¹ Kinapeina, ove eiwa jivena ito mane yai imo mane jimbo eovekae, ata embo aimi jimbo aina eira gido, awa mamo ae mai Iesu Keriso, dave embo mai ainde kari gaina, ² Ainda be awa embo ami, kaenato jimbo da rorou esisina, da kaena ae ata butu dede awa embo, ³ Ango eira ami kaena gotena, kaen embo awa kena, atutubedo ainda aodari awa simba ara. ⁴ Embo aimi na Godi gotena sira, ata ainda aodari simba ae awa pitawa kato, ge moka awa embo awa embo ainda doda itae. ⁵ Ata embo aimi Godi da ge awa, siriri ainda doda isira, awa ge be ae dubobari mi, embo awa dave esira, ⁶ Embo aimi Godi da doda isira gido, awa embo ainda ainto ari, awa da Godi ango aina. ⁷ Dubo bari, na aodari ewa ito mane yai teka gayae,ata aodari matu da tuturo da ge ingitewa awa. ⁸ Ata aodari eiwa teka, ito mane yai gagurena awa eire, ge be awa kerso da, edo ito doda, ainda be awa tumba awa daginegesira, edo ge be da parara awa matu datembesira. ⁹ Embo aimi embo awa pararada isira sira,ata ainda nameji dubobae awa, embo awa tumbada isite gundo boroko isira . ¹⁰ Embo ainmi ainda nameji be dubo burira gido burira gido awa pararada isira edo ainda yai beyae gumainyae. ¹¹ embo da ainmi nameji de sinigambari ira awa matawa tumbada isira, awa tedo yai noda maunsiri awa gae ainda be embo ainda gisi awa tumbami apuregesira. ¹² Ge eiwa ito mane yai, gagurena nato kinapeina,ainda be ito mane jimbo awa ainda daoda kotembedo dosira. ¹³ Ito mane mamono da yai gagurena,ainda be awa tuturoda imo mane gari,ito mane mamain tekada yai gagurena ainda be imo mane jimbo dagine getewa. ¹⁴ Eiwa gagurena kinapena babain gae da yai ainda be imo mane maka gewa.Ge eiwa gagurena ito mane mamo da yai ainda be imo mane main teka da yai ,ainda be imone goroba,edo God da ge awa itomane yai doda isira ami jimbo daginegetewa. ¹⁵ Butu dubo beote ae gaiapa butuda ainde,embo ainmi butu duboburira,awa makada dubobari ainda doda itae. ¹⁶ Gaiapa berari butuda isira - tamo pisida udo jipapa - maka da yai edo gumbae ata butu da. ¹⁷ Butu da udo awa berari sirira.Ata embo ainmi God da jipapa da ira awa natopo itaina. ¹⁸ Kinapeina,eiwa iji beao ira .Da imo matu ingiteta ango peroveta pitawa tari kakato matu gupitera. Boroko ge pitawa tari kakato jiwae be gumbera.Ango era re kain gotena iji beao ira. ¹⁹ Embomai awa kaen nato yai,edo idegetera,ata embomai awa kaen nato ae, embo mai awa kaenato gido awa kaenamode itetera,ata idedegetera ami karigesira awa embo danomi kaenamodeda itae. ²⁰ Ata bindegari mamo kotopu da ami, awa ge moka geta. ²¹ Na imondemane ge eiwa gagurena ainda be awa imoma ge mokagae site ae ata ainda be awa imomane gewa ainda be ge pitawa gebe doda itae ²² Embo ainmi bada Iesu awa bevo ira awa embo awa pitawa kato ,ainda be awa embo awa main de mamo de bevo ira . ²³ Eembo ainmi mai udumbae awa ae mamodeda isira.Ainmi mai gebe ira awa ae mamode isira. ²⁴ Ata imo matu ro ingiteta tuturoda awa doyo ito doda itare, imo mai ae mamode da doda itata. ²⁵ Eiwa tarigari ingenamode pipisina - natopo. ²⁶ Embo aimi imo mane gisi jiari demoda wotawa ainda ge gagurena. ²⁷ Ata imo ,aoari Iesu da yai buriteta awa imode daedo isira ,awatedo embo ainmi imo atopatain ae ata doyo ainda aoarimi rorae berari gebe awa imo atopatare ,da imo atopasiri ge be eta ango awa ainda doda isio. ²⁸ Arie nato mamai, boroko Iesu da doda isiwo eiawo embo awa arapa edo idegedo gupira awa kaena embo ainda dombuda me gainae,imo goteta embo awa dave embo,daedo goteta, embo aimi wasiri davegave ira awa Iesu awa embo ainda doda isira.