¹ Gaurai, repana ia eolea (ministry) agapiao, e ia venuavi arawaliao ia piana moira. ² Ia gera olema vevuniri e opi matha tharapara ri aruathao. Ia karoveraveai noai amaulini e Palau gena thori noai aulaula agiani. Auna auna aveveni agiani, aunilimalima maparari elerai aveilagi raini Palau vilanai. ³ Namu pene iana vali namana vekanagavu, ia evekanagavu ni gewaregania mo auri elerai. ⁴ Ila geria avanai, e alimapara Palauna na ila thaori eva apuapurana. Ganina gerawaliani, vali namana mathaana e Keriso vewaana noai geia ni, Palau iaiana e ralewana. ⁵ Thai maaumai noai gave ilagini, namu Iesu Keriso ia Velegaua, e thai mui gemi veunagi auri Iesu pakunai. ⁶ Palau neiwao ''Mathaa muuna thaona na pene lala rai.'' Ia ia thaorai emathaao, Palau gena vewaa e thaoneka mathaana pene veniri Iesu Keriso vilanai. ⁷ Namu erinaa kopala ulori thaorai gaolerao, pe eiavu emagaivagini ia Palau gena nori thai gemai. ⁸ Tharapara irau irau thaorai vi vi garawalini, namu nee vavanagimaini. Thai evailigamaini namu nori mamilagi raavai. ⁹ Thai geva raava maini namu nori gerua muligi maini:geva eomaini namu nori gelovo maini; ¹⁰ Iesu Keriso gena warega aunipara maiai garoagi laiwa laiwani, pe Iesu gena mauli thai aunipara maiai pene vevamagai. ¹¹ Repana thai maulimai aumai wara Iesu pakunai waregai gathoa vanagio, pe Iesu gena mauli thai auniparamai ai pene veva magai. ¹² Pe warega thai elemaiai eulavunu nia, namu mauli mui elemuiai eulavunu nia. ¹³ Namu ia elerai veva aunaauna palauna apunamo evealo auo gelegelenai: ''Thau ave vauna aunani, e thai athorio. ''Thai maina gave vauna aunani, pe thai maina gathorio, ¹⁴ Repana ia ripari Iesu Velegaua evalaaiao auna na mai ia pene valaai ria Iesu ila e muiria pene vevai mairi ia vilanai. ¹⁵ Egau mapararia wara mui pakumuiai, pe veugana na aunilimalima vogovagi ethao venirana pe vevanama pene kamuvagi Palau vewaana pene kamukamu. ¹⁶ Pe pigono moira. Lewana auniparai ia agavuvagini, namu ia thaorai ia ave vavalivuwai ni garo mapara rai. ¹⁷ Evi vi malaga malagana ia eala maavurana vewaa meau meauna apuna eneveamai noai oruoruna. ¹⁸ Repana iana nori aiarana gauri peavuri, namu noai aiarana gauri peavuri. Aiarana gauri ila mageria ika, namu noai aiarana gauri ila mia vanagi vanagi.