¹ Iesu ata haivei oaloho, tota kuialai Kabenamue loisege vali nii moeagau vesuesolisege, abo evige Iesu kuialai au oe lolu. ² Ige ata moeagaea, avoe loevege, vatavau gigiai ulu ata moeagaea uge. Ige Iesu ke haiveva. ³ Isege ata volea ata voleu, genaveu adaveti voeleai ulavale abo loui avoe balalase, ata foa kabaisi vai loevelu. ⁴ Isi vai tai ola vaetai, ou benoe bunu tohoai, bedisi volele vaeava, kotele kunabei vai Iesu nenitale ketevege dobai lolu, Iesu vileo. ⁵ Iesu evieviabe ke ivai, balalasi ke laviai avoe dii voo, ai toela ke neniu daa vesuiavalu. ⁶ Isege dubu basu loui kisaiavai ata haiveioivale ata ke volea, ataea uvue uale kea ke evisi, abo uvula huhuai avoe. ⁷ Oleve kateila ai, ata kou koto koseale alu? Keu Dilavalau ke vai, toelatilu. Dilava ulala ba atau toela ke vesuiaveva. ⁸ Isege Iesu solekata munanavetuvu avoti uale keu haivulu, ige Iesu lavigei avoe, la vadeulake huhuiva, lai lutiu uvue. ⁹ Oleve keu duave au laviai koseai loui, aii aveve toela keta vesuiavalu kobelai aii ama lekoloai vai lavisi tee?. ¹⁰ Isito nonau inutela kou, atau eseu vata koveo vuvune kitae valelakeu. Aule ataea toela kevesuiavagei. Ige Iesu hatiti toela ale ke laviai avoe. ¹¹ Daa aike aa lavialu, kobelai lavisi ai ama lekoloai vai ai oe tee. ¹² Ige euu solekata kobelai lavisi auu ama lekoloai, vai ataea nita lavisi auu oee tilu. Ige ata kenenia ke ivai tetehamai loui avoe, valevole bosila kou, loi velevalu. Isi kenenia Dilava hoeaseavalu, isi loui avoe loo valebe koseale iva solialela kou velevalu, ige lo ave ivalu loi niteta. Isi kenenia Dilava hoeaseavalu. ¹³ Ige Iesu kateaito kalei kuialai Galileia davala vavae lolu ige ata moeagaea avoe loige euu haivelu. ¹⁴ Keiae Iesu loivevela, Livai Albias foveu takesi agivale teniti vale, ugulumai uva, ige euu laviai avoe daa lovai loo, ige eu solekata kobelai lovai aboili tilu. ¹⁵ Ige Iesu tai Livai oee lovi isege takesi agivale ata kelete moeagau loige, toela avale ata moeagata loi aboili lovi iva. Disaibolo keneniali isi ata moeagau, lovai, loivale kenenia bahata ui, lovi ieviva. ¹⁶ Ige Diuia basu loui kisaiavale kea Balisese ata kea, ke ivai Disaibolo lavigei avoe, vadeuluga Iesu atau toela keali lovi ivaa. ¹⁷ Ige Iesu ke evisi lavigei avoe, atau dua kea bae doketa kaoalivelu bele, isito hatitiavale keala ke doketa kaogeva. Daa kove loale keu atau dualaiga, daa loie solilu, isito atau toela laigau daa lolu. ¹⁸ Ige Dioni Disaiboloea isi Balisesea Disaiboloea Dilava hoeaseavalivelu, aboba lovi ilivelu bele. Ata volea loi Iesu laviai avoe, vadeuluga ai Disaiboloea Dilava hoeseavai uii eta lovita isii uvaa, abobiga vaemigei uee solisito. ¹⁹ Ige Iesu lavigei avoe, au foo voleule au ivu vai uge, kakoluvuia beaba uvualivelu bele, isito abole avoluvita uii sisilai uii lovi isii uigei. ²⁰ Ivagato valive niiu loige aboloi malaha kevaitige kakoluvuia beaba avolu uvuai lovi ii kalevai. ²¹ Atabeaba auu agona dogave letulisi vai auu ogona mamivetaba vaeavoi badimulivelu bele. Aule kateige keule sisivelu louii bukiai lavui saguvelu louive. ²² Ige kelate ata voleu auu vaini dogavevai ba mamiveta badimulivelubele kele lehosivai aule kateigaule keu savai dihohovoi. Ige vaini dogave keule kosihovoi lavuatisi isito aule vaini dogave vai ovou vatee dogave badimuale kele lehosivage auba davuhovolivelu bele. Iale Iesu avoe dii aveve kou ba vatau aveve ketiigalito alivelu bele. ²³ Vali vole bulau vavita Iesu auu Disaiboloeali konee vuu vole uvula tisege Disaiboloea kone dakoalu. ²⁴ Kone dakoai igee Balisesea keivai Iesu laviai avoe, iva, vadeuluga kea bula lehosivalu, isi kone dakoai ilu. ²⁵ Ige Iesu lavigei avoe, auu la dodave solilu bukau uvue Deividiu au kakoluvuiali aleke. ²⁶ Memila Abiatau Dubu bulisiti olisi Dubu nikovai uvale vali ke nila Deividiu Dubu uvue tai beledi tuvute bulisiti ulaea ivaleke agisi isi vole agisi loi au kakoluvu vavege ea abota ke ilu. Beledi tuvute bulisiti ulaea ivale kee. Ige Deividiu dubu basu kelau ke leguvai loviu tuvu ke ilu. Kelu loviu taiti ke ikavalive, keu tuvuvela keu aloloivale kea lovila keu. Keu tuvuve bauala keu "taiti". ²⁷ Iesu tota loui avoe Dilava bula ai vaevale keu atalugau kee aii vaevalu. Ige atau kele ui lu ovoi sibeleai uii Dilava hoeaseavai ui, vali nii keu tuvuve bauala keu ke lehosivai voeleiva. ²⁸ Katealelu atau ese keu bulau kosivela keu, kela ke alu, ata daa talu kelu iva dua aso, lehosivai, voeleiva, biageu loige au valite nii kele loige.