¹ Avo eto nango ari atheko mane athen ai toaro nangoha pe meheto angato othemborara. ² Nangota embo eto God ta pine akari Keriso tae eto vuvuto aufa avo ningo ivo eto orere ari te ke pe avo ei, Timothy re hijere pambija, ³ avo eto afumba emi ningo mane jaivekatuja. ningo ningoha kova nangore pure evi embo avikurara. ⁴ Ke pe ningokoa mihara amiko te maha here ingukurava ai meme tithi eni, eni vuvurituja avire thambera, maha keva. ⁵ Avo eto mahuva ari atheko mane ehei ⁶ Rate Timothy overeke hija ami ningota pine akari ta ke humbeva eto tunga humbari ta pine avo nei ingera. Eto nango,ningoka ari amundu ara avo kaikari othembure ameheva amika eto nango keki sarie ameheva angato ningo keti saire amehera. ⁷ Amita pere nau singa,pora nango orerero avo ningota ke pe ari amika eto nango meme ,kame te arufo ara amita jo ai. ⁸ Nango mehetora ningo Bada ka thuri ato ukatova kito. ⁹ Eto God ta e, ese ie amundu avo hijouve ningo avo embo eto haneina mi ningo avo embo, God ta tithi ai. ¹⁰ Mume te,iji te ningo avo embo pinunu pirisa mi era, ningota tombu kouve eto jei ke pe ari tufo eheva avo hondate ati. ¹¹ God nangota Mama amite Bada Iesu ta ethethe ari ami au ningota athe atora. ¹² Bada mi au ningo tapa, tapa ta tunga humbari pajikatuja eto embo eni, eni amikao ningotae ora angato. ¹³ Bada mi jo ningota avo ivo ari hijetuja, otofu ta jo ai engekari mihae, God eto Mama ta tithi ai, Bada Iesu embo ototofu ka vuvurituja iji te.