¹ Dubo bari, asisi berari awa gebe eote, ata bavedo asisi awa bavedo gio, God da yai edo gumbirita awa,ainda be peroveta pitawa kakato jiwaebe, idegetera butuda itera re. ² Ango eta ami God da asisi be awa gata, asisi berari nomi karigetera Iesu Keriso gundopisi burisina, awa God awa God asisi ara. ³ Asisi berari nomi Iesu, awa God yai edo gumbae, sira awa God da asisi ae, ata perovota kakato da asisi, gupira ingeta awa matu gumbira butu da isira. ⁴ Kinapeina nato, imo mane awa Godi da,edo matu daginegetewa,ainda be embo itododa isira awa bajina be edo butuda isira awa saka. ⁵ Embomai awa butuda edo gumbari,awa embo rotera awata butuda ango,edo butumi awamane da ge ingaina. ⁶ Kaena God da yai edo gumbari. Embo aimi God garisira awa ge ingenato ingaina. Engo eite awa kaende gebe da asisi edo ge pitawa da asisi arapa be gara. ⁷ Dubobari, kaende dubomina bara ana, dubobari awata God tutu, edo embo berari ain mi dubo burera awata God da engari edo God gotera. ⁸ Embo ave dubo bari itae awa God gae, God awa dubo bari awa tedo. ⁹ Ainda be God da dubo bari, kaenato yaiarapa esira, God mi ainda mai ao da, pisiri butu da gupusina, kaen embo awa embo itana. ¹⁰ Dubo bari ainda doda, kaen nane God dubo bae, ata God mi kaena dubo budo, ainda mai ao da awa kaenato jimbo da rorou pipisina. ¹¹ Dubo bari, God kaena dubo burisina, kaena daedo embo nei dubo bara, Embo da nomi God gae, kaena dubo mina bara ae, God kaenamode isira, ainda dubo bari awa dave. ¹² Embo da aimi God gae. kaen embo nenei dubobana gido God kaenato doda itaina, edo ainda dubobari ingenato doda awa goroba aina. ¹³ amisiri kaen gana awa kaen embo ainda doda, ainda be awa kaena matu ainda asisi nenei pipisina. ¹⁴ Awatedo nakare gera karigetera ,makami ainda maibutu tonebarate pisiri gupusina. ¹⁵ Embo aimi Iesu God da mai, ango karigesira awa God ainda doda itaina edo embo awa God da doda ¹⁶ Daedo nakare matu gositera edo tumoda esitera God da dubobari awa kaenato. God awa dubobari, edo embo ainmi God da dubobarida itaina ,edo God ainda doda itaina. ¹⁷ Ainada be dububari awa esiri kaenato yai arapa esisina, ango ari kaende katari ijide,goroba edo petorote, anida be davemi butuda iterare. ¹⁸ Dubari da ainda adu ite, ata dubaridada dave ami adu , awa demoda augedo ira ainda be audo awa katari deda buro edoira, ata aimi audu ira gido, dubari da dave ami euri dave edo ira. ¹⁹ Kaena dubo budo ena aindabe, gisi God mi kaena dubo burisina. ²⁰ Embo aimi na God duboburena site, namejide otogo vitogo awa pitawa kato, embo aimi ainda nameji gosite dubobae ira, awa God dububari yao ae, ainda be awa God awa gimi gae God. ²¹ Awa tedo audari ewa God da, embo aimi God dububurira sira da ango nameji nei dubobaina.