¹ Ia ripari pene gera numa alimaparai aalu agirana numari pige velovo, Palauna ia numa gaua pene veniri. Enuma nori aunilimalima imarana gealao, namu numa mia vanagi vanagi kupai. ² Epalai numa thaonai ia avi vini, aririwani thaonai gera kupa rapuarai paara verapua. ³ Eia auamagi ririwamagiani repana peroagi auri thaonai ia nori auniparari ovari pige rawaliri. ⁴ Ia ethama thamai aaluni thaonai ia avi vini, e meau meau arawalini. Ia aririwani thaonai pe verapua. Ia peverapua,pe magena ika gauna maulina pene nokoa. ⁵ Egau ealamaavuao ia gera auna wara Palau, auna na ia Veaa Palauna evenirao Palauna na rogo pige wala gauri iavuri ia eveniao. ⁶ Gaurai vanagi vanagi valavumui pige iliga. Pigo uamagi thao iavanuai auniparai, ia mave paari velegau elena na. ⁷ Repana ia veva aunaaunai athoani, nori aveiani avanai. ⁸ Pe ia valavu iliga pa rawalia. Ia aunipara elena na pe gerevagi e vanuai Velegaua ila. ⁹ E iagera uamagi kamuna, lewana ia avapaai pa vanuai, ia pevanamatha. ¹⁰ Repana ia maparari Keriso gena vevaithori aluauna pe rua vila agia, pe ia apuri apuri auniparai anamao pa araavao voiri pene veniri. ¹¹ Gaurai, Palau kalinai akalini, iana aunilimalima apuurana. Ia raaveairi auri ia Palauna ia eia vethaleva vagirana,gaurai mui mai elemuiai pigo gapi vethalevara. ¹² Thaina nori mui gava galagala muini thai maigo ia waimai. Thai pigo varagemai ganina gaveni muini, pe auniparai gemagainia ganina pigo ia rawalia namu nori thaoai emiao gaunai. ¹³ Pene thai repamai geravu leao, wape Palau gena; e pene thai valavumai thakwa thakwai, epe mui ulamuiai. ¹⁴ Keriso gena ulamagina thai eva aiwaimaio, repana thai ripamai egau: Aunilimalima apuna ewaregao aunilimalima maparari pakurai, pe gaurai maparari gewaregao. ¹⁵ Maparari gavurai ewaregao, pe gemaulini auri ila maauri geria pigene mauli namu ia gena pige mauli repana ila pakurai ewaregao e elaaiwaio. ¹⁶ Egauri pakurai, evanamona pene thao aunilimalima gena gegelai piana vaithoria, repana Iesu vagaa eveaina ia ma uamagi venia. Namu evana iana auapua piana vaithori waia eolemai. ¹⁷ Gaurai,pene auapua ia Keriso thaonai ia peve valivuwai. Gau kuineri pege gavu vagi. Igo iatha, ila pege vevalivu wai. ¹⁸ Egau maparari wara Palau elena na geve amaio. Keriso thaona na ia ekapa wairao e vekapawai ulavununa ia evenirao. ¹⁹ Gauna wara, Keriso thaona na Palauna alimapara ekapawaiani geregana na, geria raava nee orurana.Thai elemai ai vekapawai valina eoleaa piga vevaripa agia. ²⁰ Thai Keriso gavunai gegapi laaimaio, Palau gena nogi nogi thai thaomaina euuao. Thaina mui ganogimuini, Keriso pakunai: ''Vekapawai ai Palau elenai pigo thao'' ²¹ Keriso iana eveveni agiao ia gera galama pakurai. Ia noai galamana auna. Eulavunu eawlao pe ia pethakwa thakwa Palau gena ia thaonai.