Ioane pinavake - Aua ovara 3
1
Inamu oi, mai u eka opara umu ma akue, ouramere ene Eloi nu ukua lae alau makeia, oua'a ene eira'ai. Ei voaiai panivau u enei paua, uku u Eloi ipapea.
2
Umu a'a e ene emuki Eloi nu ukualakea, ai aiki'i kapea ene kono opara miki ma lima'a. Ene ou ipa lie, Ioka Amua iki'i liane, ene u opara lia ka'a, ene u oia ka'a uoparai.
3
A'a ama mikie'e kei ei voa oro au u akuru miki. U nu opara.
4
Ekei a'ana namea ma kariki'i, u vupu vepea, uku namea u lipi.
5
Ni ipalikeiai Ioka Amua oivirie namea laiokavai, uku uau namea eria miki.
6
A'a u koa u laruai rokoa a'a u namea ama lia enamakeia kapea, a'a u koa namea limakei a'a u u ama auokuakapea.
7
Na a'a ima'e a'a mo kapea lipi vake'e apanirae ena mokiai anana rokoa a'a u rokoa ima, uku Ioka Amua u rokoa anana miki.
8
Ekei a'a namea ama kariki'i ou a'a u avaea upu mere uku avaea upu kae kariki pani u namea lie. Ouaiai Eloi nu ukua u ikilie, uku ou avaea upu nu iaki vepekea ka'a.
9
A'a u koa Eloi mere kinia a'a liane, u namea ama limakeia kapea uku Eloi nu uru u laruai keia.U namea ama limakea kapea uku u Eloi au mere anea.
10
Ei pani'i Eloi nu ukualakea mo avaea upu nu ukualakea ou upurukie. A'a ananai rokoape a'a u Eloi au mere ape, mo u a'a varemo au umu apea.
11
Ei omoro virie e'ea pani'i ene miki'i umuakanavai.
12
Ene Kaina'n opara apa miai, u avaea upu nu lae koravai u a'a mo ua ave, oi miki aiai ma ave? Uku u iaki u avaea upu nu iaki, mo u a'a mo nu iaki ima.
13
Na a'a varemo lae aina apa miai, pani va'aua ni ama larili.
14
Ene ou ipalie ene imua mere rokoa ou mie, uku ene a'a umu. a'a umu okavape a'a u imua.
15
A'a koana u ovake, airavake umu liape a'a u a'a ava a'a. Ni ouipalie a'a ava a'a u opai rokoa eria uau.
16
Ouaiai ene umu ipa, uku Ioka Amua, rokoa aialiriave enei aiai, ou aiai ene rokoa a'a aiai ene a'a aiai aialiriai.
17
A'a kaeupanu mari mari a'a, ai u a'a ei ane umu kanie'e, Eloinu umu ekaoparai makei u laruai?
18
Na ukua oroe, ene umu aniomroe mo anae apa kuruai ai oparai mo miki'i.
19
Ei opara ene ipa ene [miki] au mere, mo ene ipa ene umu, u pakui.
20
Ene umu enei ama aumurui, Eloi u ene umu au mere venea miki mo u pei pei uriria ipa
21
Umu a'a e, ene umu ua enei amuruape liane, ene lae venea a'akiai Eloi.
22
Eneia pei mo aiai noki liane ene miaka'a ua mere, uku ene u vupu maika lia mo ene u imae'ea u pakui.
23
Ei vake u vupu ovara: eneia u ukua Ioka Amua ama mikie'e mo ama paiakanae'e,ua ei vupu miaku keia oparai.
24
A'a u koa maika lia u vupu rokoka'a u larua,mo Eloi u uau rokoka'a, ai voa ene ipa u ene laruai. ua miakue avaeai'i.