Egau gewalao mulirai Paulo na Athens ekaliwaniao ia korento(Corinth) ai ethao. Wanai iana Jews auna apua everawaliao tharana Aquila,ia Pontus auna,Italy na magarawana Priscilla ila gemi kwara valivuo,repana Claudius na Jews maparari rova evenirao Roma pige kaliwania.Paulo ila elerai ethao repana ila ulavunu va'aina apunaimo geulavunu,ila palai uli ulavununai geulavunu koukou. Paulo tapati mapararai rupuai eulavunu wai,eveaolea wai Jews e Greek auri pene kere vanagiri ekalesia maulinai. Thaonai Timothy e Silas Macedonia na gemi kwarao,Paulo thaonai Palau gena thoriai eve veni vagio,Iesu Keriso Jews auri elerai eilagi lovo lovoa wai,gauna wara Iesu ia Keriso. Namu Jews na ia geva waiao e geilagi ra'avao,Paulo gena rapua ila vilarai eluguluguao e evaila iwarao,'' Mui lalamui ma'aumui repamuiai pige mia;Thau lewa lewaku.Thau evanamona anathoa avapa'a aunilimalima ri(Gentiles) elerai.'' Wakapu ekali waniao ethoao Titius Justus gena numai ethao,eau ia Palau eai rupu ali venia wai auna.Ia gena numa wara rupu laganai eupuo. Crispus ia rupu velena velegaua iana egapirageao gena numai gealuwai auria ila;e Korento(Corinthians) aunilimalima ri vogo vagi geamonagio, geve vauna aunao thaonai gepapasito rao. Pogi thaonai Velegauna ma'avangiai Paulo evailao,''Po'ono kali,namu pono thorimo murumu po'ono kanagavua. 0 Repana thau goiria,aunilimalima apuana goi pe'ene vara'avamu,repana thau geku aunilimalima vogo vagi evanuai.'' 1 Paulo evanuai rigolo apuna, vue aula oioi ealu agirao Palau gena thori evevaripa agiawai ila thaorai. 2 Pene thao Gallio, Achaia geria vevai auna kamuna (Governor) geva ruao Jews aunilimalima ri uamagi apunai Paulo gerua vila agiao e veva'aithori auri elerai gethao agiao; 3 ila negeiwao,''Eauna aunilimalima eva galagala rana Palau pige airupu ali venia,rova eala ra'avani.'' 4 Paulo ene thori gana pakunai,Gallio na Jews evailarao,'' Mui Jews igo amonagi,pere kepi kamuna apua thauna mui para vagelemui. 5 Namu repana ewara thori e thara verenagiria e mui ma'aumui gemi rova,ma'aumuina igo vathakwa.Thau eveva'athori ulavununa pa'ana gapia.'' 6 Gallio na ila veva'aithori numana na eu'uthai rao. 7 Pe ila mapara rana rupu monitana, gerogoao gegau lapia lapiao veva'aithori alu auna vilanai.Namu Gallio natha ila ne'e vagelerao. 8 Paulo enai garo ia vogo egapirao mulinai,auavana ekaliwanirao,ia Priscilla e Aquila palaina geravuo Syria geravu veniao.Kapi potiai,Cenchrea pene kaliwania ia vuina gepakotirao repana eilagavuo pakunai. 9 Epeso (Ephesus) ai gemi kwarao,Priscilla e Aquila wanai ekaliwanirao,ia geregana everage ole rupu ai wanai Jews aunilimalima ri eve thori thori agirawai. 0 Paulo genogiao velova rauna ia pere alu agia,namu ia ne'e ririwao. 1 Namu ila ekaliwani rao evailarao,''Thau mapana velavu ulewai elemuiai pene Palau gena ririwai.'' Thaonai ia palai na eravuo Epeso (Ephesus) eravu veniao. 2 Paulo Caesareai ekwarao laganinai,ia everage ole Jerusalema rupuna eva namao avana na ethao Antioch ai. 3 Wanai garo viravira ealu agirao,Paulo ethoao Galatia e Phrygia vanuarai wanai ekalesia maparari evailiga rao. 4 Evana Jews auna apua tharana Apollos,ia Alexandria auna,Epeso (Ephesus) ai eveamaio.Ia thori thoriai e Palauna thori ai ia iliga vagi. 5 Apollos Velegaua thorina vevaripanai ia gevaripa vethalevatha.Ia vea'a palauna thaonai emauli wai,Iesu valina namana eve varipa agi va'anama wai,namu ia Ioane mo gena papasito eripatha. 6 Apollos rupu thaonai mailigana ethori thori wai.Namu Priscilla e Aquila na geamonagiao,gegogo gerevagiao gevaripa vethalevathao Palau olemana auna auna na. ²⁷ Gena ririwa ekamuo pene vanagi thao Achaia,auavana na geva iligao Achaiai ekalesia gealo venirao gevaila rao pige thaloa.Ekwarao laganinai,veugai geve va auna aunao auri iana eva'ava raramanithao. 8 Apollos na vuvuara parai mailigana Jews evaila rapa ruithao puka oleari thaorana Iesu eilagiawai ia keriso.