Apollos Corinth ai thaonai eolema ewalao,Paulo kuni tha'ari geria avana na evanagio Epheso (Ephesus) alimaparanai,avanai ekalesia vairia ila geve rawaliao. Paulona ila erenagirao,''Mui gove va'auna aunao thaonai Vea'a Palauna mago rawaliao pa?'' Ila geve vano'o lavu uleole negeiwao,''Noaia,thaina maina vea'a Palauna thorina noai ga'amonagiao.'' Thaonai Paulo neiwao,''Pe mui riai thaonai gove papasito oaole?'' Ila geve vano'o, negeiwao Ioane (John's) tharana thaonai.'' Paulo na ila evaila iwarao,''Ioane (John) wala wai papasito na eve papasito agiao.Iana aunilimalima evailarao ia mulina na eve amaini auna pige va'auna auna auna,Iesu thaonai.'' Aunilimalima na ethori geamonagiao,ila Iesu velegaua tharanai papasito iavuna gegapio. Paulo imana ila reparai eoleauao laganinai,Vea'a Palauna ila tha'arai emi eoauo ila karo irauirauai gethori wai ge peroveta wai. Maparari thaorai maluane maparari kapanana e lualua. Vue oioi Paulo rupu thaonai Iesu Keriso valina namana mailigana na evara vara agiawai,Palauna basileia eve pu'u agia wai. Namu Jews vairi thaogaua e nori vegapirage auri eolema geilagi ra'avawai aunilimalima vilrai.Paulo na ila ekaliwanirao ekalesia auri evairao,Tyrannus vevaripa numana thaonai wanai garo mapararai evailigarawai. 0 Evevaripa rigolo lualua evevaripa agiao,pe Asiai gealu wai aunilimalima mapararana Velegaua thorina geamonagiao,Jews e Greek aurana. 1 Palauna,Paulo imana thaorana ulavunu iwavagiria eva magairawai, 2lewana muko(handkerchiefs) e toki (aprons) iana emi rogo aunagirawai getouthao rawai vi vi auri elerai geria viina genamawai e temoni rara'avari thaorana gethoa raiwai. 3 Namu wanai Jews vele nauri vairi (exorcists) wakapuna gevanagio.Ilana Iesu tharana gegogo agiawai pe, temoni rara'avari iavuri pige iwari thaonai ila negeiwao,''Paulona evalirakwa agiani Iesu auna tharanai,thauna mui availa muini igo thoa rai.'' 4 Jews rupu velena auna kamuna apua tharana Sceva,ia nauna auri aula oioi apuna (7) ilana eulavunu gealawai. 5 Thaonai etemoni ra'avana natha ila evgelerao,neiwao,Iesu thau ripaku,e Paulo thau ripaku;namu goi riai?'' 6 Etemoni ra'avana eau thaonai ipo pene thoa rai pe erupu velena nauna auri aula oioi (7) iavuri geiwarao gevagi ra'avarao.Wanuma thaona na gevaravu rakwa thairao,ma'amikoro ri e magava'ari. 7 Jews e Greek aunilimalima ri Epeso (Ephesus) ai gealuwai auri mapararana, eolema geripathao.Ila geve kali ra'avao,Iesu Velegaua tharana gematha lagiao. 8 Emaina veva auna auna auri vogo vagi geve amaio geria uamagi ra'avari,e galama geilagi thairao. 9 Megamega gauri pukari (books) maparari geve tou mairao aunilimalima vilarai alovai gekapu ragerao.Rina'ai geva aithao thaonai,thagana kapana imaima tilivari. 0 Palau thorina iavuvagi ethoa lovo lovo ole kapu mapara rai. 1 Paulo gena evanelia ulavununa Epheso (Ephesus) ai evagavu vagiao vea'a palauna thaona na ia eririwao Macedonia e Achaia aravarana pene vanagi avana na pene thao Jerusalemai;ia neiwao,''Thau wanai pana thao mulinai,thau pana thao Rome mapana iatha.'' 2Paulo na ia au va'avana lualua,Timothy e Erastus eu'uthao Macedoniai.Namu ealuwaio Asiai gagova gelena ealu agaiao. 3 Elaganinai Epheso (Ephesus) ai noai galavu galavu ekalesia maulinai. 4 Aunilimalima apua ia tiliva (silversmith) eperewai auna tharana Demetrius,iana Artemis thaupa thaupari tilivai epererao,gauri thaorana ulavunu kamu vagi evathoa oawai tiliva pere auri elerai. 5 Pe eulavunu gealarawai auri evaila iwathao,velevele mui,mui ripamui eulavunu ai ia moni kamuvagi arawaliani. 6 Muina goiathani e goamonagiani,nori Epheso (Ephesus) aimo namu,Asia maguguluna thaonai,ePaulona aunilimalima vogo pepu'uri e peva aiwairi.Ia neinia aunilimalima imarana palau apua pigene mane ripatha. 7 Gena ra'ava avana nori iamo gera ulavunu pene vekanagavu,namu Artemis gena rupu palauna kakamuna ia warere pogini noai ganina.Ia ralemana vewa'a vewa'ana Asia na e alimapara maparana na geai rupu ali venia nia pene velewa lewa.'' 8 Ethori geamonagiao ila geparu gauavagio,gemakalao negeiwao,'' Iwavagina vagi Epheso (Ephesus) ai wara Artemis.'' 9 Vanua maparana aovo aovona erwaliao,aunilimalima valavu apunaimo gethoao malele numanai geve thoa oaole.Paulo auavana lualua gegapirao,Gaius e Aristarchus ila Macedonia na geve amaio. 0 Paulo eririwao enethoa oa namu,ekalesia aurana gevailarao pe'ene thoa oa. 1 Emaina Asia vanuana aukakamuri ia geripatha aurana unagi geu'uthaoao genoginogi nama namathao malele numana thaonai pe'ene vethoa oa. 2 Aunilimalima gegogo irau irau wai,repana aunilimalima aovo aovo na erawalirao.Vogona nori ripari ra'agauna ila gemi thoa avi aviole. 3 Aunilimalima vairana Alexander gevailao,ilana riai thorina geilagiawai.Pe Alexander imanai ila evano'o rao alukou pene naka gaua. 4 Namu ila gemi ripa ole ia Jew auna,ila ora lualua geagirage agiao thori apunai mo negeiwai,''Epeso (Ephesus) geria Artemis ia iwavagina vagi.'' 5 Vanua gena aloalo auna na ila rawari evarivorao,evaila iwarao,''Mui Epeso (Ephesus) aunilimalima mui igo amonagi,eriai nori ripana Epeso (Ephesus) ia Artemis kaivakukuna velena nakana egauani,e veai veaina kupana eo ulvale vanuana? ³⁶ Goiatha ni egau noai vawai venina,gaurai mui pigono galavu galavu e vaila vailai pigono ulavunu. 7 Pe,muina eu kotai pogo veamai agiri,ila nori rupu pege lematha o ia gera palau pege ilagi ra'avari. 8 Wagauri pakurai,pene Demetrius e gena perepere auri ila auapua ila geilavevau'u nia,kota kapuri vealapa gemiao e wanai vevaithori auri auria wara.Igo kaliwaniria ma'auri pige ila ve vau'u. 9 Namu pene ma gau vairi thorirai alukou kamunai pethori gele geleri. 0 Ia evanamona pa'ala veraulea ia kepiai repana egaroa taoni thaonai vevili noai ganina pa vawala.Evevili noai ganina vagi pewala,pethori vethalevara avana wauavagi noai gau.'' 1 Ethori eoleao mulinai, alukou ekana gavuao.