwnvér Ge ni' pa' lav sah, " Yèèng, gi meh ma' pa' taay hèèm dé' Ô' ! ³⁵ Gôn g'me' tèèng rèh hrñwam gu' dé' Phra' Cav gôn gni' meh taay hèèm pa' ma' dé' Ô'."