¹ Ulamagi aumui, Palau irau irau pigono va aunaauna ri. Namu pigo mamilagi ovori, pene ila Palau elena na geveamini, repana peroveta wapa auri vogo vagi pege thoa rai alimaparai. ² Eveainai muina Palau palauna pigo ripatha-palau mapararana Iesu Keriso pige ilagia Palau elena na eveamaio, eaunilimalima ole mui pigo ripa ila Palau elena na geve amini, ³ na Iesu Keriso nori Palau elena na eveamaio negeinia, mui pigo ripa ila nori Palau elena na geve amini.Ewara wapa palauri, muina goamonagirao geveamaini, evanamona rau vagi pege thoa rai alimaparai. ⁴ Nauku mui Palau gena, muina ila pogo thoa vanagiri, repana mui thaomuiai ealuni auna na,alimaparai ealuni auna eiwani. ⁵ Ila alimapara na geveamaini; wagauri pakurai ila na geilagirana gauri, na alimapara na geveamaini gauri,e alimapara na ila eamonagi venirana. ⁶ Ia Palau gena. Riai Palau eripani auna na ia pene amonagiri. Nori palau gena aunilimalima auri ia pigene vageleri. Eveairai iana aunaauna e raava aripatha ni. ⁷ Ulamagi aunmui, maavari pe veulamagi, repana ulamagi Palau genana na eveamaini e geve ulamagini auri maparari,Palau thaona na gewalani e Palau geripathani. ⁸ Nee veulamagini auna, ia Palau nee ripathani, repana Palau ia ulamagi. ⁹ Eulamagi pakunai, Palau gena ulamagi ia nuanuarai eva magaiao, Palau nauna wala geregavagina euao alimaparai eveamaio, ia pakunai ia pemauli. ¹⁰ Eulamagi thaonai, nori iana Palau aulamagiao, namu Palau na ia eulamagirao, ia nauna euuao ia gera galama pene ilagi wairi. ¹¹ Geku ulamagi aumui, pene Palau na ia eulamagi rao, ia mai maauavari peveulamagi. ¹² Auapuana Palau peene iatha. Pene ia maauavari aveulamagini Palau iathaorai ealuni,e gena ulamagi thakwa thakwa vagi ia thaorai. ¹³ Eolemai ia aripani ia Palau thaonai aaluni, e Palau ia thaorai ealuni, repana Palau na veaa palauna iavuna iari iari ewarevenirao. ¹⁴ Veaina mo iana aiathao,e peilagi lovo lovoa auri ia, Palau na nauna euuao ealimapara pene vamaulia. ¹⁵ Riai ethori raini, Iesu Palau nauna auna thaonai Palau ealuni,e ia Palau thaonai ealuni. ¹⁶ E maina,ia aripao e ave vaunaauna ni Palau na ia eulamagirao. Palau ia ulamagi,e ulamagiai emaulini auna, ia Palau thaonai ealuni,e Palau ia thaonai ealuni. ¹⁷ Wagauri pakurai, eulamagi ia thaorai eve ole vethalevao pe, veva aithori garonai ia pene vailigari repana ia iamo,aua genana na peene thao, ia alimaparai amaulini auria mai. ¹⁸ Ulamagi thaonai kali nee miao. Ulamagi iwavagina na kali eilagi vethakawa oani, repana kali iavu pene vevua. Namu ekalini auna ia ulamagi thaonai ree veole vethaleva. ¹⁹ Ia ave ulamagini, repana maamanai Palau na ia eulamagirao. ²⁰ Pene aua pene ilaiwa, ''Thauna Palau aulamagiani,namu ia wala avana eguruguani ia wapa auna. Repana ia wala avana eguruguani auna eiathani, namu Palau nee iathani raa pere ulamagi iwa. ²¹ E maina, erova wara Palau elena na eveamini: Riai Palau eulamagiani auna, ia mai wala avana pene ulamagia.