¹ Môôy baar mw glad yoh Phra' Yésu go' vér gaay dah mwang Khapeniam, bang go' méc kaav sah Ge yat dah gaang. ² Dwng ni' dah gaang gni' ah gôn gw' coon am ah 'moon dén, am lav ci meh dah pwrlông, hôôc Ge go' théd sa'na an no hmyèèng. ³ Hôôc ah cmbro' bang gôn phuam ar gaay gôn plia coro Phra' Ông. Ah puul gôn klam ge gaay. ⁴ Nam no gud léh Phra' Ông am bwan ñoon ah gôn gw', no go' oor yo' rw phraang gaang kveey  Phra' Yésu yat, nam no rw hôôc lèèv, no go' oor yo' dé 'yoon gôn plia ni' pa' juur. ⁵ Nam guuñ hrlo' dwwm dé' no, Phra' Yésu go' lav yo' cmbro' plia sah, "Koon eey, hrlo' 'maap dé' mé bwan ceh lèèv." ⁶ Ah tham ma'caan dén dah hni, no go' khwt dah hrñwam dé sah, ⁷ "Tèèng hmeh Ge tang srô nèèv ni'? Ge srô tha' 'map Phra' Cav! Meh me' ci yôk 'maap bwan rhwn lwng Phra' Cav hnam ni'?" ⁸ Ca' 'man gni' Phra' Yésu go' neeng dah hmmaal dé' Ge sah, no Phuam twrget meh. Ge lav yo' no sah, Tèèng hmeh bo' twrget nèèv ni' dah kluang hrñwam dé' bo? ⁹ Nèèv gme' ci ngaay lwwn, swng lav yo' gôn plia sah, 'hrlo' 'maap dé' mé bwan jeh lèèv,' rw lav sah, 'reh khwan mod 'mood sih dé' me ñaang gaay'? ¹⁰ Dwng ni' bo tang ci neeng sah, Phra' Koon ah am nad dah lôôk jeh hrlo' 'maap bwan, "Ge go' lav yo' gôn plia ni', ¹¹ "Ô' lav yoh mé, reh khwan, mod 'moon sih dé' mé, hôôc gaay dah gaang." ¹² C'man gni' ge go' reh khwan mod 'moon sih, gaay dah gaang twn hna jm gôn, dwng ni' no tang lôôc go' oor yoh dé viik pa' Sanla' seen Phra' Cav sah, "I' am geey guuñ nèèv gi 'môôy dwa." ¹³ Phra' Ông go' hlian yoh dah tha'lé tmbo, go' ah gôn gw' gaay coro Ge, hôôc go' 'mook tiin no. ¹⁴ Nam Ge ñaang glad go' guuñ Iivaay koon dé' Aèlfiès phuam dén rip phasi, hôôc Phra' Ông go' lav yo' ge sah, "Yoh rèc Ô'." ge go' reh yoh hrèc Phra' Ông. ¹⁵ Nam Phra' Yésu phuam be' mah dah gaang Livaay ah bwng gôn rip phasi gôn 'maap go' be' mah broom Phra' Ông pa' Savôk dé Ge, dah hni' ah gôn gw' no oor yo' dé hrèc Phra' Ông. ¹⁶ Nam thamma' caan, yo' ge meh Fèrisi, guuñ sah Phar' Yésu phuam dén be' mah broom gôn 'maap pa' gôn rip phasi, no go' lav yo' Savôk dé' Ge sah, "Tèèmg meh Ge tang be' mah broom gôn rip phasi pa' gôn 'maap thwr ni'?" ¹⁷ Nam Phra' Yésu méc dwng ni', Ge lav yo' no sah, "Gôn yo' ge grang rèèng am cu' bwb naay mo; hrwn lwng gôn am swm maay cu' bwb naay mo. Ô' am gaay phwa gôn le', 'nai Ô' gaay phwa gôn 'maap." ¹⁸ Nam Savôk dé' Coon pa' dé' Fèri'si phuam shri' rid rwng mah. Ah gôn gaay maañ Phra' Ông sah, "Tèèng hmeh Savôk dé' Coon pa' dé' Fèri'si shri' rid rwng mah 'nai Savôk dé' Mé am oor yo' shri'?" ¹⁹ Phra' Yésu go' lav yo' no sah, "Am thro' adé ci an gôn gaay ruam srya' rwng mah nam cav 'maav hnoong yat broom no? Nèèv me' go' le' nam cav 'maav hnoong yat broom no, no rwng mah am bwan. ²⁰ Hôôc mw gni' ci gaay rod bang ci mod cav 'maav du' peh no, dah mw gni', no tang ci rwmg mah. Am ah me' loyh brè hwmmé' taap sék khrwang hmang. ²¹ An tèèng nèèv ni' brè taap ni' ci hndraac pa' brè hmmé' brè hmang go' ci hndraac vah tmbo'. ²² Am ah meh géd buuc la'sèng hwmmè' séh dah dai hmpuur hmang. An tèèng nèèv ni' buuc ci tèèng an dai hlu', buuc pa' dai go' ci yong bai bwan. Le' swrme', an séh buuc hmme' dah dai hnpuur hmmé'. ²³ Dah mw Sèbat Phra' Yésu ñaang glad hrna, hôôc Savôk dé' Ge go' c'gôt prlé' gyo' roh ngoor no yoh. ²⁴ Fèri'si lav yo' Ge sah, "Yèèng ih, tèèng hmeh notang tèèng nèèv klwh kot mw Sébab?" ²⁵ Ge lav yo' no, "Bo go' geey aan sah Dévit tèèng hmeh nam ge cu' be' mah ge pa' gôn yo' ge yat broom ge. ²⁶ Ge go' gud dah Vi'haan dé' Phra' Cav nam dé' Phra' Cav nam Abaiafa meh Ma'hapalôhit, hôôc be' mah pook yo' bang tha'vaay, swng meh kôt dah phra' banyat am an me' be' hrwn lwng ma'ha'palôhit, hôôc ge hnoong an gôn yo' ge yat broom ge be' bwan nèèv me'?" ²⁷ Phra' Yésu lav sah, "Mw Sèbat tèèng khwan phwa gôn, am meh tèèng gôn phwa mw Sèbat. ²⁸ Dwng ni', Phra' Koon meh Phra' Cav, am lav ci meh mw Sèbat.