¹ Nona kou Iesu Keliso Dilava vou nonala kou. ² Aisaia Beloveta kisaiai loui avoe, ivave dale dii hau avale ata vole hanavagau, unila ata lavegei tai, loui koseai Dilala au voo hanavage loiva. ³ Malaha keule botoe lavisi ata toiavei loui koseai Kosive kuva ke neniai loive. Isi lai uvu hoeaseavai toela ke sesiai uvu duave ulale uve. ⁴ Ige Dilava Dioni lau keu louva, iale Dionile keu loitialeu botoe lavisi ata toiave lou avoe, lai, lai aveve toela ke kalevave isi kuiakava loi babatisoave ige Dilavaule lai toelake neni vesuiavaige aule uesolisi. ⁵ Dioni leu kateai louge atake nenia Diudeae uvale ke nenia, isi Dielusalema siti uvue uvale ke nenia daiai Dioni vileo loevelu isi nonave ke evisi abo kalau toela ke loui daiage Dioni ke agisi Diodana ee kele babatisogevelu. ⁶ Dioni keu ata vole tolove keu ogonave ovo vole abo louiavoe "kamelo" homo ke aule kolovugei isi vateve koisi ele beleti ale kea augogo umuvagei. Isi aule kenaku kavei igei isi idiu vae vidia ke aule kanovei igei. ⁷ Isi aloloai loui avoe, ata voleu dii iae loale keule da leivia ata kitae olisi. Ige daba tamakave tohoalivebele eu vuvune kitaeu avoele ualela keu. ⁸ Dioniu loui avoe daa elela Babatisogelu isito eule munana tuvuta la babatisogei. ⁹ Vali vole nile Iesu Galileia vatava au oo Nasaleta ke kalei Dioni ivalivelu lolu, loi Dioni ivalivelu tilu. ¹⁰ Ige Dioniu Iesu vai Babatisoeavalu ee Diodanale, isege Otogou davuhovosege Dilavau Munanau tuvu eule ugu Bune taete ke lateu tulisi lolu loi Iesu betakavale ugulumalu. ¹¹ Isege Otogole nona voleu loui avoe, au dii uvu voo leleve alau, daa alu sisla kitae alu. ¹² Koto keu loi vesusege Dilavau Munana tuvu Iesu vai botoe ataea ue site kevetilu. ¹³ Ige Iesu botoe uale valini foti keu uvue seteneu seleavalu isege eu ovo aihanite kea uvuie auvu uva, igeto Dilavau Aneluia avolu vita oiva. ¹⁴ Ige abo Dioni umuvai vai tai dibula uvue vaeavige usege Iesu loi Galileia Dilavau nona aloloaive ata haivelu. ¹⁵ Loui avoe Dilavau vali niu loi vuguvugualu, lai toela kalevai loi Otogou nonau dua ko evive, isi nonako evisi vai lelevetisi, lovai, Otogo kuvala teve. ¹⁶ Iesu kateai louto Galileaia davala mili kela dai tilu, tivevela Saimoni ivalu isi Saimoni koo Endulu ta ivesege ea ui abo emikou ugaba ke katuva. Isi emikolu niasege Iesu lolu. ¹⁷ Isi lavigei avoe daa lovai loige lai tai la emiko kaoale ke late lai ata kaogei. ¹⁸ Ige ea solekata kobekavai abo emiko mai kalevai lovai tilu. ¹⁹ Ige Iesu aboili tivevela ivage Diemisi Diebedi vola au koo Dioni ti abo bouti vale ui abo mau emikoea boige vale ke ui badimuva. ²⁰ Ige Iesu toiavege ea kobekavai abo mama Diebedi kalevalu, aboele hauavale voo voleta. Isi Iesu luvita loevelu. ²¹ Loevealea Kabenamue daiavelu bula vavita ige Iesu Dubuiabe vai tai aloloai haivelu. ²² Ige kea ke evisi huhui kitae aevelu nonave ke evisive, alolove keu Diuia basu loui kisaiavale ata katealea alolo ke leivia vuvuneai ulu. Ige ataea ke belala kitaealu. ²³ Isege Dubuiabe ke vale ata vole, tilogoale, keu kele ualeu, keu kekoai avoe. ²⁴ Lole vadeu ai aluvita Iesu Nasaleta ata? Au aloale kou loi lolau ko le hosivalivelu?, loo huhualela au ole alau, au Dilavau ata tuvute alau. ²⁵ Kateige Iesu laviai avoe sekia koto kale isito malaha ke vilele velevai, lote. ²⁶ Ige tilogo toela keu avoele velevai, malaha kevai ela vata kavai kekota loi velevai tilu. ²⁷ Ige ata ke nenia tetehamai, vole lavigei avoe evadeula koseale kou. Kou alolo, dogavela kou, vuvune kitaeta lougesi godio toelau kotove evisi daiai tilu. Ata ke vilele ige ata keu doadoalu. ²⁸ Ige nonave keu bahata Galileia vatake nenile tige, ataeau ke evilu. ²⁹ Ke iae ea dubu kalevai loevelu, Iesu, Diemisi, Dioni kea Saimoni ta kove Endulu ta oe loevelu. ³⁰ Isege Saimoni vaeaveu hatiti vavalibite ke vai nai uvaga abo Iesu laviai avoe Saimoni vaeaveu hatitiai nai uva. ³¹ Ige Iesu ke evisi loi adavela holisi letatavage eu kobelalu. ³² Ige gutu kele vali niiu dobalivelu tisege ataeau abo haluluviale isi godio toelau kokemegevale, ke lohomege avoe loevelu. ³³ Siti uvule uvale ata ke nenia loige anakau ililohoi ulu ata ulata. ³⁴ Ige Iesu haluluvite ke neni hoeaseavege ea doadoai tilu. Isege behuda vale ke neni Iesu lovegei louge aboe ai bavui daia tievelu ³⁵ Iesule vau alavalivelu vuguvuguisege aule kobelai ataeau ue site keveo talivelu au Mama daluiavagei. ³⁶ Isege Saimoniule au kakoluvuiali Iesu kaoai tigei. ³⁷ Abole ivaluaga lavia koseigei ataea alu loevelu loi ivege. ³⁸ Ige Iesu lavigei avoe, lai tai, vatava voleo ige da aloloai. Kelugabom da hanavage daa lolu. ³⁹ Ige ea Galileia vatava ke nenile aloloavelu isi seteneu munana toelau aboele uale ke neni nunuvelu ige ke nenia doadoalu. ⁴⁰ Ige lebelasi vale vata keu loi kome bokoai vata bisi laviai avoe, au a ivisialuaga da hoeasea vage daa doadoai. ⁴¹ Ige Iesu avoleu uvu kitaeai loi vavavele lavisi louavoe mana isi au ada letatavai vatala laviai avoe doadoa. ⁴² Isege solekata vavave keu doadoalu. ⁴³ Ige Iesu nonavole haivui hanavage tilu. ⁴⁴ Iesu laviai avoe huhua momai atabe lavia vale, isito talievelu amiga vai Dubu Bulisiti ke haive, isi Mouseseu louale ke late agau keu loi ai aveve olisi dua kelu. ⁴⁵ Igeto malaha keu, ke evie solilu, isito tai ata ke neni haivei avoe daa ave doadoalu, Iesu daa hoeaseavage. Ige nona keu tai kitaeage Iesu ibilalu boto ulae ui aloloai oiva. Ige ata moeagaea kaoai loisege eu ba haiveva.