¹ Beta ni bouge uhuvaka iagoia koita iabera goigo vara, di ogonanuhea iaka dibana ra a unuhu uhuvaka iagoia koita iabara berabe nunenune no moigeisa. Rohi bauge ra a berabe goigo vara. ² A noka ni bouge daure uhurahe goigo vara. Eige a koita unuhu daure uhurahe sirisi veite, koita magera, aka ai maguri vera magera. ³ Eige no demaka, hosi au avagehe maemare au ni gare ihihi vara, mati noka au ahatane mi ni urave kikivara. ⁴ Ana eve eu eragima auka raho ra eduge auka iaga kusina raki kiege auki ruruima, a eve eu biagera koitara. ⁵ Eige ni meine ra ni ahatane iaga kusina bera, a ni meine ga roarera beta magera. Eige ura bauge tage vene kusina raki ragi sebogima. ⁶ Ni meine ni ahatane nomoakahe eige ni meine ra ni ahatane bouge daure gahiga vara. A ni meine ga daure vara koita daure ogehe auki orogonu. ⁷ Eige ura uhurahe iaga bouge mati eve iaga bouge ra koita raki mage gahima. ⁸ Eduge koita bera ni meine mage gahiga veitera. Auka daure ia vara, iaga daure dadaga ra ni meine seniorogima. ⁹ Ni meine ge noki Rohi Bauge mati au moe magegaha, mati ni meine ge noki ni koitatuhea daure gahigeima, a ni koitatuhea mati no ra ni Rohi Bauge raki au nagate no kiogevenu. ¹⁰ Ni meine ge ga mage mati daure raki hakima. Ni ogo nanuhea, maguri ora beta magera. ¹¹ Eia abata benu au eia vaka eh , eia mage mati eia daure akivima se? ¹² A idi madika mage be, di ogonanuhea mati daure ogigo goigo vanu se? Eve eia tage ra beta riaga abata eia ruta vaka kobugae ororo vara. ¹³ Unuhu ra uhuaka mati uhu anana mage te iai tanahe? Auma maguri mage mati me mage uhudau ruta kisa. ¹⁴ A ai soruke ho, uhuanana daure, a negu avanage ga mi ga riaga roma. ¹⁵ Uhuanana mage ora Rohi Bauge gasina orogonu beta vata adao uhuanana daure vara. ¹⁶ Oregena uhuanana daure uma, eigera ga kava mati me daure raki toboraganu. ¹⁷ Eduge uhu anana mage ra daure bera veitera mati auka mage, moebia, uhudau renu guma mage. ¹⁸ Eige mage makera mage, uhurahe mage era mage kiare koita iau tanahe.