¹ Eha nau jo ta be ke avo ungo umora vande ta tiri tiri jikeri ta harika tona. Namo re embo nimo ite, eto nau tiri emi Bada Iesu torore meme ufoi kiana. Eto humbano? ² Ningo avo Maha Otofu ta undi meni avo akairi eto simba evo. Enana re o sip anga simba ejo. Ningo hanana ga pure evi evo. Maha Otofu ta uje be ra. Mane embo eni ta vasiri avo ambo, ambo, ato a. Maha Otofu to pure ue mane pei humba ti ke atoa. No jo be jo mi tefo Maha ta pure avo ejo. ³ Ningo mane embo pepemi eto iharebei metoua varina eto ketoa. Ningo re vasiri akakari pere urovo kove ningo ambo, ambo are. ⁴ Ningo anga urove, embo betapa ami o sip ta mamobe ami vuvuto ungota tunga jamo, jamo ari eto mirei nanofo, eto samuna mine kapu amai metoa. ⁵ Ningo meni ehaha, embo pepemi ta hembo ei mihivo. Ningo betapa avo iriketo Maha Otofu ta pure ari embo ta hembai mihivo. Nango koraMaha Otofu pemi embo uguha javo pemi ufuora amo to uja. Rate embo avo nuha veto isoko euja avo Maha Otofu ta akari re amita ra. ⁶ Avo embo ningo betapa, veto Maha Otofu ta hembai metoa. Anga ue morovo Maha Otofu ta iji be hieri ami Maha Otofu nuha jikou iharei vihetoa. ⁷ Sasa muna pete avo Maha Otofu ta javoi oribevo? Maha Otofu ningo tumba umbatuja. ⁸ Sirika, sirika ue keti keti evo, Maha Otofu ta undi. Embo sova samuna re vaiketo holikakafa ga jorerure ereuja kivo. Maha Otofu ta undi meni avo humbati ue uja. ⁹ Maha Otofu, ta javoi ningo ivo, ino eto ukevo. Enjo hoi da,dai mere amore inonoi meme ufoi, ufoa, aniga kijo. ¹⁰ iji tufo be osaga, meme ufoa, Maha Otofu te mi ungo jake atuja. Bada Iesu, ta usasa akaribe ami hito aferekau, mireri naofo da ai metoa. Avoebbeto iji tufo be meme ufoa, amita avoi hora umbatovu. Nango ta kembe ari avo au surumanebe eto ukatuja. ¹¹ Donda betapata susu re Bada Iesu, ta ivo ari na nofo metuja. Avora. ¹² Bada Iesu na Silvanas ta higene ei ke kiki tufo be kakajuraja. Bada na ija, namo ei, ningo amo ingova uje ona re, Bada Iesu ta vasiri, tunga humbari tofota avo unga ta euja. Avo embo Silvanas ta ene ofaha eija. ¹³ Embo pamone da Babilon, ai serikaraja eto humbu to tapai jokaja, eto enena ta pekari jokaja.Tofo ta meni Mark bara pekiaja. ¹⁴ Enjo hoi tunga mineara humbuvo, no jo, be jo mi hanana evo. Maha Otofu ta peka ungora ra.