¹ Mo nianaamuo, nio hiirohi'ai imatomudio uubi ii'iumo aute, mabu nio umo ivoo'a, nimo imatomudiou moiri miaito imodobuai bia oukaumo. ² Nimo tuunioha himia misteiki kekee rautuka. Vadeipi behaito emaaida tamai aramoho tatahai bo'uro vaia,nu modobo mereeka. Nu himia duupii erema'ota tidioi ouka. ³ Nimoro hosii kontrol ivaidio naanai ni maataida idi'aaroito modobora, eeka nimoido modoboka ni duupi kaa'u kaa'ui kontrol manivaidioumo. ⁴ Siipi paipai rautu atuu everai uumo ma oo'ai, ni paipai hi'a naaka via pupuo konoboiro iva'oiaika, inai nu kontrol ovaidioiri oboi goroida ateidio timba patapata keehito modoboka Kapteeniro nu iraromo everaito ma ovodai. ⁵ Kaida totoobei duupida keehihi'a naaka, inai via nu paipai naana iivabuika. Atu everai uumo ma oo'ai, muko keehi edeeaida ihu bu'i geemai uruuroi ouka. ⁶ Ka totoobei erai everaika. Hepu geemai oo'a memihoi ovadueiri nimo duupi ii'a naana aamiiai tuiaida oo'aaka. Duupi geemai mia oroi'ioi nuuro eraida edeeaika, nu himia rautu via oodoia tataha aado erai gaboida ereedeaika. ⁷ Tuunioha foa otora tuura naana, vovo'o, tu'a dohoobo vapo rautu naana via oboi goroi iduudio naanai modoboka uubi hi'airo tama nio ovai. ⁸ I totoobei modobo biaka mereataro tama nio ovai. Nu memiho hi'a hora tataha naa ataka, hiiro hi'a poisini naanai nu ne'ei daaka. ⁹ Nu behaito nimoro Paidubui Iehova emaraahueu moika, kavia erehe'aika Iehovaro idodiai uubi kes ivaidioi. ¹⁰ Atuu maata behaida ihu'ou moika blesiniire via keesiire. Mo nianaamuo, ihu everai oroi'ioi aai naa biaka. ¹¹ Modobora topoire gigiaire obo kaa'uado iduudio mamai// ¹² Mo nianaamuo, fig nu'aida orivia hurai oohi bia ouka. Via vinei nu'aida fig hurai oohi bia ouka. Ka atuu everaika, solt oboida topo oboi orododiai bia ouka. ¹³ Nio tuiaida mia iraromo mere via uumo hi'a mereito bo'uro varahooa// Aa'o merero nu himia araaho everai eksinito uubi iraromoida miamia naana ma idodiai. ¹⁴ I noo goroida gie iraromo o nu himia oroi'ioiha oromododiai aviraromoa eeka orohaaito tana iraromo kaumoiri hobou oroviourio naa biaka. ¹⁵ Ire uumoi Iehova ne'eida oo'uo biaka. Ia'aaida hepu geemai naaka, memiho erematuhuti uriioi oroi'ioika. ¹⁶ Mabu gieire via himia oroi'io behai eremia'a iraromoi ne'eida konfiusiniire via hepu geemai memiho erematomudio naanai tuunioha ire'ii daaka. ¹⁷ Iehova ne'ei oroi'ioi epuhi'aida iorovahoroi uumo geemaika, aa'o ne'eida nianaamu gi'epu eremai iraromo, riseniito naana iva'ati, via mia eremaabe kaukaui ivoo'a. ¹⁸ Mia e'idioida mia hurai iodoutika himia nianaamu ge'ebadii oo'a tuiaida.