¹ Eha emita joi re, pamone ningo re embo ta hembai horeto avo embo avoavo atova. Evi uro avo embo emni peukvo ke ingaeuroro, enana re Maha ta ke joi mirae ra, totofo ta ari wasiri o ujiji ai. ² Eto re ke to a wasiri akari avo atoa. ³ Tojo tofota akari ami kokombeto asuketo au miretiuja. ⁴ Etore tojo jokomo jamu eto anga ahihi Otofu ka miroi. ⁵ Eto pamone ami ma iji Maha te Otofu be eto tofota ivu ta ke ambo ambo ue miauja. ⁶ Iji amire Sara na Abraham Otofu ue avo hama Otofu aja avora. Ningo re tofota meni undi ovs avora eto re pure wasiri akari ue avo amo joru ue miro ra ija. ⁷ Eto ango to nongo, ningo embo barako ningo ta aje ka tapai miva. Nine amore humora ue avo ami ta usasa o akari ambo ambo ara ija. Avo ato amo no pari re mane toataja. ⁸ Rate iji tutumore ningo betapata re nau ra nou tunga humbari ei nau nane nameni. ⁹ Mane overeketo samuna o pure sisae atoa. Eto re ma nanofo anga ue avo nango ta vuie ei jukuroro pambatuja. ¹⁰ Avo tunga humbari wasiri avo uje uja amo re ke hivivi sisae mane jikama atuja. ¹¹ Eto re pure sisae mane atoatoto pure akari pere ejo. Tojo peka hauvai. ¹² Maha Otofu ta tiri amire embo akari avo pere eto tofota onje amo re te hito mija nango ta penunu inge te. Rate tofota tiri pe amo re eni eto mija embo samuna ora ami ta ¹³ Embo avo nimomo meme mo hiou eto nimo akari mo hiou? ¹⁴ Rate nimo memekame umbatoa amo re akari avo umbati pambue ami atoa. Mane joru atoa nimo simba sisae uroro re. ¹⁵ Eto re meni Otofu avo no joi umbujo eto Otofu ejo. Eto re nimo re nigeti, ingeti ejo Maha otofu embo meni eto mijikorara ra nina. ¹⁶ Rate pure evi Otofu atoa. Akari avo nina eto avo mireri akari avo umbatora. ¹⁷ Eto amo re akari, eto Maha nanofo ta tungs humbari, meme kame avo ufue. ¹⁸ Meni Otofuna meme kame ufuja amo re nangota samuna ami ta hamoi. Amo re samuna ambu tefo rate nango avo embo. Amore embo akari ami nango umbuto Maha otofu ta pambati uja. Embo amo re tere afaja rate be hako ahihi ai eraraja. ¹⁹ Tofo ta ahihi ami pambuto be ahihi eni ambupu sekari amita ke ija. ²⁰ Enana ami ke re ingito ingara ko ena Maha Otofu ami embo re erara be ombuto ufaja eto tofo ta jo Otofu ufo tapa ero tapa avo pere umo jo ai. ²¹ Eto emo re inge ne siro tembari amita oja ra eto amo hondate samuna nango ta ando ta amo re ekei akari aja Mah Otofu amita henai. ²² Meni Otofu amore tofo ta mamo ta be henai mija. Amore ona unge Otofu ai pambu aja. Ane eto pure embo betapata ami humote pai ora.