¹ Nio tuiaida eremaatiire via oromodobuaire hatiida voroohodu// Himia ma oromodobuau moiri nio himia goroi iraahoumo iraromo memiho memihoika. ² Nio nioka naanai inaivia nioro iveeai bia oukaumo. Nio ivorovotodu via uubi aamiiai naanai ivahiitiri ivaaidu, inai nioido modobo biaka. Nio araiara eremaatirai behai aivai oukaumo. Naana iraahoito modobo biaka mabu nio miaito ooraroi uumo biaka. ³ Nio ooraroida iveeatuti biaka mabu mamaa hi'a everaito ooraroika, via himia hi'a iraromoiri ooraroika. ⁴ Uriio oroi'ioito iraromo tataha uubio; Hepui geemai naana memiho ova'atiumo uubii Iehovaro uubii imodobuai vouai niehui goroi daaka. Kaida no hepu geemai turanara no uumo ma oo'ai no Iehova hiavo mereeka. ⁵ Baiboroiro ihu everai hobou ooradue biaka, '' Iehovaro nimo inimohai uriioi keehi gie biaka''. ⁶ Inai Iehova ereheei pupuo hi'aka, mabu Baiboroi via ihu everai iarooiri, '' Iehova gee'i biaka oroviourio uubiido, ii nu orovaabai naana tataha gi'pu uubiido obodi ouka.'' ⁷ Ka nuuri nu nioi ma ododiai. Memiho uriioi ma obodiidioi, ka nu nio ne'eida eemahei ouka. ⁸ Iehova ne'eito ma oohiiai ka nu rautu no ne'eito oohiai ouka. Tui ma ooru'oi, nio memiho naanai ova'ati uubio, ka nio kaukaui mia hi'aha ma ivai, nio iraromo netoa netoa uubio. ⁹ Ma oromohuioi, gi'epu ma eremai, via idebi ma aai/ Nio varii ma ivehe'ai gi'epu oohovodiito via nio gee'i gee'ii ma ivehe'ai gi'epu niiboito. ¹⁰ Ma io'uoi goro hi'a e'idio oroi'ioito ka Iehovaro nio iviiai ouka ohu e'idio oroi'ioito. ¹¹ Nianaamuo, nio himia eremai naa biaka. Nianaamu atai bo'uro vemaia o jaj vaia, nuuro bubui emaika o bubui jaj ovaidioka. Nooro bubui jaj avaia, no bubuido orobodo meree biaka, ii bubui jaj ovaidio mereeka. ¹² Iehova behaka bubui imio merei via uubii jaj ivaidio merei. Nu beharo nivatueka via nimodobua. No bo'ura no nianaamui ire vomodobuai meree.. ¹³ Oroovidiodu doo'ou, ihu everai ooradue uubio, ''Doo'oura e doutura nimo odai noukaumo na'aie sitiito, bunio kaa'u mane'idioumo, naana minihe'eeumo poropeti manododiai moiri.'' ¹⁴ Bo'u uumora doutu na'uro orododiai voua, via nio oroi'ioi na'aiboi oo'ai voua/ Nio doo'ou komubuo oobodi uubi behaka tutuu biaka via oropoi'oi oukaumo. ¹⁵ Miahaka, nioro ihu everaiha ma arooi, '' Paidubui niora, nimo oroi'ioi noukaumo ihu nai manova'atiu moiri o na'aie nai manova'atiu moiri.'' ¹⁶ Ia'aaida doo'ou nio orododiai tataha ii'ai voudui paraani kekei iivabu kaumo. Everai iivaabu naana keekei memiho uriioi hapuoi naanaika. ¹⁷ Mereaata ne'eado miamia naanai ova'atii uumoi avo'a, inai via nuuro ova'ati tatahara, aa'o mereido ire nai sinika.