¹ Di ogonanuhea ia negu gabidadama kamui ni Rohite Iesu Keriso uhurehe, ni Rohite haire, koita bea mage gahigeige dainehe. ² Ga geregeva, koita bena iai guraguve uhurahe golo iaganiva renu ogona mage ki sirivisa renu ata goroa bera ogona daure ruta ki sirivisa. ³ Ana negu koita ogona mage kine kiroare, "Oi orogi gurama, " ana mati goroa ata e kirosa, "Akati vireiti rama", se "di vasi gaikehe rogi gurama." ⁴ Ena bebe iabana uhu anana nune gahigeve? Iana koita eragei, uhu anana nunenune gahavaia iabanu. ⁵ Ihi ahe di ogo nanuhea, Rohi Bauge beta goroa gahaia idi iau gabidadamave magegahi renu raho gahanu renu iauka Basileia biava gahisa , au ominuo gahigevene gahavaia? ⁶ Eduge iamu goroa anagei avie gahigevenu! Iaga mudagote iaba beta ia mage gahiveva? Eramu iaukaki ia butugei ota aena hosagarei yaga vahe. ⁷ Beta iaukena iau ihirogevene ihi mageva mati daure gaha? ⁸ Eduge ana rohi aena gavana a riaga gahanu buka aena gava ruta, "Ama ai gaike koitava mage gahisa, a avahu a magegahare nagate, aka mage mimi vara. ⁹ Eduge ana koita rorebea iabana a mage gahigeima, era ai daurevera renu aena a hosaganu, aka aena hosahu koita vara. ¹⁰ Eige unuhuna aena ga, kamuima berebe gahima, eduge au vagava nune tinabe j=kiare, auka aena ga aubouge auki hosaganu. ¹¹ Eige beramu ronu "Anegu ni muduka vime," gaitana ronu, "A negu koita be gami hoekimi." Eduge a ni muduka kiki veite goiege eduge amu koita be gami hoekanu, aka aena hosago koitavara. ¹² Eige, gava renu ni vagavade ramu koita iau uhuanana magevebe otisa aena mage uhurahe. ¹³ Ga ihihi vaniva orogonei, vagahu vara veitera, koita ore iabara vagahu maguri gahiga veite iau. ¹⁴ Otado mage benu, di ogonanuhea, koita bena rosa auka gabidadama tera, eduge auka meve maguri gahiga veitera, gabidadama ena a maguri gahivaranu? ¹⁵ Gami benu se au amakine na ogona gahara ragoa renu demaka veite vani uhubage ei. ¹⁶ Bena ai tanahe rosa, "Mage miahe, uhumeva renu debubu ragohisa". Eduge aka iau gahara ragohare iagavaia moigeige veite, ena otado magevanu? ¹⁷ Guma kobuga ei, gabidadama avahu, auna meva veitenu era hoekera. ¹⁹ Aka riaga gahime aki, Rohi Bauge kobabera; era magera Eduge, sua daure gainage riaga gahare gabubu ragoha. ²⁰ Eduge, ana urai dibana goisa, uhuvaka veite koitava, gabidadama e meve veite era maka veitera. ²¹ Aberahamo ni mame beta au meve hegena au riaga goinu, au, au moe mi puta ada memanu? ²² Ana eragima, gabidadama renu me, abuvite me mane au mevehege au gabidadama ve raki rahogoinu. ²³ Ga aenavamu bina riaga goinu, "Eduge Aberahamo Rohi Bauge riaga gahanu, renu eramu riaga gahanu auka gabidadama riaga koitavara, "renu aka auka Rohi Bauge vasirera. ²⁴ Ana eragima, meva kine dainehe, koitavaramu riaga goinu renu beta gabidada vagui. ²⁵ Eduge, guma kobuga ei, Rahab ni muduka magivara eduge gahigevenu, guma nune bei besugeivenei. ²⁶ Ahata maka, horu veitera, hoekera, renu gabidadama meveva veitera hoekera.