Iconium ai ewalao gauna era,Paulo e Barnabas rupu thaonai gethoa oa koukouo geria thori olemarai,Jews e Greek aunilimalima ri vogo vagi geve vauna aunao velegaua elenai. Namu Jews aunilimalima ri ila nori karo veamonagi auri ilana mulimuli (gentiles) auri ila geveni waipo rao vewala ava elerai mamilagiri geva ra'avarao. Ila wanai gagova iarau gealu agiao,Velegaua iavuna thaona na, Keriso valina namana gevara vara agiawai.Eolema eva magai awai pe, Paulo e Barnabas imari thaorana vailia e iaia mave vakali agiri gewala wai. Namu vanua aunilimalima ri geve ware avalua ole; vairi Jews geria na gethaoo,vairi Paulo e Barnabas geria na gethaoo. Muli muli (gentiles) e Jews auri mageria vevaripa auria ila,vevara'ava valavuna apuna gemi rage agiao thaona na vauna pige rapari, namu evalavu geripathao,ila gekalio gethao Lycaonian alimapara ( city) nai,Lystra e Derbe vanuarai,e epiepi vanuarai, wanai ilana vali namana ge wapa'a agiawai. Lystra vanua nai,au apua ia gaegena noai iligari,ia kau kua ewalao,ia ne'e thoa wai, Eauna Paulo ethori thori wai eamonagiao.Paulo ma'ana eau elenai gegarao,eia iliao gena veva auna auna na ia pene nama. 0 Thaonai eau Paulo na evaila egogo veniao,'' Ono rua la'ai gagemuai.'' Eau erulu la'aio thaonai ethoa laiwa laiwa wai. 1 U'uma mapara rana Paulo na evailia eva walao geiathao,ila karorai gethori kamu kamuo,Lycaonia karonai, '' Palau pege mirivo ia elerai aunilimalimai.'' 2 Wanai ila na gethara vaorao Barnabas ''Zeus,'' e Paulo '' Hermes,'' repana ia thori eva repao gaurai. 3 Zeus geria rupu velena,eau ia gena rupu vanua mulinai poroma kau e rina'a eveamai agirao vanua thoa oa thoa oanai;ia e aunilimalima vogo vagi geririwao veveni gauri pige veveni agiri. 4 Namu evanelia aurana ethori geamonagi ao,ila geria rapua gerale rao gethao u'uma thaorai geve thoa oao,geve agi gogo rage ole, 5 ''Aunilimalima na ra'agauna eolema gova magaiani? Thai mui aunilimalima veaimui.Thai na vali namana gavara vara agiani mui elemuiai,gavaila muini egau noai ganiri thaorana pigo va'ai wai Palau pigo avua,auna na kupa,alimapara,rawapara e ila thaorai gemagainia gauri maparari ealarao. 6 Rigolo ri pege vanagi thaorai aunilimalima geria ririwa eva geleao geria ririwai gemauliwai. 7 Namu veaina mo,ia ma'au ilagi lovo lovo na,ala nama eala agiao kupa naluna evenimuio e lagani roari magani ri evenimuio,thaomui gani gani na e verelena eva vonurao.'' 8 Lewana ethorina,Paulo e Barnabas na aunilimalima geria veveni gaurai geva wai avarao. 9 Namu Jews vairi Antioch e Iconium na geve amaio,u'uma geva galagala rao Paulo vauna gethapa maeao,gelolo raiao vanua mulimuli nai,ila geria uamagi ai ewaregao. 0 Ekalesia aurana Paulo gerua makeao,ia ela'aio vanua thaonai evethoa oao.Rapa eluvao,ia Barnabas goi gethoao Derbe vanuanai. 1 Evanelia vali namana wanai gewapa'a agiao auniimalima vogo vagi ge ekalesia ole,ila gelavu ulewaio Lystra vanuanai,Iconium ai,e Antioch ai. ²² Ekalesia aunilimalima ri palau ri geva iliga rawai,geria veva auna aunai pige rua iliga iliga,negeiwai,'' Vi vi vogo vagi thaorana ia Palau na Basileiai peve thoa oa.'' 3 Rupu gethoa oarao rupu rai vevai auri gevirigi rao,gegani waka wai e geveni vuavua koukou wai, Palau gegapi rageao auri Palau gena veraramani thaonai geva iavu oarao. 4 Pisidia na evanagio gethao Pamphylia ai. 5 Palau gena thori Pergai gewareao avana na, ila gethao Atalia. 6 Wana na ila palai na geravuo Antioch ai gethaoo,Palau gena ulavunu avanai geva guguluao. 7 Antioch ai gekwarao rupu maparana geva koukouao,Palau iavunai gewalao gauri maparari ge vara vara agirao,e Palau na muli muli (gentiles) auri geria veva auna auna avaga'amari ra'a eala pa'a iwa rao olemana. 8 Enai ekalesia oleana ila vue vogo vagi gemauli kou ole.