1 Galavu galavu egavu vagio mulinai,Paulo na ekalesia auri unagiri euo,evailigarao evagagathao ia ethoao Macedonia ethoa veniao. Wavanua ia vogo thaorana evanagio vevailiga thoriri vogo vagina aunilimalima evailigarao,avana na ia Greece ai ethao. Ia Greece ai vue oioi ealu agiri,thaonai ia Syria ene thoa venia evalavuao thaonai Jews oleana apua'ana ia navuana mageovoao,pe ia elavu uleo Macedoniai avana na elavu ule waio. Ia gethoa kwaruao Asiai gethao auri Sopater,Pyrrhus nauna ia Berea auna; Aristarchus e Secundus,ila Thessalonia ekalesia auri; Gaius ia Derbe auna; Timothy,Tychicus e Trophimus ila auri oioi Asia auri. Namu eila gethoa reparepao thai gethalo mai wai Troas ai. Areto mulinai Philippi gakaliwaniao penethao garo imaima mulirai Troas ai gakwarao.Wanai thai garo aula oioi apuna (7days) ga'alu agirao. Garo ma manai parawa ala avaluanai gave koukouo,ekalesia aunilimalima ri Paulo na ethori venirao.Ia gena uamagi ealarao ia rapa pene luva,ia pene thoa gaurai ia ethorio pene thao pogi eve ola ole. Ovua tha'ainai gave koukouo ovuanai matha'a kamuvagi. Koke unai auvalivu apua ealuo tharana Eutychus,ia ethamuli vagio emauo.Paulo nethori rakwa uariwai,eau maumaunai koke una na eouvaleo,numa gena tha'a velovana ovua oioi geria tha'a (3 story) waregana geve tou la'aiao. 0 Nmu Paulo everivo ole tha'anai imana evego'o thavalagirao e evevua aviao.Thaonai ia neiwao,'' Pigono thao vi vi repana,ia maulina.'' 1 Everage waio,parawa eve ala avaluao e eganiao.Ethori thorio pene thao rapa wa'ana eoleao,ia egapio ethoao.Eau maulina geve amai agiao ila mamilagiri genamao. 3 Thai potina( ship) gathoa kuneo gathao Assos ai gaririwao wanai Paulo piga veura ragea.Repana ia gena ririwa kamu, ia alimapara na pene thao. 4 Thai Assos ai everawali maio gaura rageao,avana na gathoao Mitylene ai. 5 Wanana garavuo pene thao rapa eluvao Chios ai vanagina mounai gakwarao.Rapa maeluvao Samos mounai gakwarao,rapa maeluvao Miletus alimapara nai gakwarao. 6 Paulo eririwao Epeso (Ephesus) ai pe'ene thoa oa repana ia ne'e ririwao Asiai gena ora (time) pene varegatha; repana ia evele velewai Jerusalemai Penetecost ulana na,no gau maparari pige wala vethaleva. 7 Miletus vanuana na au vari eurao Epeso (Ephesus) ai rupu veleri unagi ri eu'uo. 8 Ia elenai geve amaio,iana evaila iwarao '' Mui ripamui,garo ma manai thau Asiai arua alio,thau muiria ra'a amauli iwao. 9 Thauna Palau ro a'ala veniani aveole alivagini ma'agi agiku,e vi vi arawalirao repana Jews aurana navuaku geovoani. 0 Mui ripamui mageria ulavunu rina'ari galamari thau na na'a vairi,e vuvuarai vevaripa ra'aveni iwamuiwai e numa gauri gauri athoa oarawai, 1 Jews e Greek aunilimalima ri elerai Palau elenai wala wai olemana e vevauna auna ia gera vele Iesu elenai. 2 Evana igo iatha,vea'a palauna na pevaiku veaina, thau athoani Jerusalemai na'a ripanai wanai elekuai ra'agau pene wala, 3 Ma gau waua noaia,vea'a palauna namo elekuai eva magaiani vanua mapararai lekeani na e vi vina gerua thalokuni. 4 Geku mauli ma'auku elekuai na'a uamagiani iwavagi,eravumo para gavu vagia,e Iesu velegaua na evanelia ulavunu na evenikuo para vagugulua,vali namanai pana veilagi rai Palau gena veuga thaonai. 5 Evana igo iatha,thau ripaku mui maparamui vilamuiai palau gena Basileia,awapa'a agiawai thau vilaku mapigono ia waia. 6 Gaurai egaroa thau ave ilagi rainia,au apua gena wareagai thau noai geku kepi. 7 Palau gena ririwa maguguluna iolagi rainai gau waua na'a rogo waia. 8 Guarai ma'aumui naka mui pigo gau,e vea'a palauna na iavu eveni muio thaorana vevai rakiri gogapirao.Palau gena rupu naka gaunai pigo ala ma'aneka,repana ma'auna lalana na evoiao. 9 Thau ripaku thau pana thoa muligi,olopu waga veoliri pige veamai ekalesia laveana pigene naka gaua. 0 Thau ripaku mui thaomuiai mai vairi pige la'ai,auna auna pige ilagi rakwa oatha ekalesia pige kere lovo lovori ila mulirai pige thoa. 1 Pe pigono valavu guilagi. Pigo valavu thaoa thauna rigolo oioi mui apuri apuri availiga muiwai ma agi agi kuna pogi e garo. 2 Thauna mui mave raramanikuna Palau elenai aolemuio e gena thori vewa'ana thaonai gauna na pene vailigamui e geve ole vathakwao auri maparari pene venimui. 3 Thauna au apua gena silver,gold,pa rapua na'a ala ga'anatha. 4 Mui maina ripamui thau imaku geku veaolea gauri evagugulu ria e riari thau gethoa agikuwai auri geria veaolea gaurai. 5 Gau maparari thaorai vagele gele avenimuio moira auri ra'a pigo va'ava iwari ulavunuai,e Iesu Velegaua gena thori ra'aveaina pigo valavu thaori,ma'auna na thori eilagirao thoriria: ' Veveni ma verele agina namu nori rawaliai.''' 6 Eolemai ethori thori aluo,ia euialio maparari ge veni vua vuao. 7 Veuga kamu vagi erageo geveagi veagio,Paulo gevua gau gauawai e geponana wai. 8 Paulo gena thori veuga rana ila maparari veuga kamu vagi eveni rao,thorina wara ia vilana mapigene ia waia.Ilana Paulo gevaiao potiai geve vala'arageao.