Veala veni auri e vewala ava Judeai gealu wai geamonagio avapaa(gentiles) aurana maina Palauna thori gerawaliao. Petero Jerusalemai emi kwarao laganinai,peritome(circumcision) oleana apuana gevaila raava raavao; negeiwao,'' Peritome noai gegapi auri ove alukou agirao e gove gani gani kouole.'' Petero na raagauna eveaina ewalao ganina maparana evailarawai, ''Thau aveni vuavua wai Joppa vanuanai thaonai,thau amaavanagio maua apua emi rivowai,no pili avaa gagena riki ava vaivai kupana emirivo ole.Thau elekuai emi rua alio.Thauna amalel agiao thaonai avalavuao.Magani gageri vaivai,olopu magani veleri,gevirini gauri,e kupa manuri. Thaonai karo apua aamonagiao neiwao,'Ono laai,Petero; ono vagiria e ono gani.' 'Thau naiwao,Noaia,Velegaua;repana nori vethaleva e nori veaa gauna waua thau pokakuna nee toa oa.' Namu kupana wakaro maeve lavu ule waio, ' Palauna raaga pethaleva gauna goina poono ilagia ia iaraava.' 0 Eolema vaga oioi ewalao,thaonai gau maparari gelavu ulewaio kupai. 1 '' Noai gagovana thau aaluwai numana vilanai au oioi geve thalowai; ila Caesarea na geve amaio thau gethoa venikuo. 2 Veaa palauna na thau evailakuo veaina thau ilaria gathoao,ila elerai veware thauna paana ala ripa.Vewala ava auri aula oioi thau gekwarukuo, auna gena numai gathao. 3 Thai evaila maio ia gena numai aneru na ia evailao olemana,neiwao,au lu ono uuria igethao Joppai Simon ia tharana apua Petero igo vevaia. ¹⁴ Iana mui vali namana apua pene mi vara venimui thaona na goi e magemu numa auri veva mauli pigo rawalia.' 5 Thau thori raa vagavu vagia thaonai rauvagi veaa palauna ila thaarai emi velavu gaao,iana arawaliao ma manai veaina. 6 Velegaua gena thori avalavu thao rao,neiwao,'Ioane ia naluna peve papasito; namu mui veaa palaunai pigo vepapasito.' 7 Pene Palau na goi e thau evenirao vevenina mai ila evenirao thaonai ia ave vauna aunao Iesu Keriso elenai,Thau wa riai,pe thauna Palau ana vawaia?'' 8 Ethori geamonagiao mulina ila thori waua noai geilagi lavu uleai,namu Palau geva rageao negeiwao,'' Palauna wala wai maulina avapaa(gentiles) auria mai peveniria.'' 9 Setepano gena waregana aunilimalima eva kali lovo lovoa geule gethoa geve alu Phoenicia,Cyprus,e Antioch ai Jews mo aunilimalima ri Palauna thori gevara veni rawai. 0 Namu vairi Cyprus e Cyrene,na geve amaio Antioch ai Greek auria maina gevara venirao,Iesu Keriso valina geiagi lovo lovoa wai. 1 Palau imana ila thaarai; aunilimalima vogo vagi na gegapi rageao geva ai waio velegaua elenai. 2 Jerusalema rupunai valiri emikwarao,Barnabas geuuao ethao Antioch ai. 3 Ia ekwarao laganinai Palau vewaana eiathao,ia evereleo e evailigarao velegaua thaonai pige rua mathaori maparari. 4 Repana ia au namana e veaa palaunai evonuo e magena veva aunaauna,e aunilimalima vogo vagi ekalesia maulinai gethoa oao. 5 Barnabas ethoao Tarsus ai Saulo pene avua ulanana. 6 Eve rawaliao laganinai,eve vai maiao Antioch ai.Eolema ewalao Saulo,Barnabas e Iesu gena veala veni auri ila rigolo apuna guguluna gealu vepaao noai geve iawai,pene thao Barnabas na Saulo eve vaiao Tarsus ai.rupuai gemi koukouo uuma geva riparawai.Iesu mulinai gethoawai (disciples) auri ila ekalesiai(Christians) ai gegogo ma marao kapuna Antioch ai. 7 Elaganinai peroveta auri vairi Jerusalema na gemi rivo ole Antioch ai. 8 Ila apua tharana,Agabus erua laaio ia veaa palauna na evaripao neiwao,ealimapara maparana rogena pene rawalia.Rogena ewalao Claudius gena vele laganinai. 9 Pe Iesu gena veala veveni (disciples) auri apuri apuri,geria veva'ava geuurao Judeai wala avari elerai. 0 Ilana eulavunu gevarepao; au kakamuri (elders) moni geuu venirao,Barnabas e Saulo elerai geuuagirao.