Iouane pina vake Aua Ovara 5
1
A'a uriria u koa ei voa miki e'e ane Ioka u Amuau mere evere kie,ouriana eneia mai umu liane,uku ukua u mai au mere evere kie.
2
Ai oura mere ene Eloi nu ukua lakea ou umu lia eneia Eloi mai u mupu voa kauokiane.
3
Ei vake Eloi mainu umu;eneia u mupu kauokiane,eneia u mupu kauokiai liane ene mu'u mo ama auokua ka'a pea.
4
A'a u koa u Eloi mai au merema evere kima kei'i,ou a'a u ei kae upa o'o pea ka'a.Kopai liai ene kae upa ou o'o pe'e,ene pirima rokoai.
5
Ai kae upa komikiama o'o pe'e? A'a ua Eloi mai nu ukua Ioka Iesu,miki eane u ei kae upa o'o pea ipia.
6
Ei vake u eira ai ane'e ere mo aroe;Ioka Iesu u ane'e ai ere'e monou apea,ai ere'e oko eu mo aroe oko eu,uku avaea ia'a u voa miki kurua a'a.
Amuanu omoro iki'i kurua a'a kaupu ima.
8
Avaea Ia'a,ere,mo aro.Ei pei kaupu oro iaki monou iki'i like.
9
Eneia Eloi nu omoro kurua ena ane,Eloi u omoro enei au ovara lia ka'a.
10
A'a u koa Eloi mai au pirima rokoa liane,Ioka Iesua enei au lie ima iki'i kurua ka'a.Ekei a'a u Eloi mainu voa miki eape rokoa a'a u ouae mere karikie,uku u Eloi nu ukua Ioka Iesu nu voa a viria pea.
11
Naiau lie ima e'e;Eloi enei opai rokoa akue,ei rokoa u uku au keia.
12
A'a u koa ei uku ane,u rokoa ima laruai,a'a u koa ei mai nu uku ape liane u ei rokoa eria.
13
Ai na omoro kikirie ni eiai-ou voanu miki ni opai rokoa mia ka'a -nia ei voa miki eane Eloi mai nu ukua Ioka Iesu nu noe'e.
Mo'oko lae venea u paku mere,eneia pei mo u noe'e nanuku liane,ia'a voana kuru keia oparai u viri amia ka'a.
15
Mo'oko,ene ipa u enei viri aike-eneia pei mo eiai nanukuma liano-u ipa miakua ka'a eneia nanuku lia aruruku eiai.
16
A'a mo ua u a'a mo namea liane oi ane,u noki liai Eloi u rokoa miokua ka'a.oai,na namea li'i keia a'a noro nakia,noro nameai a imua pea.Imua namea mo ei keia,na nokima lima keia pea,u ei voa eiai noki liai.
17
Ananai rokoape rokoa uriria u lipi.Ai namea varomo ou keia ni ou namea eiai ama imua ka'a pea.
18
Ene ipa a'a uriria u koa Eloi au kinia rokoane namea ama lia ka'a pea,ai a'a u koa Eloi au kinia rokoane u iokai,namea lipi a'a u ama lipi ea ka'a pea.
19
Ene ipa miki ene amuanu eve poke a'a,mo ei kae upa u avaea upunu pairi.
20
Ene ipa Eloi nu ukua lae pare mi akue,uku ene ou ipa lie u miki.Ou eiai enei oko u laruai uku u miki u ukua Iesu laruai.Ei vake u miki opai opai Eloi.
21
Ukua oroe,nomu e'e iki'i aukia roko imunu lipi apa avioiai.