¹ Eto nangota vuvuriri avo ningo ningoho koa, nau nane nameni, pe ambu manera. ² Nango kithi vuvua philippi na ai meme eto akari ae ehore me ambu purara. Povu safufu rate God ta ivo ari ai jauketo pine akari ta ke re here ingukurara. ³ Amara te nangota ke ara amo samuna eto aera, akari mane aiaera poretoaera. ⁴ Avo tara seketo God mi nango ke pe eto pine akari eto embo hanaine mane arae. rate God avo. God ami jo komo nangotare kouja. ⁵ Nango nangota ke sombi kasokaso ningo kova akato vuvurae, eto kanko kanko ka afunkae, God mi nangore kouja. ⁶ Embo mi nangota usasa avo koraae, ningo eto embo eni kao . Keriso ta ambotani kito javo humbati aera. ⁷ Avo kanekete nangore meni isoho sira ue nigota jo ai emi undi meni tofota ungner uja ankato. ⁸ Ama ra angato ningore unanorora. hanaina mi ningota pine akari mine ara eto avo peremane rate God re nangoka amihija. eto ningore nangota jo komo ta ra. ⁹ Amara te othmbevo nau nane nameni nangota pure pirisa etoi jauketo, ei jauketo ehera ami nango mane ai ningo povu thamo atona rate pine akari God ta avo hijo ra. ¹⁰ Ningore nangoka orauve keva, ingeua , God pure jigato ehija, otofu katopa ambu eto engekari mihae avo ningo ke hera ai. ¹¹ Nagato nongo ningo tapa , tapa kao oroara undi meni mi totofo ta mama ka arako. ¹² Ningo tae onse kathue eto ivo ari hijouve, orereto God aithe jinkato ara ija ai ethethe eto, tofota na usasate ai pambara. ¹³ Avo eto God tae e ese maha nagota era amita pe re God ta pine ingeva eto humbera embo ta angato mane rate God ta ke ra avo ke pe eva ai pure atuja. ¹⁴ Eto ningo nau nane nameni nango keika eheva ami God ta embo meni Judea ai Iseu Keriso ka amehera. eto nango meme jei thambera, ningo parako ningota enda embo meni ami ehere thambeva, Jew embo meni ara angato. ¹⁵ Bada Iesu eto peroveta tea, eto nango undara. amiGod hanaiena aera. avo kaneketo memeni avire amitae. ¹⁶ Jew embo meni mane oreka ari humbara peika, peika ora. Amita mine re memeni ta ari sasamuna ami pe fito amihija. amara te God ta safufu peikari amihija ami tutumo ai overekatuja. ¹⁷ Rate, nuu nane nameni nango iji tufo ami ningo toto anda mi isera te jo re ningo kara. nangore ningota tombu keti keti ora. ¹⁸ Avo eto ningo atheai pambati othemba, othemba ehera, ke pe namo, Paul iji tapa eto thoro, ate satan mi nango avo peikuraja. ¹⁹ Eto Bada Iesu ta vuvuriri iji ai nangota kusari, hanaina eto siro soi angepeto java, java atora amomo, ningoka mane re. ²⁰ Ningo parako ningo ningore nangota usasaeto hanaina ra.