¹ Iho wahai, ahepoekari, embo peni amite tihi jigari embo neinei eto, pepeni ta tihigari eto jewish ta embbo okose amina ingeni punduto umbuto puvua, umbuto pilate ta ikea. ² pilate na eto ingari ena umo Jews ta king re? Iesu na ke mine ena, umo re erea avora.'' ³ Ahepoe kari re embo ta degi te nei te kainte ea. ⁴ ilate na ehako Iesu eto ingari ena, '' Ke mine do ao?'' umo kogoete no javota ke sokova neite neite ere ra. ⁵ Rate Iesu na pilate ta ke mine aera, eto amina enu tututu ena. ⁶ Eto pondo iji te tapa be amo Pilate na tipura embo avo toi ara hata puvuora, amikote tipura vahai ujeje ea. ⁷ Embo javo Barabbas amo tipura jo ta embo neinei ainge, pegene embo eto tarikajari embo meni amiga mihahija. ⁸ Eto embo peni wahai pe Pilate ta degi puvuto eto ingari ke ea ari iji kihi ta ena ainge eheko. ⁹ Pilate na ke mine enana ta degi puvuto eto ingari ke ea '' Ungo uje Jews ta King avo toano pambaja ereve? ¹⁰ Eto amita be amo tihijikari embo ta ujeje be amo iesu avo pilate ta degi ikasi hotembea. ¹¹ Rate apoekari embo nei wahai avo osaosa eo ereto jage eto aro Barabbas arahata puroja ea ¹² Pilate na ke mine ena nane Jews ta King ta degi kedo ano? ¹³ Embo meni aruketo jajage ijie i orekata ke ainge ea. ¹⁴ Pilate na ke ena, ''Embo emo sapura do ehei?'' ange anu mine embo meni na gagahe eto ea, ''Ie oreka ta te.'' ¹⁵ Pilate embo meni ao osa are uve, Barabbas avo ikenu arahata bambuna. Eto Iesu avo ie orekata pehaja ikena. ¹⁶ Isoro embo na Iesu tihijigito umbuto jota eto orihaja puvuto isoro embo neinei avoa jajage eo wahai ka puvera. ¹⁷ Eto ohoma ite avo ikeo ombuna, eto esi pepete amo siro ta ikeo asukena. ¹⁸ Embo na Iesu pekihe, ke einge ea, aja Jews embo ta King einge ije urumbea. ¹⁹ Ainge eto enana ituha umbuto uha ta togeha isuva uve eto paunge peteri eto umote pai eto avo urumbea. ²⁰ Eto Iesu urumbihe bogara amite avo ikeo asukena, enu iorekata taisi umbuto pahuve avo ganini eto Iesu urumbea. ²¹ Embo wahai javo Simon da Cyrene embo avo puvuhoi hambuto, Iesu ta ie oreka avo umbaja ijiera, eto embo amita javo amo Simon da Cyrene embo eto amo Alexander eto rufus ta mama. ²² Eto isoro embo na Iesu umbuto degi javo Golgota (uha behu) amita jo ta pambua aita wine sugagape avo Iesu na indoja ike, rete amo indari uje ae a. ²³ Eto wine sogagate tavari avo Iesu na indoja ike, rate avo ikeha, rate indae ea. ²⁴ Eto Iesu ie ata hu ta tea eto tohota gara ugorota osereketo oenga ara umbua. ²⁵ Eto iji 3 'o'clock unu avo Iesu ie orekata tea. ²⁶ Eto Iesu urumbihe,ke agerere einge kaje Jews embo ta King. ²⁷ Eto iji amikote amo pegene embo heriso torara, wahai ingeni beta eto nei wahai amo ingeni hangata. ^{28 29} Eto embo meni na embereta hae ue, Iesu urumbihe ke sasapura ea, umo jakekari bande avo aembeto, iji heriso nei wahai ta gerikasi ke ijia, ³⁰ avo oroho ie atahu totove. ³¹ Eto ainge dombo Jews ta tihijikari embo meni na urumbea," ke einge ea embo nei avo honde hate, oroho amo umo oenga eto kondari haite manera, ijiera. ³² Keriso Israel ta King oroho be ie orekata totovea nago kito avo ke be aisora. ³³ Eto iji veto hure 3'o'clock unu degi tapa avo mume na iketo ahureketo mihinu puto mume 4 o'clock uija. ³⁴ Eto iji amikote Iesu na sihori gagahete ijihe, ''Eloi eloi lama sabatani?'' Amita be amo, nau mama,nau mama, umo do eto na tohe?'' ³⁵ Embo meni aita mihera amina ke einge ea kivujo embo emo Elijah jage eria.'' ³⁶ Embo wahai amina tutu veto pambuto vinega sogaga te avo umbuto puvuto bo ipiki ta haito ikeo indina, eto embo wahai na ke einge ena kogue irivujo Elijah na umbuto ikau veaute avo kiore. ³⁷ Ainge eto Iesu si gagahete ijie ambuhaja. ³⁸ Eto jakeka ari bande jota curtain ugorota osereketo oviho oviho ue ita eto vetohuta. ³⁹ Eto iji amikote isoro embota ta tihijigari embo pajire amina Iesu ta pehari avo kito ena, ke be embo emo mamo ta meni ra ainge ena. ⁴⁰ Eto aita amo evohu meni ga tapa heteto hoi beta kogue mihera, ugoro ta Mary magdarleen, mary (amo James te Joseph ta aja ra) eto Salome. ⁴¹ Eto Iesu Galilee hembuhaja amo avo ambo ue hondate uera. Evohu neinei ga tapa ga Jerusalem jota eto puvuhara. ⁴² Eto hure vovunu amita jota amo sijasija ari iji ra eto evito amo Jakekari iji ra (Sabbath). ⁴³ Eto embo degi javo Arimathea ta embo amo ai putuhaja. Embo amo embo tapa na otohu uvahera, eto pilate na isoro ta tihijigari embo ta tihijigari embo ta degi etoingari ena. ⁴⁴ Pilate tutu uhija amita be amo Ieus ambuhaja eto Pilate isoro ta tihijigari embo ta degi eto ingari ena. ⁴⁵ Iesu mahu pehenu kito pilate na Iesu ta hoga avo Joseph ta ikena. ⁴⁶ Joseph na bo parara avo umbuto pambuto Iesu ta hamo avo oreka eto umbuto ikenu vena, enu amita amo togeto avo use ta ikena eto use amo karu pajire kovihara eto karu nei amina mimikeo puvuto pe ikena. ⁴⁷ Mary Magdalene te Joseph ta aja te na Iesu degi dai kovi hara amo koguera.