Aunilimalima vairi Judea na geve amaio Antioch ai vewala ava vairi vevaripa vairi gemi varipara wai,negeiwao,'' Mui Moses gena rova kapulenai peritome pigo gapi mui mauli pigo rawalia.'' Ethorina Paulo e Barnabas eaunilimalima ria ila veva'au kamuna apua ewalao.Pe,Paulo,Barnabas, e ila thaorai vairi magevirigi rao,geve rage ole Jerusalema ai rupu vele ria e evanelia auri pige iari everenagi pakunai. Waganina ila rupuna eu'urao,Phoenicia e Samaria vanuarana gevanagio,muli muli (gentiles) auri geria mauli Velegaua geveniao valina gerakwao.Wala ava maparari elerai verele kamu vagi geve amai agiao. Jerusalema ai geve amaio thaonai,ila rupuna,evanelia aurana,e rupu vele rana geva gele rao e gegapi rage rao,Palau iavuna ila elerai eva magaiao gauri maparari gevara vara agiao. Namu wanai au apuna,ia eve vauna aunao (believed) ia Parisea (Pharisses) oleana auna, erua la'aio,everenagio neiwao,'' Ila peritome mapegere gapi e Moses gena rova kapulenai pegere mauli veaina pa? Evanelia auri e rupu veleri gethoa avi avi ole, everenagi geuamagiao. Thori velovari mulinai,Petero erua la'aio evailarao,'' Wala avaku,mui ripamui ora namana pevanagi mulinai Palau gena ririwa mui thaomuiai evamagaiao,thau murukuna muli muli (gentiles) auri vali namana pige amonagia,e pige gapi ragea. Palau na aunilimalima thaona eripatha ni,ila elerai eve vamagaio vea'a palauna evenirao,ia elerai eva magaiao veaina. Ila e ia nuanua rai veware apua ne'e vawala,ila thaori veva auna auna na eole vethaleva rao. 0 Wa ra'agauna Palau go ala ovoania,pe,pene waveaina thaonai ekalesia auna apua gaigonai walo pa'ara vapaiao thaonai pa'ara kereao veaina pa? 1 Namu ia peveva auna auna ia Iesu Keriso gena veuga thaona na vevamauli perawalia,ilana gerawaliao veaina.'' 2 Aunilmalima maparari noai gegalavu galavuwai,geamonagi amonagi wai Barnabas e Paulo na Palau gena iavu eva magaiao,muli muli (gentiles) auri elerai ila raligoi thaorana. 3 Thori gerakwa uariao mulinai,James eve vano'o neiwao,''Wala avaku, thau igo amonagiku. 4 Simon na peilagia,Palau na ma manai muli muli (gentiles) auri veugai eva avari pe ila thara ri pige maga'ai. 5 Peroveta thorina ethori ila geapuna ni,evealo auo, 6 'Egau mulirai thau pana velavu ulewai,e Tavita (David) gena rama rama pana mi varua la'ai waia,eeolovo lovo gauna;thauna ia gena vevai pana varua la'ai waia, 7 pe aunilimalima maunena na Velegaua pige avua,mulimuli (gentiles) auria mai thau tharakuai pige gogori.' 8 Velegaua na ethoriao,eulavunu pogo vawalari gauri ila rauvagi gemagai kunekune nai vagi. 9 Gaurai thau geku uamagi thaonai mulimuli (gentiles) auri Palau geva ai venia ni auri piana vawairi. 0 Namu ila alo alo ai pe varipa ri egau elerana pige thoa gerevagi,kaiva kuku,ma'aporaga,pae waregari virogo e lala ri pigene gani. 1 Repana Moses gena rova evanua mapararai eveoruni kunena na vega pene veamai egaroa, tapati garori mapararai roeve oruni.'' 2 Thori mamilagiria genamao,evanelia auri e rupu vele ria,e rupu maparana na Judas,tharana apua Barsabbas,e Silas,ila raligoi rupu veleri,gevirigi rao geu'urao Antioch ai,Paulo e Barnabas mai gethoao. 3 Ila eveaina gealo aloo: '' Muli muli (gentiles) aumui Antioch ai,Syriai,e Ciliciai goaluni maparamui thai gemai veva nama gau'u thawaiani,thai mui wala avamui,Evanelia e rupu veleri Jerusalemai. 4 Repana thai ga'amonagio aunilimalima vairi thai thaomaina gethoa raio,nori thaina gau'urao,geria veva ripa thaorana mui palaumui geva vi virao, 5thai mamilagi mai pegemi nama,uamagi mai pege apuna,au lu paga virigiria gau'urana pige thawai elemuiai gera melo ulamagi lualua ila,Barnabas e Paulo pige thoa kwaru ria, 6eau lualua geria mauli galamari noai gevairi ia gera vele Iesu Keriso pakunai. 7 Gaurai Judas e Silas ga u'urana,thorina mo mapige vailamui ila mathari ogelarai. 8 Vea'a palau na e thai elemaiai nopenama iwa vagi,mui tha'amuiai meau meau pigana ole au: 9pe egau thaorana pigo veole gerevagi,gauri era; kaiva kuku,lala,gewaregani gauri,e ma'aporaga maulina.Pene mui egau veairi thaorana pigo veole gerevagi,mui gemi mauli pene nama iwavagi.Emau.'' 0 Geve u'ulovo lovo oole, ila gethoao Antioch ai; u'uma geva koukou rao,aloalo getouao gauna geveni rao. 1 Aloalo georuao,ila gevereleo repana vevailiga thoriria pakurai. 2 Judas e Silas,e peroveta aurana mai,wala avari thoriai geva gauarao e gevailigarao. 3 Gagova gelena wanai gealu agiao,ila ulamagiai e maino ai geu'u lavu ulerao. 4,35 Namu Paulo e Barnabas Antioch ai gealu waio,geve varipa wai,Palau gena thori gewapa'a agiawai (mavairia ila). 6 Garo viravira mulirai Paulo na Barnabas evailao,'' Elavu ulewai vanua mapararai iana Palau gena thori ave oleao kapuri evethoa ia aliri.'' 7 Barnabas eririwao thaonai Ioane (John) thara apua Mareko (Mark) mapige vaia. 8 Namu Paulo na euamagiao thaonai nori nama,repana thoa ma manai ila Pamphylia ai eve kaliwani rao,ulavunu ne'e vaguguluao. 9 Ila vevau'u ewalao Paulo e Barnabas enai geve ware ole,Barnabas na Mark evaiao palai na geravuo gethao Cyprus ai. 0 Namu Paulo na Silas evirigiao,wala avana vairana Velegaua gena veuga thaonai geva iligao gethoao. 1 Ila gethao Syria alimaparana maparana gethoa agiao e Cilicia ai,rupu geva iligarawai e geva gauarawai.