¹ Vewala, pene apua ethoa leani riai veaai oaluo aumuna pono vailiga Veaa Palauna iavuna thaonai. Maaumui naka pigo vegau pe, vealaovo pigono rawali. ² Gemi meau meau pigo veva agiri maauvamui thaomuiai, pe Keriso gena rova pigo vagugulua. ³ Pene apua euamagini ia iwavagi neinia, namu iape noaia vagi, ia maauna eve varaavani. ⁴ Maaumui gemi ulavunu gavuri pigo iari, thaonai vevaoloari apuri apuri thaomuiai pige mia, nori mavairi elerai. ⁵ Repana ia apuri apuri gera meau pevuari. ⁶ Thori eripathani auna na gau nanamari erawalirana thaonai, evaripathani auna ila pene veware veveni agiri. ⁷ Pigene vai leamu. Palau noai geve galaiga agiani, auana evaroani gauna veaiveaina mapene gapia. ⁸ Au a vuavua raraavari gena galama thaorai evaro rana, auna ia ala raavana na pene vavoia. Veaa Palauna thaonai evaro varoni auna, Veaa Palauna elena na ia mauli vanagi vanagi pene vaia. ⁹ Mauli nama maulinai, peene lepeiri orana auna auna na pene kwara ia pe maora, pene ia piana moira. ¹⁰ Gaurai, eora mathavuna thaonai, aunilimlima maparari pevanamari auri veva auna aunai gemaulini auri. ¹¹ Igo iatha aloalo ari kakamuri imakuna aalo venimuini. ¹² Auniparai veva nama gealarana aurana mui gepuu muini peritome igo gapia negeini. Ila eveaina gealani wara Keriso gena Satauro vi vina gethoa gegelagiani. ¹³ Maauri geve peritomeo aurana rova noai geroana oleani, namu ila geririwani mui peritome igo gapia pe, mui auniparamui ilana pige vevaoloa agiri. ¹⁴ Namu thau maauku naa vevaoloani, namu Velegaua Iesu Keriso valu gena Satauro thaonai, repana alimapara eve satauro thau geku e thau alimapara gena. ¹⁵ Peritome pa nori peritome, thauna na nagau naa oru rana namu veaolea pemi kamu gauna wara vevalivuwai. ¹⁶ Eolemai riari gemaulini auri, tharai maino e venuavi pene mia veilivu,e Israela geria Palau. ¹⁷ Evanamona pene thao, auana thau kepiai poono mioleku, repana thau auniparakuai Iesu gena vailia avuathao. ¹⁸ Vewala, Velegau Iesu Keriso gena vewaa mui palaumui ila pige alu. Amen.