¹ Mathavuna vagi Keriso na ia mauli noai voina evenirao. Pigo rua kikilagi,gauri pakurai, vaalu oa auri veairi mapigono mauli. ² Igo iatha, thau Paulo na availamuini pene mui maau mui gove peritome nia neni, Keriso na vevanama apua pigono rawalia. ³ Thau maave ilagirai waini maparamui elemuiai, riai pene maauna eveperitome ni, ia rova maparana pene gapi ragea. ⁴ Goi Keriso elena na ove alavagini, goi rovana pene ole vethalevamu; goina vewaa poono mauli mamilagia. ⁵ Veaa Palau na thaona na e veva auna aunai thakwa thakwa mave raramanina pe alu vathaloa. ⁶ Keriso thaonai peritome pa nori peritome ia nori gau wauatha, namu veva aunaauna mo ulamagi thaonai pene ulavunu. ⁷ Mui go ravu vaanamao. Auna auna gapiragenai riaina evaloumuio? ⁸ E vevalou nori mui egogomuio auna elena na eveamaio. ⁹ Yeast kirikiri iana na parawa ari kamuna ia eva mauliani. ¹⁰ Thau Velegaua elenai mageku veraramani, mui matharapara apua pigono iatha. Mui veaolea evenimuini auna wara voina pene ole, ia ri au. ¹¹ Vewala, pene thauna peritome roagoloani, wa raagauna thau roge livukuni? Waganina Satauro gena vevawaunagi thau elekuna peveala vagi. ¹² Riai rana mui geva loumuini, thau geku ririwa thaonai ila maauri pige vevoro. ¹³ Vewala, mui egogo oamuio mauli mathavunai, noai voina. Namu nori noai voina gaurai galama thaonai mapigo thoa oawai; namu ulamagiai maavamui pigo auava. ¹⁴ Repana rova maparana wara eve vaguguluni rova apunai: '' Goi epimu auna pono ulamagia goi maaumu ove ulamagini veaina.'' ¹⁵ Namu pene mui gove guruguni,e maavamui gove varaavani, pigo veia ma mui nori maavamui govevagini. ¹⁶ Namu thau nainia, Veaa Palauna thaonai pigo thoa e raava maulinai pigono mauli. ¹⁷ Repana raava maulina wara Veaa Palauna na nee ririwarana e Veaa Palauna na raava maulina mai nee ririwani. Eila lualua noai geve opini, pe goina oririwarana gauri poono ala agiri. ¹⁸ Pene mui Veaa Palauna na evai muini neni, mui nori rova kapulenai. ¹⁹ Raava maulina gauri ila magai vagi; maaporaga, nori thao vethaleva, vewane, ²⁰ kaivakuku airupu ali veniri, megamega, paru, vemaa au, paru vaila vaila, vekuku, veware, ²¹ velivu, niuniu, niuniu vereleri, egau veairi. Thau na mui availamuini, availa kunemuio veaina, eveaina gemaulini auri ila Palauna Basileiai pigene vethoa oa. ²² Namu Veaa Palauna vuavua na wara ulamagi, verele, maino, aoma, vealaveveni, olema nama, veva aunaauna, ²³ nuani ola e vaigaua; eila elerai noai rova. ²⁴ Keriso gena aunilimalima ri ila mauli kuneri Keriso ria gewarega agiria Satauro ai gegavu vagi. ²⁵ Pene ia Veaa Palauna thaonai amaulinia, Veaa Palauna thaonai mai mape thoa. ²⁶ Ia piana vevaraava, maa auvari thaorai, piana velivu.