¹ Na ukuae,na ou aruku kikirimakeia niau ni namea ama lia ka'a pea,ai a'a moa namea liane ene kurua mai Iesu keriso ene anana a'a. ² Ai keriso u monou miki ene namea lai okave,ai ene namea monou apea,ai a'a uririanu namea. ³ Ou eiai,ene ipa ene u ipa liai anea eneia u vupu maikaliai. ⁴ A'a mo u kurua,''Na Eloi ipa''ai u vupu ama maika like pea u euae,miki eria u laruai. ⁵ A'a koana u omoro mia rokoane,u laruai Eloi nu umu mikia akuru e'ea ka'a,ai ene ipa ene u laruai. ⁶ A'a koana u a kurua na Eloi laruai.Uoko enava ka'a ua ena'a oparai. ⁷ Na umu a'a e,na vupu no'orema kikiria pea niau,u vupu eni'i nia viri ane vake ou pani.Vupu eni'i omoro nia virie. ⁸ Na vupu no'ore kikirima keia niau,u miki u laruai mo niau,uku muru u leiokamakeia,ai parea miki u eni'i parekie. ⁹ Koama kurui u pareai ai u ovake aira vake lari lia u murui emuki. ¹⁰ Ai u ovake aira vake umu oka'a a'a u parea laruai u oka kani mo akeia pea. ¹¹ Ai u ovake o aira vake lariria a'a u murui ikiria ka'a;u ipapea u enamakeia iki uku murua inamu ou muru omie. ¹² Na ni kikiri nia,ukua oroe,ni namea ou u'ue u noea. Maioro,na noro kikiri naia,uku noro ipa ou pina pani'i,na kikiri nima keia,a'a no'ore,uku ni opara lipi ou okoni kave.Na kikirie niau,ukua oroe,uku ni mai ipa. ¹⁴ Na kikirie niau,maioro,uku ni ipa pina miki'i rokoe a'a.Na kikiri nai e'e a'a no'ore,uku ni venea mo Amu anu omoro u ni laruai keia,ou voanu miki ni namea ou okoni okave. ¹⁵ Kae upa pa lae liai o marimari,ei kae upa umu oka'a a'a Mai nu umu eria u laruai. ¹⁶ Pei uriria miki ei kae upai-kapenu lae korava lipi, mo inamunu namea,lae lia rokoa Mai au mere apea kae upa mere. ¹⁷ Kae upa u lae koravane lei kimakeia,koa u Eloi nu lae liane u opai rokoa mia ka'a. ¹⁸ Ukua oroe,eai ika lare, uku nia virie euae a'a anema keia'a, ei pani euae a'a aira miki ou ane'e,ai eire ene ipa ei u ika lare. ¹⁹ Oro eneiau mere ere,ai oro eneiau mereapea . Ai oro eneiane liane oro eniau oiaka'a, ai oro ere'e u iki'i ka'a oro eneiau mere eria. ²⁰ Ai ni iva ane ia'a a'au mere . ²¹ Na niau ma ikiri nia pea uku ni miki paua. Uku ni ipa euae ama liaka pea mikiau mere . ²² Euae a'a koa vaukie Iesu u laruai ? Ou a'a u euae epo a'a , u euae lie mai mo ukua au . ²³ A'a u koa ukua euae liape liane u mai ane , a'a u ukua au akuru liane u mai ane . ²⁴ Ai ni , ou nia viria pina miki , ni laruai , ni pina miki ni larua u ni larua ukua mo mai . ²⁵ U ei avaea omoro mi akue - opai rokoa . ²⁶ Na ou kikiri naie ou aruku noro au , u koama pakui lia liakae oura ikiriai . ²⁷ Ai ni , nia uau mere mie ia'a ni larua , ni ipa nikiai ni a'a ama lae lia kapea ipa nikiai , ai u ia'a ana ipa nikia ka pei uriria u miki euae apea . ²⁸ Emuki , na umu ukua e u ane roko, ai ua iki'iriaka'a pani'i , ene kanii oiaii mo ene makiri ama lia kapea u pakui u aneai . ²⁹ Nia lae kora u anana , ni ipa , opara ima lia a'a uriria u aiai kinie .