¹ Eha avo ningota vasiri sasamuna, eto ke sokova ta vasiri avo to vo eto enga enike hihi humbarim amika tapai. ² Ahihi Otofu tai, amo meni isoko aha ta emiei miuja anga eto kosari amo ai pajiretoa. ³ Meni Otofu ta gamu avo uniketo to ketoa, amo akari bera. ⁴ Amita havo, amo koro anga arira, embo meni ami amo uje oe orate, Maha Otofu mi amo re jokaja amo re pure pemi ango eto jokaja. ⁵ Nimo barak kor ango eje, Ahihi Otofu ta vande eto Maha ta pure embo meni ami Maha ta hande hiora anga hijo Meni Otofu ami ta javo ai. ⁶ Avo eto ke Otofu ami de arekuria uja amo evira,kivo namo koropemibe enga eto mena, embo avo namo humora uja amo nimo me mane ketoa. ⁷ Otofu ari emore embo humora ora amita,rate embo ke ingae ora amita mane ra. Embo vande ari embo ami koro amo uje ae ora, rate emore siro aco vuviaja. ⁸ Eto, Koro ke sokovs koro anga eto au avo ningo vatora. Enonata horombari avo mirae uje, do eto, enana avo ke ingae era eto pure ara ue jokara avo ae era. ⁹ Rate, ningo avo ma heka aja, Maha Otofu ta pure embo ami, Otofu da ami, Maha Otofu ta embo meni eto, avo ke atoa nimo mome ai mia avo toto Maha ta usasa ai vuvea avo. ¹⁰ Ningo avo embo manera, rate eha avo ningo Maha ta embo meni eva. Ningota jo ari mirae ra, rate eha avo nongo jo ari avo humbeva. Tunga humbuvo, ningo embo kitofo anga eto meve jake ena amo ningo ta da avo toto ningo ta andota ujeje avo ova, amo ningota ahihi amika isoro eva. ¹² Ningota vasiri avo ukari be atuja gentiles embo meni ta, ango avo, avo enana ami ningo ke era amo enana re, ahihi sisae ta pure avo ora, enana ami ningo ketora avo ningota vasiri akari be eto ningo Maha Otofu avo jakeka avo tofota vuretuja ai. ¹³ Meni otofu ta uje avo, endata tiri jikerikari embo meni avo Otofu ejo, endata embo pemi o ivo embo meni avo Otofu ejo. ¹⁴ Eto angato nongo ungata embo pemi avo hietuja amo enda ai embo vasiri samuna ue mera amita mene hito embo vasiri akari ue mera amita akari atoja. ¹⁵ Evi Maha Otofu ujera, nimo jamo eto embo sasamuna amita ke avo mane ingetoa. ¹⁶ Embo meno tefo mera ami no iji tefo avo mane avo afurukatuja, rate Maha ta pure embo be ejo. ¹⁷ Embo betapata avo Otofu ejo, No nameni avo tunga humbuja. Maha avo joru ejo. Embo pemi avo Otofu ejo. ¹⁸ Maha ta pure embo, Maha avo otofu ue ke re kase vo. Ke kasatova avo akari eto gentile embo peveni amita pere manera, rate embo avo osaka ufora amika tapai. ¹⁹ Embo avo meme avo humbatuja amo akari bera do eto, amo mine Maha Otofu ta pure uja avo embo ufuja. ²⁰ Ningo samuna najika ova amoMaha berata meme amo humba vo? Rate ningo vasiri akari avo eto ningo osaka meme ufova amo akari be ra Maha Otofu avo jakeka ova. ²¹ Eto avo ova amo Meni Otofu ta jakera, Meni Otofu amo meme Ofaga, are kuria angai ari avo ningore ova amo tofota haire avo amboanbo ova. ²² Amo samuna aera, eto tfota pe amai ke samuna avo hambae ra. ²³ Amo osahai kuriara amo mine kururara. Amo meme ofaja amo joru aera, rate tofo nimo avo jokaja samuna sirikari embo amita ²⁴ Tofo nimo nuha nango ta samuna avo humbuto vito i faiei ekaraja, avo aja ami nangota samuna amo mirae aja, avo eto nangore akari ai pere miretora. Tofota orosa ami nangore ei akari ara. ²⁵ Ningo avo o sheep toari anga eto erava, rate heha avo ningo overeketo o, mamo amita vuveva eve avo ningota ahihi avo simba uja avora.