Ioane Pina vake - Aua ovara 4
1
Na umu a'a uriria , onomo uriria pa miki e'eai. Ai , ou onomo uriria ipi emei oro Eloi au merea , uku e'evae epo a'a aira mikiou mere ei pani va'au laruai .
2
Eira mere ni ipa liaka Eloi nu avaea . Enei uriria miki ei ai Iesu u kape ane kae upai ai u Eloi au mere ane a ,
3
ai ekei a'a oro Iesu a miki e'e apea u Eloi au mere anea . Ou a'a kaupu oro ai'ipunu onomo , oro ua kae upai ane omoro virie , ai Iesu ou ane ei pani va'au laruai .
4
Ni Eloi au mere anea , noro u ukua lakea , onomo lipi iki e'epe , uku noroau u Eloi nu onomo iaa nomu larua u upa lia . Ai omu onomo u mau lia e'evae epo iki oro .
5
Ou evae epo iki oro mei pani va'au nu iki , ai oroa kurua omoro u pani va'au nu omoro kurua ka'a pani va'au nu viriai .
6
Ene Eloi au mere , eki a'a u Eloi ipa u ene omoro viria ka Eloi nu omro ene au mere . Ei oparai ene ipa lia ka miki nu onomo mo evaee nu onomo.
7
Na umu a'a , ene nane umu mia aku navai , umu rokoa u Eloi au mere anea, mo eki a'a u Iesu Eloi u nu ukua ama umu li, u Eloi mai oroou ipa li .
8
Eki a'a u rokoa laruai umu eria ana u Eloi ipa pea , Eloi u umu Eloi .
9
Oura mere u umu ikii kave enei aiai, u ukua Iesu oivirie ane ei kae u pai eni aiai .
10
Ei umu laruai , Eloi ama umu lia pea , ai Eloi ua ene au umu lia , mo u ukua oiviri ene namea aiai irike upai imue .
11
Na umu a'a , Eloia umu lia ane ene aiai ,ene oko umu li ene nane .
12
A'a mo u Eloi a oiapea , ai eneia ene nane umu lia voana , Eloi u ni nai ene laruai , mo ou umu u umu ima enei au .
v 13 Ou rokoa ene ipa lia ka Eloi u ene ane ene Eloi ane , u onomo ima ou akuea .
14
Mo ene oiaka miki e'eaka mai u ukua oivirie enei iakavai .
15
Koa nama miki e'e Iesu u Eloi nu ukua , ou a'a u Eloi ane rokoa mo Eloi nu uane rokoaa ka .
Oura mere , ene ipa lia ka mo pirima rokoa ka Eloi nu umu ni nai enei aiai . Eloi u umu , eki a'a u pirima rokoa umu ane u Eloi ane rokoamo Eloi u ou a'a ane.
17
Oura mere , ei umu u akuru miki kariki keia enei aiai, uku eneia iviri miai ou lare ama ane Eloiinu ane ane lare , ene oparai monou ama rokoe , o ene kae upa nu opara ama rokoe .
18
Oura mere umu kore eria . Ai , umu anana iki oro kore liaka uku Eloi nu omoro korepe iki oro Eloi un paku ane ane e oiaaka . Ai ekei a'a u korea a rokoe pe ou umu anana pea .
19
Ene umu lia uku Eloi pina umu lie aiai .
20
Ekei a'a nama kurui,'' na Eloi umu mo lae '' ai na a'a lari ou a'a u euae a'a . Ekei a'a u a'au umu apea , u ou oie , u Eloi au umu eria , ai a'a u u a'a inamu oiapae a'a u Eloi au pirima rokoa a'a .
21
Oura mere , ai omoro ou vupu voa Eloi au mere, eki a'a u Eloi au umu ana u ua'a oko uku lia lae lia .