Elaganinai mo Heroda vele na ekalesia vairi tha'arai ia imana eole auao,pe iana pene vara'avari. James,Ioane wala avana veali pauna na evagiao. Eolema ewalao thaonai Jews auri gevereleo,ia thara para eavuwai Petero mapene ligoa.eolema ewala wai wara parawa noai mulamulana (unleavened bread) laganirai. Petero eligoao mulinai,tipura numai eveole oathao,veali auri veia ma oleari vaivai egapirao ia geiama'awai; Heroda na uamagi ealao wara,Paseka velewana mulinai aunilimalima elerai pene veamai agia. Petero tipura numa thaonai ealuo,namu gena geveni vuavua wai ekalesia aurana rupu thaonai. Rapa pene luva Petero pige va'aithoria poginai,Petero ia veali auri lualua ivua para rai emauo,imana lualua geleke anirao,thaonai veali auri vairana avaga'ama kamunai geruao tipura numa geiama'athawai. Nori rau rau,Velegaua gena aneru apua ia elenai eve vamagaio,ia emauo ovuanai ematha'ao.Petero moimoi na ekoriao e evaoao neiwao,'' Ono laai lele,'' thaonai ia imana na leke ani (chains) ge eo vagio. Aneru na ia evaila'' Rapua ono ligo ri e gemu gage tamaka ri ono ligori.'' Petero evailao veaina eala auo.Aneru na evailao,''Gemu ligo tha'ai ono ligo ragea e thau mulikuai ono thoa.'' Petero aneru mulinai ethoao e evethoa raio mulimuli ai.I nori ripana aneru na raa ulavunu ealawai namu wape auna auna.Iana euamagiao thaonai ia ema'a vanagiwai. 0 Veia ma auna reparepana gevanagiao e lualuana auna,gevanagiao avana na auli thoaoa thoaoa nai geve amaio,eavaga'amana vanuai pono vethoa oa; ia ma'auna geregana eve alapao.Ila gethoa raio e tharapara apuana geverivo ole,wanai ia aneruna ekali waniao. 1 Thaonai Petero valavuna gemi nekao,neiwao,''Evanamo thau pami ripa auna auna Palau gena aneru peu'ua Heroda imana thaona na thau pe gapi vagiku,e Jew aunilimalima rana geuamagi raramaniao gauna thaona na.'' 2 Ia eveuamagi rawalio,ia ethao Ioane tharana apua Mark inana,Mary gena numai,wanai u'uma vogo vagi gekoukouo geveni vuavua wai. 3 Ia avaga'amai epitipitio,veala veni iaona tharana Rhoda eveamaio avaga'ama pene alapatha. 4 Petero karona eamonagi iliao,verele na egapiao ava ga'ama nee alapathao namu ia eve ravu oao ovua thaonai; vali eve rakwao neiwao Petero avaga'amai eruao. 5 Thaonai gevaila iwao, ''Goi awa awa.'' Namu ia ila evevau'uwai auna auna na'a wapani.Ila negewao, '' Na ia gena aneru.'' 6 Namu Petero ne pitipiti rakwa uari wai,avaga'ama geala pao laganinai ia geia rawaliao ila geve vakalio. 7 Petero imana na vailia eveni rao pigono galavu,thaonai ila evaila rao Velegauna ia ra'a evairai iwa tipura numa thaona na olemana maparana.'' Ia neiwao,James e ia wala avari pigo vailari pewala gauna.'' Ia ethoao makapu apua ethoa veniao. 8 Rapa eluvao veiama'a auri thaorai thori thori waua vagi ne'e magaio Petero elenai. 9 Heroda na ia eavuao ne'e rawaliao,veiama'a auri erenagi thao thori namana waua ne'e magaio,veiama'a auri maparari Heroda gena rova gelegelenai warega gerawaliao.Petero Judea na ethao Caesareai wanai evealuo. 0 Evana Heroda vele gena paru ekamu vagio Taira (Tyre) e Sidon aunilimalima ri elerai.Ia elenai gethaoo valavu apunai mo,e vele gena napa tu geva galagala rao,ila pene va'avari,ila maino genogiao repana ila ganigani vele gena alimapara na gerawaliwai. 1 Garo apua eve virigio garonai Heroda vele gena vele rapuarai everapuao e gena vele alu au na terona na tha'anai ealuo; thaonai ethori venirawai. 2 Aunilimalima gemakala wai,negeiwai,'' Ewara Palau apuna karona,nori aunilimalima.'' 3 Vagana vagi Velegaua gena aneru apuana ewariao,repana iana Palau vevarage ne'e veniao;ia rimorimo na geganiao mulinai ewaregao. 4 Namu Palau gena thori ekamuo e ethoa lovo lovo ole. 5 Pe, Barnabas e Saulo geria ulavunu geva gavu vagiao mulinai,Jerusalema na gelavu ulewaio,avanai gevai auao Ioane (John),matharana apua Mareko (Mark).