¹ Gi Mamo mi dubobari tega, ro inge kaena namonde pipisina,ami kaena God da mamai tedo era , kaena ango awa butu embo mi kaena gae itera ,ainda be butu maka gae itra . ² Nano nameji kaena boroko God da kinapeina , ata kaena God da kinapeina awa ,arapa ae itera, kaena gotena Keriso arapa eiari ,kaena arapa ana ango edo, gisimi embo ainde mina gara ara. ³ Embo berari ain mi eiwa tumoda eira, ami embo awa akuta dave eira,da Iesu dave ango. ⁴ Embo berari aimi jimbo eira, awa Iesu aodari awa embo ainade yai itae. ⁵ Imo goteta Iesu arapa esisina ainda be awa jimbo teugain, ainda be awa embo awa jimbo itae, ⁶ Embo aimi Iesu da doda itae, awa matawa jimbo eite itaina. embo aimi jimbo matawa eite isira, awa Iesu da doda iste Iesu gosira isira. ⁷ Kinapenaina, dowawo imo mane embo nei mi, imomane gisi jiaro demoda wotove, embo da nomi wasiri dave ira embo awa dave, da Iesu dave ango. ⁸ Embo ainmi jimbo era embo awa binei da, ainda tuturo da binei jimbo esisina,eiwa embo God mai arapa esisina ,binei buro dari madarate. ⁹ Embo aimi God deda isira ami jimbo ae isira ainda be God da ge embo ainde isira. ¹⁰ Ango mi God da averi, edo binei da mamain awa karigesira, embo ainmi wasiri dave ae eira awa God da ae ,da ango nameji nei dubo bae . ¹¹ Ainda be bino tuturo da ingeta awa eire,kaende dubo mina bara ana. ¹² Kaena Kein ango ainae, embo awa binei da orobe edo, ainda nameji desiri besisina , ainda be awa Kein da buro awa binei da, edo ainda nameji da awa Godi da. ¹³ Nato nanonameji, erae dumba eove, butu mi imo de sinigambari ari awa. ¹⁴ Nakare gotera, nakare betari daginegedo wasiri bera,ainda be nakare natokare nanonameji dubo burera, embo ave ainda, yai dubobari itae awa betari. ¹⁵ Embo aimi nameji vitogo eira, awa dari betari embo, imo goteta embo aimi embo nei deuri betedo era embo,awa wasiri natopo itari ainda itae. ¹⁶ Ango mi nakare dubobari gotora, ainda be Iesu kaena embo wasiri pipisina, da ango kaena wasiri, nameji embo piana. ¹⁷ Ata embo ami butu da, gayapa jiwae isri nameji memesi ira gosite, dodo gae sira ira, awa Godi da dubo bari embo ainda yai itae. ¹⁸ Nato kinapeina ge mi edo, be mi dubobari tain ae, ata ge bemi edo iwata mi tana. ¹⁹ Ango ami kaena gotena, kaenato do awa Godi da gisi da. o Edo kaenato do mi, kaena betari da piyedo ira, Godi awa bajina be kaenato dode inono ae, edo embo ami rorae berari gido eira. ²¹ Dubo bari, kaenato ubowa mi kaena betari da piyain ae, kaena Godi tumoda era awa tedo. ²² Rorae ro kaen ganega ena, kaen embo ainda yai kupena, ainda be awa kaena embo ainda aodari, awa simba eite rorae berari, embo ainda gisi da dave awa edo era. ²³ Eiwa ainda aodari , kaena Godi ge be era, edo ainda mai Iesu Keriso da dao da,daedo nembu nei dubo bara, da embo ami kaenato yai aodari eiwa pipisina ango. ²⁴ Ebmo aimi Gdi da aodari jra isira ami enbo ainda doda isira, edo Godi embo ainda doda isira,engo ena ami kaen gotena, embo awa kaenato doda isira, edo kaen mina gara ena, asisi embo ami pipisina ainda.