¹ Embo berari aveka mi, Ieusu awa keriso ge be ira awa God da mamain, embo berari ave kave mi, maka dubo burera awa duboburrera awa aind maindaedo. ² Ango era ami nakare gotera, nakre God da kinapeina dubo burite, ainda audari ambo ambo era. ³ God da dubobari awa eire,kaen embo ainda audari sima ara, ainda be awa, audari ami natokare yai memesi daro piae. ⁴ Embo aimi God de itera, awa mane mi God da gorobada, butuda bawari dagene gedo era, awa mane da ge be ari mi. ⁵ Ata ebo ami butuda bawari dagenegesira, ami awa Ieusu awa God da mai ango gebe ira. ⁶ Awa un ae ororo de mi gupusina, Ieusu Keriso da un mi gumbae, ata un ae ororo deda, ainda be gebe arida, aisi mi karigesisina awa embo. ⁷ Awa tedo eiwa mane tamode ami karigetera. ⁸ Aisi de, unde, edo ororo de, yamo de emi, awara era. ⁹ Kaen embo da ge kariga embo kumana, ata God da ge karigari embo goroba be, ainda be awa eire, God ainda main awa karigesisina. ¹⁰ Embo aimi God da, awa embo awa akuta karigesira, embo aimi God da mai, ge be ae ira awa embo awa embo awa akuta pitawa kato ira, ainda be awa, God ainda mai karigesira awa ge be ae ira awa tedo. ¹¹ Karigari eiwa, God mi wasiri natopo itari wa, kaenato yai pipisina. ¹² Embo aimi main kumbira, aimi wasiri kumbira, embo aimi God da mai kumbae, awa wasiri kumbae. ¹³ Nanemi ge eiwa itomane jivena, ango ano imo mane, wasiri natopo itari kumbewa awa gawate. ¹⁴ Awa tedo nakare ainda dombu da gororba era, arae nakare ro ganega, ainda ingera. ¹⁵ Daedo nakare gotera, nakre ro ganega era ainda yai, awa matu bera gotera. ¹⁶ Embo nameji jimbo iri gira, ata betae isira, awa embo awa pari taina, ari God embo wasiri piarate, awa embo ave kave jimbo era ta betae itena ainde tena, awa jimbo da beao awa betari isira. ¹⁷ Rorae berari dave ae awa jimbo, ata jimbo da mina ainda betari itae. ¹⁸ Nakare gotera embo aimi God de isira awa jimbo ae, edo aimi God da daoda isira awa akuta dave simba ira. ¹⁹ Nakre gotera nakare awa God da, edo nakare butu berari awa binei da goroba da isira. ²⁰ Nakare gotera God mai gundo, gari arapari awa yai pipisina, dae nakare gotera embo awa ge be, Ieusu Keriso ge be ainda daoda, God da gebe edo wasiri natopo itari. ²¹ Kinapeina ove kewari dodo aike petewo, imo mane akuta.