Ila Amphipolis e Apollonia vanua rana gevanagio,avana na geveamaio Tesalonia (Thessalonica) vanuanai geve thoa oao,wanai Jews geria rupu apua gauna wara. Paulo,ia olemana vega,elerai ethao,tapati oioi avanai Palau gena thoriai evailigarao e epu'urao. Palauna thori ma vea'ana etha'apara wai evevaripa agi vethalevarawai gauna era,Keriso mathara paranai evi vio e waregana mae la'ai waio.Ia neiwao,'' E Iesu thauna mui elemuiai avara vara agiani auna wara Keriso.'' Jews auri vairi thaori gegani rao Paulo e Silas geria olea thaonai gethoa oaole e Greek ekalesia valivuri mai vogo vagi,e iliga vavineri viravira. 5 Namu noai geve vauna auna wai Jews aunilimalima ri,vema'auna gevonuo,maketi ai moira aunilimalima ri gegogo koukourao,vanua thaonai galavu gevarageao.Jason gena numa auri gemakala venirawai,Paulo e Silas ige vai rairi aunilimalima elerai. Noai gerawali rao thaonai Jason e wala ava vairia ila gemi kere rairao vanua aukakamuri vila rai,geagiwai,''E aunilimalima na alimapara pege ulea auri enai mapege veamai. Jason na auri pevai rageri ilana, Sisa (Caesar) gena rova geilagi ra'avarani; ila negeinia ma vele apua auna era-Iesu.'' Ethori vanua vele rana e vevai aurana geamonagirao thaonai thaori gevi vio. Namu Jason ma'auavana venaka (security) geva voio monina,ila gekaliwani rao. 0 Wapoginai vewala avana Paulo e Silas Bereai geu'u thaorao.Geve kwarao thaonai,ila Jews geria rupu thaonai geve thoa oa ole. 1 Berea aunilimalima ri ila nori Tesalonia (Thessalonica) aunilimalima ri veairi ila mavalavuri e mathaonekari,pe vali namana gerawaliao thaonai ila ma'ala ma'avuria repana ilana Palau gena thori garo mapararai georuawai . 2 Gaurai ila vogo vagi geve vauna aunao,Greek vavineri e maluane ri vogo vagi. 3 Namu Jews Tesalonia vanuanai (Thessalonica) geamonagio Paulo na Berea vanuanai Palauna thori ewapa'a agia wai,ila gethao Berea vanuanai galama geve vawalarao. 4 Lele vagi wala avana na Paulo rawa parai geu'uthaoao,namu Silas e Timothy gealu waio. 5 Paulo gevaiao aurana gethao agiao Athens alimaparanai.Wanai Paulo geve kaliwaniao,ila evaila iwa rao Timothy e Silas pigo veu'u mai leleri thau elekuai. 6 Paulo na Silas e timothy Athens ai ethalorawai thaonai,ia palauna na evairiparao evanua kaivakuku na evonuo. 7 Pe ia Jews geria rupu thaonai eve thoa oa ole Palau geai rupu ali venia wai auria ila,e riari maketiai gethao wai auria mai. 8 Namu Epicurean e Stoic thaoneka auri vairana ia gemi varua rageao.Vairi negeiwai,'' Epoka thavala na ra'aga maena ilagia?'' Vairi negeiwai,'' Iana aunilimalima egogorana Palau mava'aina apuna mulinai pige thoa,''repana iana Iesu valina namana ewapa'a agiawai e gena la'aiwai. 9 Paulo gethao agiao Athens tha'aina vagi (Areopagus) kawamanina, gena alukou numanai gethao agiao gevaila iwao,'' Evevaripa apuna valivuna goina othoriani thai mapagara ripa pa? 0 Repana thai egamaina gau irauna wauna ga'amonagiani.Gaurai thai gaririwani iga ripa egau ganiri ra'agau.'' 1( Evanamona Athenian e vanua polu aunilimalima ri wanai gealuwai auri maparari geria ora kamuna gau aravai noai geva regarao namu evali valivuna gethoria wai e geamonagiawai.) 2 Pe,Paulo alukou numana (Areopagus) ivuaparanai eruao thaonai neiwao,'' Mui Athens aumui,thauna mui paiamui thaonai olema irau irau thaorai mui rupu maulinai mui iwavagi muivagi. 3 Thau pathoa make thaonai muina goairupu alivenirana gauri paiaria,thapali apua parawalia thaonai aloalo eveaina evealo ole paiatha,''Noai au ripana Palauna.'' Thauna mui ana vaila mui gauna wara muina ra'aga goairupu ali veniani. 4 Palauna alimapara evamagaia e thaonai gauri maparari,repana ia kupa e alimapara velena,ia aunilimalima ima rana rupu gevarua rana gauri thaorai ia ne'e aluni. 5 Ia nogau mapararai erapuni,ia mai nori aunilimalima imarana geala venia ni,repana iana aunilimalima mauli thagilana eveniao e gau mapararia mai. 6 Aunilimalima apuna thaona na alimapara apuri apuri aunilimalima ri evamagairao ealimapara tha'anai geria ora mai evirigirao e geria mauli kapuria mai eolerao, 7 pe ilana Palau pige avua e verauleai mamilagiai pige ripatha pige avu thaoa.Ia elerai ia vepa'ana wara nori rau rau. 8 Ia thaonai ia amaulinia e a'ala laiwa laiwani auniparai,vagele gelena mui gemi inaina apua nienia,' Pe ia maina ia kalakalana.' 9 '' Gaurai,repana ia Palau gena kalakala,gau arava ralemari Gold,Silver pa vau-aunilimalima na gealarana gauri piana uamagi roana oleri ila iwa vavagi. 0 Gaurai Palauna nori vevagele orana perua muligia, namu evana aunilimalima avamapara rai egogoani ene va'ai wai. 1 Repana garo evirigiao ealimapara maparana thakwa thakwai pene va'aithoria evirigiao auna thaona na.Palauna eau aunilimalima vilarai evamagaiao warega thaona na evala'ai waiao.'' 2 Athens maluane rana warega auri pige la'aiwai geamonagiao,vairana Paulo geve galaiga agiao;namu vairi negeiwao,''Ethori mapiga amonagi waia.'' 3 Mulina gena avanai Paulona ila ekaliwanirao. 4 Namu vairi ia mulinai gethoao repana geve va auna aunao,ila thaorai Dionysius Areopagite velena apua,e vavine apua tharana Damaris,e mavairi ila ria gethoa koukouo.