'' Wala avaku e amaku,evanamona thau geku thori vevawai igo amonagia.'' Paulo na aunilimalima mapararia Heberu (Hebrew) karonai ethori venirao laganinai,ila maparari noai gegalavu galavuo.Ia neiwao, '' Thau Jew,Tarsus alimaparana, Cilicia vanuanai, awalao,namu e taoni ai atikuluo vevaripa auna Gamaliel gena vevaripa kapulenai.Ia amari geria rova gagauari olemari maparari iana eva ripakuo.Thau Palau ave ma'au agiani egaroa mui veaimui. Eolema veairai warega thauna avawala rawai,akokorawai tipura numa thaorai ave ole oarawai vavine e maluane, rupu veleri e au kakamurana pige vailamui.Ilana alo alo geveniku wai wala ava Damaseko (Damascus) ai athao venirao aligo ligo rao aveamai agirao Jerusalemai iavu gemi vavuara wai. Ewalao gauna Damaseko(Damascus) aveaviawai thaonai,ora gauna no garo upu(12.00p.m.),matha'a kamu kamu apuna kupana ela'auvaleo thau ematha'a makemakekuwai. Thau aeo uvaleo uvaleo alimai thaonai karo apua thauna a'amonagiao evaila iwakuo,Saulo,Saulo,ra'agauna goina thau ova ra'avakuni?' Thau ave vano'o naiwao,' Goi riai,Velegaua?' Thau evaila iwakuo neiwao, 'Thau Iesu auni nasareta (Nazareth),goina ovara'avakuni.' Thau ria gathoa kouo aurana matha'a geiathao,namu Iesu karona ilana noai geamonagi iliao. 0 Thau averenagio Velegaua thau ra'a para ala iwa? Velegauna thau evaila iwakuo,'Ono la'ai ono vethoa oa Damaseko (Damascus) vanuanai.Wanai goi pige vailamu veaina pono ala au.' 1Thau na'a veia wai repana wa matha'a vewa'ana ma'aku evagirao,gathoa ao aurana imakuai gerogo gevai oakuo Damaseko (Damascus) ai. 2 Wanai au apuna arawaliao tharana Ananias,rova evavenagi rawai auna, au vali nama, Jews wanai gealu wai aurana gematha lagiawai. 3 Eveamaio elekuai, emirua alio, neiwao, ' Vewala Saulo (Saul),ma'amu ige veia wai.' Oranai vega thau ma'aku geve alapaole ia aiao. 4 Thaonai ia neiwao, ' Ia amari geria Palauna goi pevirigimu ia gena ririwa pono ripatha,thakwa thakwa vagi auna pono iatha,muruna thorina pono amonagia. 5 Goina ia pono ilagi lovo lovoa aunilimalima maparari elerai,poiari e poamonagiri gaurai. 6 Evana ra'agauna goi ovethaloni? Ono lai'i,ige ve papasitomu, gemu galama ige vevuligi vagi,Iesu tharanai.' 7 Mulinai thau alavu ulewaio Jerusalemai,rupu thaonai aveni vua vua wai thaonai,ma'avanagi apua velegauna evaripakuo. 8 Thau evaila iwakuo,Lele Jerusalema ono kaliwania,repana thau valiku pono ilagia enai pigene gapiragemu.' 9 Thau naiwao,'Velegaua,ila ma'auri ripari rupu maparari thaorana thauna ila awari rawai e tipura numai averakwa oarawai. 0 Goi ilagi lovo lovomu auna Setepano (Stephen) lalana evelavuga'ao thaonai thau aukuwara,aruao e ava auna aunao,gevagi waregao auri geria rapua thauna aiamarao. 1 Namu thau evaila iwakuo,'Ono thoa repana thauna goi ana u'umukapu pa'alagirai,muli muli auri (Gentiles) elerai.''' 2 Ia geamonagiao pene thao ethori eilagiao.Thaonai ila gegogo rage ole negeiwao,''Igo tou gerevagia ealimaparai pe'ere mauli auna apuna.'' 3 Gemakala wai,geria rapua geala vagirawai,alima getourawai gau u'unai gerakwa lovo lovo rawai, 4veali velena Paulo evaiao numa thaonai eve thoa oao. 5 Geligoligoao mulinai,Paulo na veiama'a auna ia epinai eruao auna erenagiao,neiwao Roman vanuana auna apua muina auniparana gava'a pigo venia e re'e veva aithori thaonai ma rovana pa? 6 Veiama'a auna na ethori eamonagiao ia ethao geria veali velena kamuna evevaila veniao,''Goina evanamona ra'a ono alaiwa? Repana eau wara ia Roman auna (citizen).'' 7 Veali velena kamuna eveamaio erenagiao,'' thau ono vailaku auna auna goi Roman auna (citizen)?'' Paulo neiwao, '' Unamu.'' 8 Veali velena neiwao,'' Thau monina evanuai geku aluali avoiao'' Namu Paulo neiwao,'' Thau geku walana eva magaikuni thau Roman auku (citizen).'' 9 Paulo pige va aithoria auri gegapio ge thoa raiole.Veali velena kamuna kalina egapiao,repana emi ripa ole Paulo ia Roman auna (citizen), repana iana eligoligoao. 0 Rapa eluvao,Veali velena eririwao pene ripa Jews geria paru ganina auna Paulo elenai ra'agau.Pe Paulo gagena ligo ligori eluvarao,rupu veleri e au kakamuri egogo koukourao.Paulo eve amai agiao ila nuanua rai emi va'alu aliao.