¹ Evana Petero e Ioane rupu gethoa veniao ora gauna no terei koloku veairi. ² Thaonai au apua ia ewalao kau kau gevua thao ao rupu thoaoa thoaoa na tharana Ralemana iwavagi (Beautiful). Garo mapararai ia wanai geva alua wai pe rupu thoa venina auri elerai moni enogi wai. ³ Petero e Ioane rupu na gethoa oawai thaonai eia rawali rao, moni enogi rai. ⁴ Petero e Ioane maarana eau geia rogo rogoao, negeiwao,'' thai ono iamai.'' ⁵ Ekau kau auna na ila eiathao, ia gena ririwa thaonai moni apua pige venia. ⁶ Namu Petero neiwao,'' Silver pa gold thau elekuai noai gau, namu thau na avamiao gauna anavenimu. Iesu Keriso auni Nazareta tharanai, ono thoa.'' ⁷ Petero imana ripanai erogo,eva laaiao noai gagovana eau gagena e uina iliga gerawalio. ⁸ Erulu laaio,kau kau auna erua laaio ethoao; ia Petero e Ioane ria rupu thaonai gethoa oa koukouo ethoa wai namu erulu ragewai,e Palau eva ragea wai. ⁹ Aunilimalima mapara rana geiathao ethoao e Palau evaragea wai. ¹⁰ Geia iliao wape Ralemana iwa vagi(Beautiful gate) thoa oanai ealuni moni enogini auna ila geve vakalio e geaovo aovo repana eau elenai eolema ewalao geiathao pakunai. ¹¹ Solomona gena iali ai Petero e Ioane elerai erogo thaonai aunilimalima na geravu venirao gemalele agirawai. ¹² Petero na eolema eiathao,aunilimalima evailarao,'' Mui Israela aumui raagauna gomalele upu upunia? Raagauna maamui pege gara thai elemai ai,thai maaumai gemai iavuai paga vathoa pa Palau gena iavuai? ¹³ Abraham,Isaac, e Iakobo, geria palau e ia amari geria Palau,gena veunagi auna Iesu velegaua peva ragea.Eau muina goruao e gouu vanagiao Pilato elenai namu Pilato nee ririwao repana noai gena galama. ¹⁴ Veaa e thakwa thakwa vagi auna goruao,namu muina vagi vagi auna apuna goririwa ao gova mauliao. ¹⁵ Mauli gaana govagiao,auna Palau na waregana eva laai ao-eolema thai maa maina gaiathao. ¹⁶ Veva auna auna iavunai ia tharanai,ia tharana na eau goiani e goripathao,peva iliga. Veva auna auna Iesu thaona na auniparana peva nama iwavagia maparamui vilamuiai. ¹⁷ Wala avaku evana,thau ripaku mui veguruguai gomaulinia,emai gevai muinia veleria maina. ¹⁸ Namu Palau na peroveta auri thaorana eilagi thalo thalo ao,wara ia gena Keriso pene vi vi, evanamona emi gugulu nia. ¹⁹ Gauri pakurai, igo valavu wai, igo vaai wai,pe galama mui mapara ri pene tou vagiri, pe mamilagi nanamari pigo rawaliri velegau elena na; ²⁰ e mathara paranai iana Keriso pene uua evirigiao mui gemi, Iesu. ²¹ Palau na Basileia na pene rawalia auna ia mo pene thao gau maparari pige veole vathakwa,Palauna ethoriao rauvagi vega gena peroveta veaari auri thao rana. ²² Moses na ethoriao, Palau velegaua na peroveta auna apua thau veaiku pene vamagaia ma wala avamui thaomui ai.Pene vailamui thori ri maparari pigo amonagi ri. ²³ Pene wala gauna wara riai thori peene amonagi auna wara aunilimalima thaorana pene vagavu vaguia. ²⁴ Unamu,Peroveta auri Samuela gena laganina e mulinai geve amaio aurana mai,egaro geilagi lovo lovoa. ²⁵ Mui peroveta auri nauri, Palauna ilagavu kala kalamui evailarao gauna thaona na,Abraham evailao veaina,' Goi vua vuamu thaorana alimapara maparana veva nama pene rawalia.' ²⁶ Palau gena vealaveni auna eva kamurageao mulinai,mui elemuiai eveuu mai kuneao,pe mui pene vanama mui thaona na,aunilimalima maparari gemi moira mauli rana pigo vaai wai.''