¹ Thai e maaumai gave varageni pa? Thori vevarage aloalori mui gemi na pa thai gemai na iana noai aririwarana, vairi gealani veaina, ia veaina aalani pa? ² Mui geregamui ia gera vevarage aloalori, ia kutourai geve aloo, aunilimalima na georu rana e geripa rana. ³ Mui pigo veole magai mui Keriso gena aloalo apua, thaina gami oleao. Ia nori inika penina evealo o namu mauli Palauna palauna na ealoao. Ia nori vau kuiniani thaarai eve alo o, namu aunilimalima kutourai evealo o. ⁴ Keriso thaonai enuagaua thaina garawaliao Palau vilanai. ⁵ Ia maauri piana vegapi rage egau maparari ia elerana geveamaini. Namu ia gera vegapirage peiatha thaonai Palau elena na pene veami. ⁶ Ia wara Palau na ia olerao ilagavu valivuna gena ulavunu auri. Eilagavu peiatha thaonai ia nori aloalo ai namu Veaa Palauna thaona na. Repana aloalo pene veva warega namu Veaa Palauna ia mauli eve veni agiani. ⁷ Evana warega eva walani ulavunu na-aloalo vauai geve aloauo-ma vewaa vewaa na, evewaa na mai Israela nauna maari ewathao Mose vilana ia amumugavuna mai egauao. Repana ia vilana vewaa na pakunai, evewaa mai elewa lewa wai. ⁸ Veaa Palau na gena ulavunu ai wa raa vewaa iwana pene magai? ⁹ Pene veva raava ulavununa magena vewaa, pe ala thakwa thakwa ulavunu na vewaa na ma ari kamuna pene magai. ¹⁰ Wagaro rai vewaa emagaiwai, namu vewaana egaroa egavu vaginia repana evana vewaana na evanagiani. ¹¹ Pe, pene gegavu vagini gauri ma vewaa ri, pige mia vanagi vanagi gauri thaarai vewaa ari kamuna maperemia. ¹² Repana ia elerai veraramani apuna emiao, ia mailigari. ¹³ Ia nori Moses veaina, vilana rapua na eole gavua wai pe, Israela nauna na wa vewaa egavuvagi wai noai geia gugulua wai. ¹⁴ Namu ila thaori vekanagavu. Pene veamai egaroa ila gavu kuinena georuani thaonai, wa vila rakwa gavu rapuana roemiao. Ia nee veala vagi, repana Keriso mo thaonai ia pene veala vagi. ¹⁵ Egaroa mai veaina mo, Moses gena puka georu rana thaonai rapuana (veil) ila thaori ekana gavurana. ¹⁶ Namu pene auapua Velegaua elenai eve amaini thaonai, erapua (veil) eve ala vagini. ¹⁷ Evana Velegaua wara Veaa Palauna. Palau palauna ealuni avanai wara mauli noai voina. ¹⁸ Evana ia maparari, vilari noai rapuari, Palau vewaana peiatha. Ia ave potho vanagio wa vewaa vewaa veaina, apuna na alaarageo maapuarai, Velegaua elena na, ia Veaa Palauna.