¹ Paul, Silvanus, eto Timothy Thessalonica embo ta thumotha oro ai Mama God te Bada Iesu te peka avo ningo kara. ² Nango maha angoto Mama God eto nango petapa avo e-e-se era, nangota pinunu ai maha angato era. ³ Nango ningo avo embo God tae, ke pe arita pure ai, tunga humbari ta eto othembari Bada Iesu tae eto. ⁴ Nane nameni Mama God ta tunga ufuja ami ningore avokeja. ⁵ Ami tapere pine akari ningota athe ai ke kuma orereto atora. reki tho tapai, ningo re ma kova ningo embo torarire avire ningo ningoha kova. ⁶ Nangore nango eto Bada ta keika embo meni eto ke petapa avo pure pirisa ahihi otofu ta hanaina ari ami humbeva. ⁷ Amita pere ningota ari ami Macedonia eto Achaia embo meni ta jo re humbeva ke pere era. ⁸ Bada ta ke re ningota eto vuvuto pambija eto Macedonia te Achaia te pere mane rate God tae ke ari ningo ami reki peta pata aire pambija. Avo eto nangota ke eni atora re mihaera. ⁹ Amara te ningo ningoha pure amundu ehera amita ke hijeri nangota thane ai eto nango jingato ningo humbera eto ningota God i ove ari amita ke pe ie mihava avoseketo God ivo te iji maha angato amihija avo aki eh eva. ¹⁰ Eto amita meni unga ta avo kuma ova ambure toto Mama jikinu erena. Iesu samuna ami peikari amihija avo afimbaja.