¹ Bada mi meme pemibe hafuaja angato nongo Maha ta akari ami nangota jo te hamo te kokombeto eto asuketo avo jo surumane mi Bada mi do itoko aja angoto nongo atora. eto avo Bada ta pure ue hamo visi ai meme hambija avo samuna amita jo ai mihaera. ² Eto amita tutumo avo, embo avo tofota meheri vuto pambatuja hamo visi ai mehetuja avo embo te uje ai mihae rate, Maha Otofu ta uje ai mehera. ³ Avora te nimo tefo mihie iji pemibe toa siro ohembari sasamuna avo ue. Wasiri engariko avo ue. ⁴ Amita jo ai enana mi oremboro re samuna eto ofora amita be amo nimo enana ka umoro ae avo embo, eto wasiri sasamuna ere ora avo ai horare avo embo avo eto nimo ihi teterora. ⁵ Avo eto totofo ta samuna do itoko ehera avo iji tutumo ai hietora. Sirikari embo ami eha te ambureri te avo sirikatuja. ⁶ Evi kouwe kito, ke Otofu avo hande arira, embo ambu pusikari ta, amita be avo hamo wisi eto enda embo angato sirikarira, rate, ahihi ta meheri avo ue kito, Maha otofu mi, tofota uje dekato kuja ai sirikatuja. ⁷ Rate donda betapata amita tutumo avo auvuruja. Ao eto siro munju jikamo akari ejo, orembari oremba ka tapa pare ejo. ⁸ Eto donda betapata amita jo ai embo eni tunga humbujo, no ivo ami no jo ami eto ahihi ami. Embo meni do itoko avo tunga humbatoa kito no samuna avo afuru katuja. ⁹ Vande pe no avo aferekejo, embo nimo kerite kiae te avo horare, eto ke mine mane timbuto atoa. ¹⁰ Nimo ufu tapa tapa Maha Otofu ta hande ofoa avo no kembe arimi eto otofu ari mi jikamo ejo, deki eni te koni te ai. ¹¹ Nimo Maha Otofu ta ke hande ari embo kito, Maha ta ke avo Maha Otofu ta ke avo ejo. Eto embo avo Maha ta pure Otofu uja avo to jo pure avo Maha ta ivo ari mi jurou ai. Nimo engato atoa kito, mahanga to, Maha Otofu avo humuha ora Bada Iesu ta javo ai. Eto avora Bada Iesu ta humuha eto ivo ari eha eto vuto pambuto eto Maha. ¹² Nau tofoufo eha erarako mane atoa, engekari eto i'i evekuruja avo kito, jeneki foneki mane atoa, amita be avo vevere evi no deki ai avo eha manera. ¹³ aAvo eto hanana atona, pemi be avo Bada ta meme kame hafoaja angato nongo hafuevuvena, avo eto hanana atona eto tunga akari atoa, amita avo iji tutumo ai Maha Otofu ta usasa hiou vatuja avo embo. ¹⁴ Nimo samuna ninae jo ra Bada ta javo ai, nimo avo akari ofoa avo kijo, amita be avo ahihi akari eto Maha Otofu ta ahihi avo hamo no ai. ¹⁵ Amita jo ai ke to arere nimo avo pekene embo mane ra, eto tina paina, saruka, tari kajari embo mane ra. ¹⁶ Eto embo avo bovu kavu kavu o mem hafuja avo kristen avo eto nimo mane memeki atoa, avo uje kito Bada ta javo avo jikijo vioi. ¹⁷ Eto iji vuto vuvija avo Maha Otofu ta sarika iji avo Maha Otofu ta embo meni tai ihikatora. ¹⁸ Eto embo ke be ija eto humora uja avo inono ae ija, amomo embo ke be eto humora ae uja amo dekato ore kau? ¹⁹ Avo eto embo avo meme kame mihija Maha Otofu ta ujei, no ke be ari eto no ahihi avo eto Otofu ue no ari embo Otofu be avo no akari ami.