Paulo maina eveamaio Derbe e Lystra vanuarai,wanai ekalesia auna apua tharana Timothy erawaliao,ia inana Jews (ekalesia vavinena) e amana Greek. Ia Lystra e Iconium ai vewala avana geilagiao ia aunilimalima namana apua. Paulo eririwao thaonai ila raligoi pege thoa evanelia vali rakwanai,gaurai iana egapiao eperitome ao repana ila pige thao kapurai Jews auria wara gaurai,repana Jews ripari vethaleva ia amana Greek auna. Ila geria thoai vanua vanua gethoa oa venirao,rupu thaorai vegapirage rovari geve varipa agirawai,rupu velerana Jerusalemai e evanelia aurana vevaripa gevenirao gauna geve varipa agia wai. Gauri thao rana rupu gena veva auna aunai (Faith) ai iliga erawaliao e ekalesia nu'umerana garo mapara rai everage wai. Paulo magena olea auria ila Phrygia e Galatia alimapararia gethoa agiao vali namana gevara vara agiao,kapu apunamo vea'a palauna na evariparao veainai noai gethao veniao wara Asia. Ila geve amaio Mysia,epinai geririwao pige thao Bithynia,namu Iesu palauna na ila evailarao pigono thao. Pe Mysia na gevanagio,ila gethaoo Troas alimapara nai. Pogi thaonai Paulo ema'avanagio: Macedonia auna apua eruao eiathao Paulo enogiawai neiwai,'' Igo veamai Macedoniai thai igo va'avamai.'' 0 Paulo na ema'avanagi eiathao mulinai thai ga gapi la'aio gathoao Macedonia gathoa veniao,gemai thori ikanai nagai wao Palauna thai egogo maio Keriso valina namana ila piga vara veni ria. 1 Thai Troas na palai na garavuo,thai rakwa rakwa Samothrace garavu veniao,rapa eluvao thai Neapolis ai gakwarao. 2 Avana na thai Philipi ai gathao,vanua kamuna e iwavagina Macedonia,ia Roma iavuna kapulenai eravuwai,evanuai thai garo vira vira ga'alu agirao. 3 Tapati garo anai thai kana mulinai gathoa rai ole wai laganai gathao,gauamagiao wanai piga veni vua vua.Ga'alu aliole vavine vavine gemi thoa avi avi ole vali namana gavara venirao. 4 Wanai vavine apua ia tharana Lydia,purple evoi agiwai ia Thyatira vanuana na eveamaio ia mai Palau eairupu alivenia wai vavinena,thai eamonagi mai ole.Palau na ia thaona eala pathao Paulo ethori thori wai eamonagi upu upuao. 5 Ia magena numa auri mapara ri papasito gegapio,thai enoginogi maio neiwao,'' Pene thau pogo vevaovoku mageku veva auna auna Palau elenai,igo veamai geku numai emi alu.'' Thaonai iana thai evai maio. 6 Ewalao gauna waua,veni vua vua kapuna gathao venia wai thao nai,vavine valivu apuna na thai emi rua gavumaio.Ia gena peroveta thorirana gena vele eve rina'ao thorina eveamai agiao. 7 Evavine Paulo e thai mulimai ai ethoao namu egogowai neiwai,'' ''Eaunilimalima wara Tha'ainai vagi Palauna gena veala venia auri.Nama tharaparana ilana geve varipa agiani.'' 8 Eolema ia elenai garo vogo ewalao.But Paulo elenai mamilagina ne'e namao evavine eveaina ealawai,emakeo ia thaonai etemoni evailao,'' Thauna goi Iesu Keriso tharanai availamunia na vavine thaona na ono thoa rai.'' Wa temoni iathaona na vagana vagi ethoa raiole. 9 Ia gena vele na eolema eiathao laganinai,ia euamagio thaonai ila geria moni rawali tharapara egavu vagio,Paulo e Silas gerogo rao market kapunai gethao agirao aukakamuri elerai. 0 Veva aithori auri (magistrates) elerai gethao agirao negeiwao,'' Ia gera vanua eaunilimalima na geva ra'avani.Ila Jews aunilimalima ri. 1 Nori Roma na erova rana gauri ilana geilagi rana iana pe gapirageri e pemauli agiri.'' 2 Aunilimalima mapararana erua la'aio Paulo e Silas geilagi ra'avarao;rova (magistrate) aurana geria rapua gerale rao,veia ma'a aurana aulina gewari rao. 3 Gewari gaua vagirao mulinai tipura numai geve ole oarao,veiama'a auna gevailao pono iamari pigene thoa rai. 4 Tipura veiama'a auna rova geveniao, pe ila raligoi egapi rao tipura numa kunikuni nai gena avanai eve olerao gageri geligorao. 5 Pogi eve olao ora gauna no kapana na lua lua(12.00) veairi,Paulo e Silas ila raligoi na Palau ge mari varagewai e geveni vuavua veniawai, ma tipura auri vairi ra'avari ila ipo geamonagi rawai. 6 Nori raurau anokepo kamukamu ewalao,tipura numa maparana everaka verakao;avaga'ama maparari geve alapao,tipura auri geleke anirao auri maparari geria lekeani geve luvao. 7 Tipura veiama'a auna mauna na emikalilea ero,ene aila'ai neiwao tipura numa avaga'amari maparari geve alapaole; gena kaliai veali pauna elolovagiao ma'auna pene vevagi repana ia gena uamagi thaonai tipura auri geulerai ole. 8 Namu Paulo egogo makalao,neiwao, '' Goi ma'aumu po'ono vevagi,repana thai maparamai aumai era.'' 9 Tipura veiama'ana geria au kamuna matha'a egogo agiao,eravu oao enukewai e evekali ra'avao,Paulo e Silas gageri reparai emi eoalio, 0 evaithairao neiwao,'' Vele velemui,thau ra'apara ala iwa vevamauli para rawalia?'' 1 Ilana gevaila iwao,'' Iesu Velegaua elenai pono veva aunaauna,goi vevamauli pono rawalia,e goi e gemu numa auri maparari.'' 2 Velegaua valina namana ia magena numa auri gevara venirao. 3Waoranai, wapoginai tipura veiama'ana auna kamuna na evairao auniparari magorori geve vuligi vethalevarao,ia gena numai gealuwai auri maparari wapoginai vega papasito gegapio. 4 Mulinai Paulo e Silas evairao gena numai,eve vagani ganirao,ia everele gauavagio gealu koukou wai auria ila,repana ia Palau evairageao e eva auna aunao. 5 Rapa eluvao,vevaithori (magistrates) aurana tipura veiama'ana velena elenai unagi geu'uthaoao negeiwao,'' Na aunilimalima lualua ono u'urai ria.'' 6 Tipura veiama'a velena na Paulo evaila iwao,neiwao,'' Rova vevaithori (magistrate) auri pege ilaiwa mui ana vathoa raimui.Gaurai evanamona igo mithoa rai,maino ai igo thoa.'' 7 Namu Paulo na ila evailrao,'' Thai aunilimalima vilarai,noai veva'aithori rakwana apua thaonai wari iavuri gavuao,thaonai thai mai Roma aumai e tipura numai geve rakwa oamaio.Evanamona ilana thai vevuniai ige u'urai mai geririwani? Noaia,ono vevailari ila ma'aurana thai ige mi vathoa raimai.'' 8 Veiama'a aurana ethori gethao agiao veva'aithori (magistrates) auri elerai,ila gekalio repana ila geripao Paulo e Silas ila mai Roman auri lalai. 9 Veva'aithori (magistrates) auri geveamaio gemi thori nama nama ole,geria kepiai geve ilagi rai ole e gevai rai rao,genogi nogi nama rao vanua thaona na pige thoa rai. 0 Pe Paulo e Silas tipura na gethoa raiole avana na gethao Lydia gena numai.Paulo ma Silas goina avanai wala ava vairi gerawalirao Palauna thoriai geva iliga rao mulinai vanua na gethoa raiole.