Saulo na Setepano gena warega maana na eiathao eva auna aunao.Wagaro anai Jerusalemai rupu aunilimalima na geveali veni ma mao; e ekalesia auri maparari geule lovo lovoo,vairi gethao Judea alimaparanai e Samariai,namu Keriso gena veala veni auriamo gekali wanirao. Venuavi aurana Setepano raavana geoleveniao e gealu wavuri agiao. Namu Saulo eririwa wai rupu ene lovoa.Numa gauri gaurai ethoa oawai maluane e vavine ekere rairawai tipura numai eve loka oarawai. Lewana, ekalesia geule lovo olvoo namu,Palauna thori ila noai gerakwa uariao,gevara vara agiawaimo. ⁵ Philipi everivo ole Samaria vanuanai Keriso valina veve vara venirao. Aunilimalima vogo vagina Philipi na vali evara vara agiawai gauna geamonagi namanamao; uamagi apunaimo ia geamonagiao,vailia evamagairao gauri geiathao. ⁷ Temoni raraavari vogo vagi gethoa raio,gemakala makala wai,vogo vagi kaukau auri gewala agiri viiri genamao. ⁸ Wavanuai verele kamu vagi ewalao Namu wanai au apuna taoni ai ealuwai tharana Simon,ia megamega gauri eulavunu agirawai; Samaria auilimalima ri iana ewapa rawai eveilagi wai ia vele kamuna apua. 0 Samaria aunilimalima ri mapara rana kirikirina na pene thao aunilimalima kamuna ia gematha lagiawai,e negeiwai,''Eau ia Palau iavuna eva miao gaurai ia iwa vagi.'' Ia karona geamonagia wai repana ila rauvagivega gena mega gaurana ewaparao. 2 Namu Philipi na Palauna Basileia e Iesu Keriso tharana ewapaa agirawai geva auna aunao,maluane e vavine epapasito rao. ¹³ Eau Simon maina eve vauna aunao,ia papasito egapi aluo mulinai Philipi elenai ealu thaovegao.Vailia gewala wai e olema irau vavagi gewala wai,ia evalavu avao. 4 Keriso gena veala veni auri Jerusalemai geamonagio Samaria vanuana na Palau gena thori gegapiao,Petero e Ioane geuurao Samariai. ¹⁵ Gemi kwarao,ila thaarai geveni vuavuao pe,ilana veaa palauna pige rawalia gaurai. 6 Repana ila gepapasito thaonai ila Iesu Keriso mo tharanai iavu gegapi namu,veaa palauna ila elerai ree vekwara. 7 Petero e Ioana imari ila thaarai geole auri laganinai veaa palauna ilana gerawaliao. 8 Simon na eolema eiathao laganinai,Petero e Ioane moni evaila venirao. 9 Ia neiwao,'' Eiavu igo veniku,pe,riai thaanai thau imaku pana ole auri veaa palauna mai pige rawalia.'' 0 Namu Petero na ia evaila iwao,''Goi e gemu moni pigo warega,repana goina povalavua thaonai Palau gena veveni monina pono voia. 1 Goi enai noai gemu ulavunu emai noai gavumu eulavunuai,repana goi thaomu nori thakwanai Palau elenai. 2 Gauri pakurai gemu moira thaorana pono wala wai e Velegaua pono veni vuavua venia,pe verauleai goi thaomu veaoleana gauna pene venimu. 3 Thauna goi paiamu thaonai goi mamailagi raava raavanai e galama nuanuarai oaluo.'' 4 Simon eve vanoo lavu uleo neiwao,''Palau elenai thau gavukuai ono veni vuavua,pe poilagiri gauri elekuai pigene wala.'' 5 Velegaua olemana geilagi raiao e gena thori gevara vara agiao mulinai,Petero e Ioane gelavu uleo Jerusalemai,Samaria vanuari vogo vagi vali namana gevara venirao. 6 Velegaua gena aneru apuana Philipi evailao,'' Ono laai ono thoa rai rivona tharapara na Jerusalema na pene thao Gaza.''(Ethara para wara kapuleanai emiao.) 7 Ia elaaio ethoao.Ono vethalo,wanai au apuna ia Ethiopia,ia melo vawala avana gegapi vagia(eunuch) raki kamuna apua egapiao Ethiopia geria vavine vele kamuna(queen) Candace iavuna kapulenai. Ia evavine vele gena moni maparari eiamathawai.Ia Jerusalemai eve amaio ia pene ai rupu ali gaurai. 8 Ia gena lavu uleai gena kariota thaanai ealuo thaonai Peroveta Isaiah gena puka eoruawai. 9 Veaa Palauna na Philipi evailao,'' Ono thao e kariota lagalaganai vega pono alu.'' 0 Pe Philipi na eravu veniao,eamonagiao Isaiah pukana eoruawai, thaonai erenagiao,'' Mao ripani goina raaga oruani? 1 Thaonai eau neiwao,'' Raa para ripaiwa pene au ana nee varipakuni?'' Ia Philipi evailao ono mi laa rage kariotai raligoi emialu koukou. 2 Ethiopia auna na eoruawai oleana wara '' Ia mamoe veaina gevaiao pige vagia avanai,mamoe veaina opina pige opatha auri noai karori rage rageri,pe ia muruna nee alapathao. 3 Gena aunama mamilagina maparana elena na gegapi gerevagiao.Riaina kalakalana pere ilagi vethalevari? Gena mauli alimapara na evetou vagio.'' 4 Ethiopia auna na Philipi erenagiao,neiwao,'' thauna goi anogimuni,eperoveta auna na riai eilagiani,ia maauna pa au apua?'' 5 Philipi epuka thaona na evevailigao,Iesu Keriso valina namana evara veniao. 6 Tharaparana gethaowai thaonai nalu wauna gemi rawaliao,Ethiopia auna neiwao,''Ono ia, nalu gauna era.Vepapasitoai thau raagauna pere valouku?'' 7,38 Pe,Ethiopia auna kariota eva rai aliao.Ila naluai gelaa uvaleo Philipi na eau epapasitoao. 9 Nalu na gemi laa rageo mulinai,Palau palauna na Philipi etou gerevagiao,Ethiopia auna na nee ia waiao,namu ia ethoao maverele verele na. 0 Namu Philipi Azotus alimapara nai evevarua aliao,wakapu ethoa agiao,Iesu Keriso valina evara vara agiawai pene thao Caesarea ai eve kwarao.