1 Paulo alukou auri maparari vilari ne'e ia guguva agirao thaonai neiwao,'' Wala avaku,Thau Palau vilanai mamilagi nanamarai mo ami mauli maini pene veami egaroa.'' Rupu velena kamuna Ananias na Paulo epinai geruao auri evailarao muruna gevoao. Thaonai Paulona evaila iwao,''Palauna goi pene warimu garo apua.Goi oaluo thau rovai ono va aithoriku,thaonai nori rovanai thau muruku povoa?'' Paulo epinai geruao auri negeiwao, '' Palau gena rupu velena kamuna goina epono vaila ra'ava ra'ava iwa? Paulo neiwao, '' Vewala, thau nori ripaku ia rupu velena kamuna.Evealo auo,Goi gemu vevai auna kamuna po'ono ilagi ra'ava. Paulo na ila eiatha thaonai ila vairi Sadiuke (Sadducees) e vairi Parisea (Pharisees) ia alukou thaonai ethori kamu kamu ole,''Wala avakuo,Thau Parisea (Pharisee),thau Parisea (Pharisees) nauri.Repana thau waregana laiwai veraramanina arogoao gaurai gova aithorikuni.'' Ethori eilagiao laganinai,ila vevau'u Parisea(Pharisees) e Sadiuke (Sadducees) auri nuanua rai ewalao,thaonai u'uma geve wareo. Repana sadiuke(Sadducees) geria veva auna aunai,laiwai pene wala,noai aneru,e noai temoni(spirits),namu Parisea (Pharisees) na maparari geva auna auna rana. Ila vevau'u kamu kamu ewalao,Parisea (Pharrisees) ooleana auri vairi gela'aio negeiwai,'' Eau elenai kepi waua noai gau.Pene ari matharaparanai ia temoni apuana pa aneru apuana ia pevaila?'' 0 Eila vevau'u ekamu vagio,veali velena kamuna ekalio orina Paulo gevagi ra'avarani,ia gena veali auri evailarao ealukou nuanuanai Paulo veraveai geve vai raiao,vekana oa numana thaonai geve ole oao. 1 Rapa eluvao poginai Velegaua ia epinai eruao evaila iwa ao, ''Po'ono kali, thau Jerusalemai poilagi raiku,goi mapono thoa Rome ai mapono veilagi lovo lovoku.'' 2 Ema'alaganiao,Jews auri vairi geve gogo koukou ila gethori gavuo ila pigene gani gani e nalu pigene niu pene thao Paulo ila pige vawarega. 3 Eolea gekoukouo auri maparari kapana vai vai. 4 Ila geve rage ole rupu velena kamuna geve vailao,'' Thai ma'aumai ra'ava thaonai paga veole oa,pigana gani gani pene thao Paulo gena mauli piga vagavu vagia. 5 Gaurai alukou auri ono vailari,veali velena kamuna ene vaila Paulo ene mirivo agia goi elemuai,pe gena thori ono mi vathakwara.Namu thai valu pe paga ala ma'avu gena mauli iga vagavu vagia kapinai enai pene veamai.'' 6 Namu Paulo ivagavina maluanena (ga'ana nauna) ethori eamonagiao,ethoao ivagavina Paulo eve vailao vekana oa numana thaonai. 7 Paulo ealaiwao veiama'a auna apua egogoao evailao,''Eau ono vaithaoa veali velena kamuna elenai,ia thori apuna ene vailatha.'' 8 Veiama'a auna na Paulo ivagavina evaithaoao,veali velena kamuna elenai,thaonai neiwao,Paulo tipura auna na thau pegogoku pevaila iwaku,eau goi elemuai pana veamai agia.Ia magena thori goi elemuai.'' 9 Veali velena kamuna na imanai erogo,evaiao ovua potho potho nai geve thoa oao erenagiao, '' Goi na thau ra'agau ono vailaku?'' 0 Paulo ivagavina neiwao,'' Jews pege thori koukou,rapalu goina Paulo pono vevai rivoa alu kou avanai,wanai pige verenagi vethalevatha. 1 Namu po'ono veniri repana wavanamo maluane maparari kapana vai vai pege ala ma'avu ia gethaloani.Ila ma'auri ra'ava pege ririwa,pigene gani gani e nalu niu pene thao Paulo ro gena mauli pige vagavu vagia.Evana ila goi mo gemu thori gethaloani.'' 2 Pe veali velena na Paulo ivagavina eva thoa raiao,evailao, '' Aunilimalima apua po'ona vaila thau ethori povailaku.'' 3 Veali velena kamuna elaio gena veali auri lualua egogorao evaila iwarao,'' Veali auri maparari inavu lualua igo gapiria,enana pige thoa pene thao Caesarea,horse ai au rage veali auri maparari,kapana aula oioi apuna(70),auliai vekini auri inavu lualua.Mui pogi ora gauna oioinai pigo thoa.'' 4 Ila maina evaila rao Paulo gagena na pe'ene thoa e pige naka gaua,pene thao kawana Felix elenai pigo vekwara. 5 Thaonai iana alo alo eveaina ealoao: 6 '' Claudius Lysias,iwa vagi vagi kawana na Felix gemu, 7 Eau Jews aunilimalima rana geligoao iana mo kirikiri irau vevagi maeao,thau mageku veali auria ilana ga lauao repana thau ave ripao ia Roman aunilimalima na (citizen). 8 Thau aririwani ana ripa ia ra'agauna ia geilagi ra'avani,pe thauna ila geria alukou ai athao agiao. 9 Thau na paripatha gauna wara ila ma'auri geria rova ia elenai geve renagi agiani,namu ia warega pa tipura pene rawalia thorina waua noai geilagia. 0 Thaonai thau mapami ripa Jew auri vairana mai ia gemalani gena mauli ige vagavu vagia,gaurai ia lele vagi thauna pau'ua goi elemuai pe ia geva ra'avani auria mai ganina ra'agau pakunai goi vilamuai pige wai ilagiria.Emau.'' 1 Pe,veali aurana geria au kamuna gena thori gevageleao.Pogi thaonai Paulo gethao agiao Antipatris ai. 2 Rapa eluvao veali auri maparari gelavu uleo,namu horse ai rage aurana Paulo gethoa agiao. 3 Horse ai au rage veali auri Caesareai gemi kwarao aloalo kawana geveniao e Paulo mai ia elenai gekali waniao. 4 Kawana na aloalo eoruao,ia everenagio Paulo ari vanua.Ia eripao ia Cilicia, 5 ia neiwao, ''Goi gemu thori pana amonagi gugulua goi ro gevara'avamuo auri enai pige mi rua ali.'' Paulo gevaiao Heroda gena kawamani numarai geve va aluao.