¹ Balisese ataea, isi Diuia basu loui kisaiai Diu haivevale ata, kea loi Dielusalemae daiai loi, Iesu vavale ugulelemai vovovai vai voleta dalu, isege Iesu minale ulu. ² Isi ivage, Disaiboloea abo ada toto solisito lovila holisi iiva. ³ Baslisese kenenia Diu ata keali abole lovi ilivelu aluaga abo ada totoai toba lovi vatalai isi, abo Elodaea aveveabela ke aeviva. ⁴ Balisese keale maketi loluaga aboba lovibe ilivelubele ilogo tai emohamai ada totoai, isi ea hau moeaga kelu louiavoe kabusi, melegi, koba, sini, tauli isi ogona tedisi tatavele lovi ivale keneni totoudua ai toba avole lovi ii. ⁵ Balisese isi basu loui kisaiavale ata kea Iesu lavia avoe, vadeu luga ai Disaiboloea Elodasi avale kateai, ada tot solisito lovila holisi iiva. ⁶ Ige Iesu lavige avoe, eula nonai oivale ata la nohovu, Aisaiau Belovetau lalai louale ata lalaea, loui avoe, Dilavau lovi avoe ata koea abo aile, da vai duatiale keu kitae, isito lutiabe bai keu daele ogea ulu. ⁷ Da hoeaseava kavalu, baiveu, ue solilu, ataea nonate ke vai loui avoe kou Dilava nonala kou. Isi vole seleavei oiva. ⁸ Laea Dilava basu ai vaeavale ke lehosivai, laealete otovei, kele meliai ui ata seleaveva. ⁹ Iesu tota lavigei, avoe laea Dilavau basu ale ko lehosivai, laelete aike lovai ueviva. Selela lakeava, isi vole seleavei oiva. ¹⁰ Luta Mouseseu loui kosealu, laeale lai Mamata lai Aiata hoeasea vai nonaeabe evive isito oleu au aia mama totou toela louike agigei toelatige, ke kavagau voeleai. ¹¹ Isito laea ibilalu loui kosealu oleu au Aia, Mama alu loui kosealu vadeu da vai amuale keu Dilava vileoga keu lolu. ¹² Isi laea keu ege solisege ata ke laviage au hau vole alu, aiata mamatalu. ¹³ Laea lai aveve kele Dilavau basuale ke kosai katui, ibilalu laelete ke ai ulu, isi hau moeaga aeveva. ¹⁴ Iesu tota ata moeaga, ke toiavege ea loige lavige avoe, Dii nona ko evive, lako nenia isi huhuave. ¹⁵ Vale vilea vatavale daiai loi atau uvue tiale keu ba, atake vai, toelatilivelubele, isito atau uvue velevai loale kela ba ata vai toelativa. ¹⁶ . ¹⁷ Ige Iesu ata moeaga moeaga ke kalevai oe tilu isege Disaiboloea laviai, avoe lolai ai donau nonake lou. ¹⁸ Ige Iesu lavigei avoe, au la lata nona kele malomaloalu, au la iva solilu vadeu vatae loi atau uvue tiale keu ba ata vai toelatilivelu bele. ¹⁹ Keu kosealu, toela keu lutive bai, ke uvue tiale bele ba vai toela tisi. Isito keu tai gogove uvue tai ou eseotige vesulu. Ige Iesu loui avoe, lovi iale keu duave. ²⁰ Isito Iesu loui avoe kaie keveo atau lutiu bai uvue, huhuiveu velevai loale kela ba ata vai toelativa. ²¹ . ²² Atau lutiu baile huhui veu velevai loale keala koea. Tebau huhui, vavolo huhui, eveta ata kavabe voeleve ke huhui, hololu haiavale ke huhui ataeali vole kaveve ke huhui, isi aiu kotava ke huhui masiva, hau moeaga lailoi lutiu baii, uvue velevai loale kela Iesu ke louva. ²³ Huhui toela kateivale keala atau lutiu baii uvue ui, ata vai toelativa. Kelu huhuai lutiu bai keu Iesu ola keu. Ke lehosivaloho voeleiva. Kela Iesu ke loluva. Ata daa talu. ²⁴ Kele Iesu ke haivei to kalei kobelai, Taea ta Saidon ta vatavae tilu. Tai oo voleu uvue hogolahai uge ataea ba ivalibelubele, igeto be vato ataea nii ulale ulu. ²⁵ Kateisege, keate vole vau munana toela avoele dobage, tilogoale ke aiavei evige Iesu lolu ige loaleu genave valale au geina bokoai vata bilu. ²⁶ Keate keu Guliki keate, Siloboenisieni vatava biage. Keu loi Iesu laviai avoe, dii vau munana toela avoele dobage tilogoalu. Loi kavai lovage au tai. ²⁷ Iesu lavia avoe usege eseu esetea lovite luta vavei keu dua solilu, esea, lovite agisi too vavei. ²⁸ Igeto keate keu kotove ke evisi laviai avoe, mana eseale tebolo adale lovi isege siguvea lavuale ke tooeale ke isii. ²⁹ Ige Iesu laviai avoe, a kateai loualelu, nenive, kalei tee munana toela keu ai faa kalevai tige vesulu. 0 Ige keate keu kuialai au oe tilu, tai ivage, faavele keu doadoai au betiu adale nai uva. ³¹ Ige ke ieae Iesu Taea vatava ke kalei, tota kuialai Saidoni vatavae tilu Galileia davala vavae, isi vaeatai Dikabolisi vatavae, daiavelu. ³² Isege ata volea, ata voleu golemaveu badilumuale koto evie site isi nonave keu savai uale, aule nonalivelu age aive keule gologoloai ui au bae meliai nonalivelu bele. Abo atake vai Iesu vileo lolu, isi Iesu laviai avoe, Iesu, ai ada vai avoela holige au doadoai. ³³ Ige Iesu vovolovai atake meialemei vai tai sekiai lovisi au adau viso vai golemave bisi, tioai vai nemeveke vavulu. ³⁴ Isi Otogoe niai ekineai lavia avoe Ebabata keu koseai dau ke alu "alava". ³⁵ Isege golemave keu alava sege nemeve keu doadoalu ige eu nonaleu nenive ula. ³⁶ Ige Iesu isuta lavigei avoe koo loui daiavevale. Igeto ataea genuhamai ke loui ata haiveitilu. ³⁷ Ige atake nenia loui avoe Iesu ale ko nenive ula. Golematogo keu nona evisege nanasite keu nonalu, ige keu duave baua.