¹ Ai vagahu mati ho momona o iabara orehe seni ga iau oroga? ia gahare rahohare ra gagai iai sokuhea iau vagahe. ² Ia gahara ragohare iaganiva iai gasina veite dainehe ge iaki gava kisa roia badina vara iaka iaganiva mi veitera. Iake rege berabe veite. ³ Aka guma mageva berabe veite dainehe, aki iagani va mimi veite. ⁴ Ni muduka koita vaia, iana dibana vata ada o ruta vasi kiare koita vara Rohi Bauge auki enana gahima? Eige unuhuna vata ada o ruta vasi kima auka Rohi Bauge auki inara gahima. ⁵ Ai anana vena ga aena e rone, au honi no mohigevene ni uhura uiare ma gahara vare na gai avanage vanu? ⁶ Eduge Rohi Bauge nomi mage kinera raho ra. E dainehe ga aena vara onaki me auki ronu "Rohi Bauge ra avahu au motea gahare koita auki besibe gahima. Eduge magera avahu au avie gahare koitava iera. ⁷ Rohi Bauge uhurehe uiare, koita daure oyaha auma a garemisa. ⁸ Rohi Bauge kahika gaha auma mati a kahika gahisa, ai ade ketoare mati ai uhure ieriri gaha, uhuabu gahavaia. ⁹ Avahu a uhudau gahre uhuhu vare mati nivi, 'a tati vare sivai nivi mati ai hegiri ve gu goiragi uhuhu goi e'. ¹⁰ Rohi Bauge vagotonehe a avie gaha, aukena a ia ge misa. ¹¹ Ia negu bebe daure gahi geima di ogonanuhea. Koita be raki avahu aena maemare mati avahu me gahima. ¹² Koita be raki avahu aena maemare mati avahu me gahima. ¹³ Ihiare, unuhuna roma, "Negu se vahigu noma mata bauge va otito vara eige nona tau kobabe uiare haekisa, noma ibina mia. ¹⁴ Ana unuhuna a dibana veite vahigu ge na ore vivi goigoanu, ai maguri vena ota vadoanu? E dainehe ge ai maguri vara iau nagate negu tuabe gagae goi are aki mati veite goima. ¹⁵ Bu onaki ro Rohi Bauge na maguri gahi gevege nona uiare vire kiare mati o kiogeisa. ¹⁶ Avahuge aki a motea gahanu gahima ai uhu anana dainehe, uhuanana e inuhati ge daure iabara. ¹⁷ Unuhuna mage kiki dibana. Eduge au mage e me gahiga veite goi ege era avahu au daure.